Македонија
Османи: Украина е само првата станица на руската империјална амбиција, следната е Балканот

Министерот за надворешни работи Бујар Османи учествуваше на конференцијасо наслов „Украина: Две години херојство“, каде што се одбележа двегодишнината од руската агресија на Украина, организирана од Амбасадата на Украина во Скопје и ЦИВИЛ.
„Денес се собравме да го одбележиме нивниот спомен и да ја увериме Украина дека ќе продолжиме со нашата поддршка и во иднина. Ќе продолжиме да стоиме на страната на Украинците и да им ја даваме поддршката што им е неопходна за одбрана и обнова на нивната земја. Северна Македонија ја поддржува Украина како на политички така и на оперативен план и ќе продолжи да ѝ дава поддршка сè додека е потребно. Во оваа насока би го споменал нашиот придонес во билатерални рамки, но и на меѓународно ниво“, истакна Османи.
Во своето излагање Османи стави акцент и на своите заложби како претседавач со ОБСЕ за изнаоѓање практични решенија за помош на Владата и народот на Украина во надминување на тешките предизвици.
„Украина беше еден од главните приоритети на нашето претседавање со ОБСЕ, САД – Јадранската повелба и ПСЈИЕ. Во својство на претседавач со ОБСЕ двапати ја посетив земјата и силно се залагав за изнаоѓање практични решенија, кои би им помогнале на Владата, граѓанското општество и на народот на Украина во надминување на предизвиците со кои се соочуваат. Во исто време бевме силно фокусирани да укажуваме постојано на итната потреба да се стави крај на оваа војна. Понатаму, додека претседавав со А5, иницијативата објави заеднички изјави со поддршка за Украина и силна осуда за руската инвазија“, рече Османи додавајќи дека како земја членка на НАТО остануваме цврсти во нашата посветеност за дополнително засилување на политичката и практичната поддршка за Украина додека земјата продолжува да ја брани својата независност, како и својот суверенитет и територијален интегритет.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
„Зелен хуман град“ почнува со собирање потписи за основање партија

Граѓанската иницијатива Зелен хуман град почнува процес на собирање 1.000 потписи за да основа партија.
„Драги луѓе, Зелен хуман град ја формира првата партија во Македонија која во срцето на својата политичка агенда ги позиционира социјалната правда, заштитата на животните и животната средина. ЗХГ е воедно и првата партија во историјата на Македонија што ја основаат долгогодишни волонтери, а не спонзори. Ја основаат луѓе што со години во континуитет ги вложуваат своето знаење, време, енергија, како и финансии, за да создадат здраво и функционално општество за сите – и за луѓето и за животните. Иако сме принудени да ја основаме партијата само за да имаме право да се кандидираме на избори – нашето делување останува идентично како и до сега – хоризонтално, со директна демократија и активизам, отворено за секој што ги дели нашите вредности“, велат од иницијативата.
Од таму велат дека втора изборна година по ред ја отвараат вратата на секој што смета дека има доволно знаење и ентузијазам да се придружи на нивната листа за Совет на Град Скопје.
Во изминатите 4 години, велат од таму, како дел од Советот на Град Скопје со само 2 од 45 советника успеавме да постигнеме неколку преседани.
Македонија
За една недела „пајакот“ кренал 74 возила во Центар

ЈП Паркинзи на Општина Центар во соработка со Сообраќајната полиција-Скопје во периодот од 28.07. до 02.08.2025 година, со помош на специјалните возила „Пајак“ отстранија 74 непрописно паркирани возила кои го попречувале нормалното и безбедно одвивање на сообраќајот.
ЈП ПОЦ и Општина Центар континуирано ќе ја спроведуваат оваа мерка и апелираат до граѓаните да ги почитуваат правилата и прописите и да ги оставаат своите возила само на пропишаните места за да им се овозможи на пешаците и велосипедистите нормално движење по тротоарите и велосипедските патеки, а на возилата безбедно движење по улиците.
Македонија
Бизнисменот Душко Чифлиганец загина во несреќа со мотор

Младиот бизнисмен Душко Чифлиганец загина на 32-годишна возраст во несреќа со мотор во Брно, Чешка.
Тој е син на познатиот стопанственик и универзитетски професор Ванчо Чифлиганец и беше заменик-претседател на „Адора бизнис-групацијата“.
Чифлиганец беше љубител на спортскиот мотоциклизам.