Македонија
(Видео) Осумтемина независни пратеници од ВМРО-ДПМНЕ и коалицијата ќе гласаат за уставните амандмани

Пратеничката Емилија Александрова од независната пратеничка група на ВМРО-ДПМНЕ и коалицијата информира дека во преговори со Владата и Беса на Билал Касами нормативно е допрецизиран начинот на кој ќе биде напишано државјанството на другите етнички заедници.
Според Александрова, ова допрезицирање е во согласност со досегашните уставни измени, конкретно амандманот 5. Пратничката истакна дека ова е прифатливо за осумте пратеници и дека тие ќе гласаат за уставните промени.
„Во изминатите неколу дена во преговорите со Владата успеавме да останеме на своите ставови и да ги одбраниме македонските интересни. Покрај веќе утврдените амандмани нормативно е допрецизирн начинот на кој ќе биде напишано државјанството за другите етнички заеднички. Ние ќе гласаме за уставните промени и се надеваме дека сè ќе биде завршено денеска“, рече Александрова.
По средбата на Заев и осумтемина, беше испратено заедничко соопштение.
„Ја информираме јавноста дека со заедничко учество успеавме да постигнеме договор за конечноста на уставните амандмани и Уставниот законик, со што се обезбедува најмалку двотретинско мнозинство во Ппарламентот. Добивме максимално можно добар текст на уставните амандмани и Уставниот законик за спроведување на договорот од Преспа, со што уште еднаш се потврдуваат македонскиот идентитет, внатрешнат примена на договорот од Преспа и стапувањето во сила на уставните амандмани. Уште еднаш потврдуваме дека државјанството е македонско/граѓани на Република Северна Македонија“, пишува во соопштението.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Земјотрес рано утринава ги разбуди граѓаните на Валандово и на околината

Утрово во 5:54 часот, земјотрес со јачина од 3,3 степени според Рихтеровата скала го стресе регионот околу Валандово, информира Сеизмолошката опсерваторија при Природно-математичкиот факултет во Скопје.
Телеметриската сеизмолошка мрежа на Македонија го регистрирала потресот на неколку сеизмолошки станици ширум државата, при што е утврдено дека епицентарот се наоѓа во епицентралното подрачје Валандово, оддалечено околу 120 километри југоисточно од главниот град.
Според првичните информации од Сеизмолошката опсерваторија, земјотресот бил почувствуван во Валандово и околните населени места со интензитет од IV степени според Европската макросеизмичка скала (EMS).
Засега нема информации за причинета материјална штета или повредени лица, но локалното население на социјалните мрежи известува дека потресот бил „краток, но силен“, и ги разбудил во раните утрински часови.
Сеизмолозите продолжуваат да ја следат ситуацијата и ги повикуваат граѓаните на смиреност, посочувајќи дека ваквите потреси се честа појава во сеизмички активниот регион на југоисточна Македонија.
Македонија
Колони на границите, на „Богородица“ се чека до 40 минути, на „Табановце“ до 30 минути

Сообраќајот на државните патишта се одвива непречено и по суви коловози, но фреквенцијата на возила, особено кон граничните премини, денеска е значително зголемена, информира Автомотосојузот на Македонија (АМСМ).
Најголема гужва има на Граничниот премин Табановце, каде времето на чекање за влез и излез од државата е од 15 до 30 минути. На Богородица ситуацијата е уште поинтензивна – за излез од државата се чека до 40 минути, додека на ГП Дојран времето на задржување е 20 до 30 минути.
„Состојбата на патиштата е стабилна и коловозите се суви, но фреквенцијата е зголемена. Апелираме до сите учесници во сообраќајот да возат внимателно, со прилагодена брзина и да ја почитуваат сигнализацијата, особено на делниците каде што има опасност од одрони“, велат од АМСМ.
Посебна претпазливост се препорачува на патните правци низ котлините, речните долини и клисурите – Катланово – Велес, Маврово – Дебар – Струга, Виница – Берово и Кочани – Делчево – каде што постои ризик од појава на одрони.
На останатите гранични премини од македонска страна, нема подолги задржувања за влез и излез од државата.
Македонија
Денес сончево со ветер, од утре повторно температурата во постепен пораст

Управата за хидрометеорологија (УХМР) за денес прогнозира претежно сончево време со умерен до засилен ветер од северен правец, кој наместа ќе достигнува брзина од 60км/ч.
Минималната температура ќе биде во интервал од 11 до 20, а максималната ќе достигне од 27 до 36 степени.
Во Скопје, сончево со умерен до засилен северен ветер. Минималната температура ќе се спушти до 19, а максималната ќе достигне до 35 степени.
Од понеделник следува период на стабилно и потопло време со постепен пораст на дневнaтa температура.