Македонија
„Палчо не киднапира и убива деца и старци“: партијата „Десна“ објави наводно писмо од Палевски
Партијата „Десна“ објави наводно писмо за кое се тврди дека е напишано од Љупчо Палевски-Палчо првоосомничен за организација и реализација на убиството на Вања Ѓорчевска и Панче Жежовски.
Во писмото објавено на Фејсбук страницата на партијата, меѓу другото се тврди дека тој не е одговорен за злосторствата кои му се ставаат на товар.
„Денес е 80 ден како сум во екстрадикциски притвор, со посебен интерес, а тоа значи самица, скоро 3 месеци без контакт со човечки суштества.
Комшиите ги гледам исклучиво додека шетаат во бетонска дупка од 50тина м2 помеѓу два блока ќелии, но повторно низ решетки.
Некако успеав да обезбедам адвокат, не оној по службена должност, туку професионалец кој си ја знае работата.
Адвокатот ми презентираше неколку одпринтани прес-конференции и интервјуа на министерот Спасовски и потрчкото, Министерот за Правда Кренар Лога.
Бев шокиран од купиштата на лаги и манипулации од страна на Спасовски кои лесно се докажуваат.
Атмосферата на јавен линч која ја произведе министерот Спасовски има неколкукратна политичка корист, токму за него како голем политички аутист од Куманово.
Но, пред да ги презентирам лагите на Спасовски сакам да изразам длабоко сочувсто за смртта на Вања и Панче, посебно за таткото на Вања, кој во моментот кога го загуби детето, монструмите го осомничија дека тој бил во контакт со мене и давал информации.
Токму овој пример е одлична илустрација за умот на Спасовски и неговите истражители, но за тоа детално ќе објаснам подолу.
Прво и основно, Палчо не бегал од МК, туку регуларно патувал за Белград (четврток), а во петокот после 18 часот за Турција, со регуларна патна исправа, на регуларен начин, со патничко возило.
Информацијата, дека полицијата ме бара кај брат ми, а не во Центар, каде после два дена правеа претрес ја добив одкако пристигнав во Турција.
Тоа значи дека лицето Димковски Стефан, не е шофер господине Спасовски, туку добар другар, партиски член и успешен бизнисмен со хемиски суплементи во земјоделието.
Бруталноста на Спасовски оди до таму што Стефан исто така е притворен неколку месеци, иако во моментот додека ме возеше кон Турција не постоеше потерница или пак контакт од органите на прогонот.
Дента, мислам дека е 3. или 4. Декември, се едно, по дознавањето дека се прави претрес кај мене дома и во партијата Десна, во истиот момент Стефан замина за МК за да не направи кривично дело, но за бадијала, бруталниов политички аутист Спасовски го држи во притвор не дирекно, нормално преку послушниот Гаврил Бубевски. Морам да објаснам бидејќи овие типови ја мешаа тривијалноста со генијалноста, така се програмирани“, стои напишано во наводното писмо.
Тој вели дека не е уапсен на автопат, туку во ресторан.
„Тој ден, 5 декември, по втор пат дојдов за да вечерам и да се појави полицијата за да ме упаси. Тоа беше мојот последен контакт со интернет каде видов една одвратна изјава на Александар Николоски. Келнерката беше полицаец од оделот на Интерпол на Баликесир. Чудно беше што 7-8 полицајци се уредно снимаа со мобилни телефони“.
„Додека ја чекам судската постапка, далеку од Македонија, ве поздравувам и ќе повторам, Палчо не киднапира, убива деца и старци, тоа треба аутистот (Оливер Спасовски, н.з.) да го запомни“, се наведува во напишаното.
Палевски посочува дека сакал да биде екстрадиран во Македонија што е можно побрзо за на суд да можел да докаже дека е невин.
Инаку малолетната Вања и велешанецот Панче беа пронајдени мртви во близина на Велес и на Скопје на 3 декември. Заменик министерката за правда, Викторија Аврамовска Мадиќ, денеска изјави дека очекува Љупчо Палевски од Турција да биде екстрадиран веднаш по завршување на административните процедури.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Вработен во МВР фатен со мито од 12.500 евра
Вработен во Министерството за внатрешни работи е фатен со мито од 12.500 евра, соопшти министерот Панче Тошковски. Како што вели тој, лицето И.М. било вработено како виш аналитичар во СВР Скопје. Осомничениот е лишен од слобода под сомневање за сторени кривични дела измама предвидени по чл. 247 од КЗ.
