Македонија
Пендаровски – Новак: Унгарија одигра значајна улога за почетокот на преговорите на Северна Македонија, поддршката ќе продолжи

Претседателот Стево Пендаровски посочи дека Унгарија е една од најгласните членки на Европската Унија во поддршката на процесот на проширување со земјите од Западен Балкан. Тој смета дека Унгарија одигра значајна улога во одлуката за почеток на пристапните преговори на Македонија.
Тој посочи дека на средбата со унгарската претседателка Каталин Новак добил уверување дека ќе продолжи оваа поддршка.
„Сметам дека оваа посета е значајна за билатералните односи. Ќе даде дополнителен стимул за соработката. Потврдивме заедничка посветеност за соработка. Неоспорно, Унгарија е една од најгласните и најактивни членки во ЕУ, земја што одигра значајна улога за почетокот на преговорите на Северна Македонија. Разменивме информации и за безбедноста на континентот“, рече Пендаровски.
Тој додаде дека Унгарија е еден од десетте најголеми трговски партнери.
„Очекуваме дека овој тренд ќе продолжи и во иднина“, додаде шефот на државата.
Новак беше пречекана на церемонија со највисоки државни и воени почести.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Големи колони на границата со Грција пред празникот

Големи колони на возила можат да се забележат вечерва на граниниот премин „Богородица“ кон Грција.
Со оглед на тоа што утре е неработен ден, 1. Мај, голем број грѓани се упатија кон туристичките места.
Како што може да се забележи на видео камерите, на останатите гранични премини нема големи задржувања.
Македонија
Поддршка од министерот за правда за Пандов чијашто куќа беше запалена: „Случајот бара одлучна акција“

Министерот за правда Игор Филков најостро го осудува палењето на куќата на директорот на Управата за извршување на санкции, Александар Пандов и бара одлучна акција во која ќе се утврдат причините и најстрого казнат можните сторители.
„Најостро го осудувам палењето на куќата на директорот на Управата за извршување санкции, Александар Пандов. Му давам целосна поддршка во неговата истрајност и борба против криминалот и корупцијата. Овој случај како и неколкуте други случаи поврзани со лицата вработени во УИС и затворите, бараат одлучна акција во која ќе се утврдат причините и најстрого ќе се казнат можните сторители“, вели Филков.
Директорот на Управата за извршување на санкции, Александар Пандов, претходно, на социјалните мрежи објави дека му бил запален домот. Нема да не запрат и нема да не поколебаат, напиша тој.
Македонија
Кирков: Вработените во ЗОО последно земале февруарска плата

До Стефан Кирков, којшто е член на Советот на Град Скопје, пристигнала молба од вработените во скопската Зоолошка градина и барање за реакција и помош. Го известиле дека последна плата која ја земале е фебруарската плата и одтогаш немаат никакво примање.
„Веќе сме мај, а овие вработени се оставени без примања и навистина сум запрепастен до каде ќе се оди со непрофесионалноста во ова раководство на Градот и кадрите кој ги поставува?! Вработените од утре ќе бидат и без здравствено осигурување !!! Поминаа празници како 8ми Март, Рамазан Бајрам , Велигден на праг е и 1ви Мај а вработените се оставени и заборавени замислете да им се исплати плата !!! Цели фамилии страдаат од нечија непрофесионалност!“, напиша Кирков на социјалните мрежи.
Тој ги проѕва Град Скопје , Данела Арсовска и Зоран Попов сигнализирајќи и дека состојбата може да доведе до протести.