Македонија
Отворени новите простории на градинката „Детелинка“ во општината Ѓорче Петров

Новите простории на објектот „Детелинка“ кој е дел од градинкаата „Росица“ во Општина Ѓорче Петров, во петок беа посетени од министерот за труд и социјална политика , Ибрахим Ибрахими и градоначалникот на општината Ѓорче Петров.
Изградениот дел на објектот „Детелинка“ располага со една занимална, ходник опремен со гардеробери за деца, санитарна просторија за деца опремена со мијалници и тоалетни шолји.
Во новата занимална ќе бидат згрижени 30 деца, а објектот „Детелинка“ ќе функционира со 10 групи со капацитет за 205 деца на возраст од 2-3 години, со што објектот за деца со извршената промена, според развиеноста ќе биде со среден капацитет.
Градежните работи на новиот дел се реализирани со финансиски средства од страна на општина Ѓорче Петров, а опремувањето е од страна на ЈОУДГ „Росица“ – Ѓорче Петров.
Градоначалникот на општината Ѓорче Петров, Митровски за годинава најави изградба на уште еден објект за згрижување на деца во село Волково./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Без вода делови од Центар и Аеродром

Од ЈП Водовод и Канализација известуваат дека денеска поради уличен дефект на улицата Питу Гули бб, општина Центар (во близина на Тинекс), прекинато водоснабдување ќе имаат следниве улици: Питу Гули, дел од Загребска, Ганчо Хаџипанзов, Капештец, Димитар Пандилов, Караорман, висока зона Козле и Ловќенска-крак 1,3,5 и 7.
Водоснабдувањето ќе биде прекинато од 08:30 часот до завршување со санација на дефектот.
Денеска поради уличен дефект на 3-та Македонска Бригада бб, прекинато водоснабдување ќе имаат објектите на Вива, Метро, Центро, Спорт М и Форд, во општина Аеродром.
Водоснабдувањето ќе биде прекинато од 08:00 часот до завршување со санација на дефектот.
Македонија
Делови од Аеродром, Центар и Ѓорче Петров денеска без струја

Од ЕВН Македонија АД известуваат дека денеска без електрична енергија ќе останат:
· во периодот од 08.10 до 15.00 часот, корисниците на дел од село Долно Лисиче.(општина Аеродром)
· во периодот од 08.10 до 15.00 часот, корисниците на објектите спроти Ист Гејт населба Крњево.(општина Центар)
· во периодот од 08.10 до 12.00 часот, корисниците од улица Божидар Рајковиќ, дел од ул. Горноврановска и дел од улицата Горно Лисиче (општина Аеродром)
· во периодот од 08.10 до 16.00 часот, корисниците на улиците Ибе Паликуќа, Воин Драшкоци, Веле Марков (општина Ѓорче Петров)
Македонија
Претежно облачно со повремен дожд

Времето денеска ќе биде променливо облачно со повремени локални врнежи од дожд. Кон крајот на денот врнежите насекаде ќе престанат. Ќе дува умерен до засилен ветер од северен правец (локално над 60 km/h). Минималната температура ќе биде во интервал од 6 до 13, а максималната ќе достигне од 8 до 16 степени.
Во Скопје, претежно облачно со повремен дожд. Ќе дува умерен, во делови од котлината повремено засилен ветер од северен правец. Минималната температура ќе се спушти до 12, а максималната ќе достигне до 14 степени.
Времето во наредните денови
Од четврток времето ќе биде стабилно и суво со слаб до умерен северен ветер. Дневната температура ќе биде во пораст.