„Од страна на Одделот за внатрешна контрола, криминалистички истраги и професионални стандарди во координација со Одделот за криминалистичка полиција се постапуваше по пријава од три оштетени лица и на ден 17.05.2024 година наведеното лице е фатено на лице место во моментот на примопредавање на 12.500 евра, претходно криминалистички обработени кои ги прибавила за наводно посредување за добивање на социјални станови од Б категорија. Во врска со кривичното дело извршен е претрес во службените простории кои ги користела пријавената при што е пронајдена пообемна сомнителна документација која е поврзана со кривичното дело во вид на разни документи за кои постои сомневање дека се фалсификувани, разни договори за позајмици, договори за посредување за доделување на социјални станови, имотни листови, како и тефтер со ракопис во кој е водена евиденција за лица за кои биле вршени определени работи“, соопшти Тошковски.
При извршен претрес во дом и други простории кои ги користи лицето И.М. лоцирани во Општина Сарај, беше пронајдено и огнено оружје со шест парчиња муниција кое оружје и муниција најверојатно ги поседува без дозвола, за што известено е и Одделението за недозволена трговија со оружје при СВР Скопје заради преземање на дополнителни мерки.
Министерот додава дека МВР и понатаму продолжува со преземање на мерки и активности насочени кон испитување на евентуална поврзаност на наведеното лице со други високи полициски службеници.
Македонија
За осомничениот за убиството на братот и снаата се бара притвор
Јавен обвинител од Основното јавно обвинителство Скопје до Основниот кривичен суд Скопје достави предлог за определување мерка притвор за лице осомничено дека сторило кривични дела убиство според член 123 став 2 точка 2 од Кривичниот законик.
Против лицето беше поведена истражна постапка откако на 14 мај, при вршење семејно насилство, во семејниот дом во Стајковци, тој со умисла ги лиши од живот својот брат и снаата.
Осомничениот прво ја нападнал снаата, удирајќи ја повеќе пати со метална шипка по главата, а потоа го пресретнал и братот на кого исто така со шипката му нанел смртоносни повреди.
„По настанот осомничениот беше хоспитализиран. Бидејќи со подобрување на неговата здравствена состојба постои опасност тој да се даде во бегство, јавниот обвинител оцени дека мерката притвор е неопходна за непречено водење на истрагата, па до судијата на претходна постапка достави предлог за определување таква мерка“, велат од Обвинителството.
Македонија
Села: Не е во ред тоа што се потенцира ДУИ, коалицијата е Европски фронт, од 9 партии
Зијадин Села од Алијанса за Албанците во интервју за Трилинг по изборите и изборните резултати и случувања, вели дека се работи за изборен инжинеринг и закрупнување на неколку политички сили. Според Села, не е во ред тоа што се потенцира ДУИ, коалицијата е Европски фронт, од 9 партии.
„Тука се најглавните албански партии. А дали сме подготвени за во опозиција, по демократските правила, тоа не го кажувааат политичките чинители, тоа го кажува народот, кој гласаше на 8 мај за Европскиот фронт да презема одговорности и да биде дел од власта“, вели Села.
Тој смета дека „погрешна е дефиницијата за коалицирање победник со победник, треба да е мандатар со победник. Победникот од македонската страна е дефиниран со Устав. Демографската реалност е за да има стабилност и да одиме напред, треба да се испочитува волјата на втората етничка заедница која е 30%, наспроти 54% кои се Македонците, според последниот попис“.
Додава дека Владата треба „да се изјасни во врска со обидот за изборен инженеринг. Според Пржинскиот договор, на техничкиот премиер е да обезбеди фер и демократски избори. Тие не се надвор од одлуките кои се носат во ДИК и Управен суд. Техничката влада е договор на најголемите политички партии“.
За тоа како Европскиот фронт ќе се однесува како опозиција во Собранието, Села вели „треба да се почитува желбата на граѓаните, не на Мицкоски. Ние ќе се однесуваме сразмерно на тоа како ќе биде решено. Не сакам да коментирам желби. Од ДИК се уште не се објавени мандатите, кој колку има. Се уште Мицкоски не е мандатар“.