Македонија
Отворени 14 пунктови за тестирање – граѓаните да не пијат антибиотици на своја рака

Од денеска ставени се во функција сите 14 пунктови за тестирање за коронавирусот и тие се објавени на веб-страницата на „Мој термин“, информираше министерот за здравство, Венко Филипче. Со ова, во процесот се вклучуваат речиси сите 1.200 матични лекари во државата.
„Секој граѓананин може да се јави кај матичниот лекар и да ги каже своите симптоми. Согласно податоците и алгоритмите, матичниот лекар ќе каже дали лицето треба да се тестира и ќе го одреди степенот на итност, па според тоа ќе се закаже и терминот за тестирање“, рече министерот за здравство.
Во Скопје, пунктови за тестирање се поликлиниката „Јане Сандански“ и поликлиниката во Ченто.
Во врска со употребата на антибиотикот сумамед, Филипче рече дека од денеска лекот ќе може да се купи само со бел рецепт, односно на товар на Фондот за здравство, со оглед на големата потрошувачка на овој лек.
„Од лекот има доволно количини и апелирам граѓаните да не прават залихи и на своја рака да користат антибиотска терапија“, рече Филипче.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Партиите од ВЛЕН отсега ќе делуваат како еден политички субјект

Коалицијата ВЛЕН известува дека „денес е направен првиот чекор кон целосно политичко обединување, со заедничка визија и обединета структура, како единствена сила што ја претставува надежта, достоинството и иднината на Албанците во оваа земја“.
„На денешниот состанок беше формирано Заедничкото Претседателство на ВЛЕН, како прв орган што ќе ги координира сите политички и организациски активности на коалициско ниво.
Од денес стапува во сила мораториум на јавните активности на политичките партии учеснички во ВЛЕН, при што сите активности и настапи ќе се реализираат исклучиво под името, логото и единственото претставување на ВЛЕН.
Во наредниот период ќе се формираат и другите заеднички органи, вклучително и Раководството на ВЛЕН и Шефот на Изборниот штаб, кој ќе ја води подготовката за претстојните избори.
Пратеничката група на ВЛЕН ќе продолжи да функционира со актуелните пратеници кои го поддржуваат процесот на обединување и се посветени на јакнење на заедничкиот глас на Албанците“, велат од ВЛЕН.
Македонија
(Видео) Запален домот на Александар Пандов: Нема да не запрат и нема да не поколебаат

Директорот на Управата за извршување на санкции, Александар Пандов на социјалните мрежи објави дека му бил запален домот.
„Ова е данокот за нашата борба за владеење на правото без калкулации? Ова е цената за удирањето по мафијата! Домот ми беше запален, и имам основано сомневање дека станува збор за смислен атак на криминалците!
Нема да не запрат и нема да не поколебаат. Никој не е над законот! Нема враќање назад кога се бориш за правдата. И кога ќе тргнеш против криминалот, тој се брани со насилство. Но ова нема да ме запре — напротив, само не зајакнува!“, напиша Пандов.
Тој додаде дека очекува институциите да го најдат и казнат сторителот.
Македонија
Милошоски: Не помина интерпелацијата на Левица и СДСМ за Тошковски, целта им беше лична дискредирација и злоупотреба на трагедијата

„Не помина интерпелацијата на Левица и СДСМ против МВР, Панче Тошковски. Целта им беше провидна“, напиша на социјалните мрежи Антонио Милошоски.
„Прво лична дискредитација на Тошковски, а потоа злоупотреба на семејните емоции од големата трагедија во Кочани. Манипулативни намери, наместо реални предлози и поддршка“, додаде тој.