Македонија
Пецаков: Решаваме 30-децениски проблем за Горно и Долно Лакочереј, проект вреден 30 милиони денари
„Денеска, покрај овој многу значаен проект за Горно и Долно Лакочереј, а во перспектива и за Орман, кои живеат тука, и проект што се ветувал низ изминатите 30-ина години дека ќе биде завршен. Ние како локална самоуправа уште со самото доаѓање, првата работа која ја направивме беше да нарачаме проект, втората извадивме одобрение и веќе од денешен аспект имаме проект во вредност од 30 милиони денари кои што преку 22 милиони денари ќе биде обезбеден од буџетот на општина Охрид, а 8 милиони го аплициравме и добивме средства од страна на Министерството за животна средина“, вели Кирил Пецаков, градоначалник на општина Охрид.
„Ова е начинот на кој што покрај овој проект за кој за години се разговарал ќе делуваме и во иднина, проекти за кои што за години се разговарале, а се од суштинско значање и секако дека временските услови дозволија и почеток и секако дека се надевам дека во многу скоро време ќе го завршиме овој проект и луѓето ќе можат конечно во 21 век да имаат од месноста зборам, од местата од Горно и Долно Лакочереј да имаат канализација. Покрај овој проект ќе имаме презентација на уште неколку тековни проекти кои што се отпочнати, а не се завршени и кој што се завршени и проекти кои што ќе отпочнат во делот на касарната, а којшто досега не сме имале можност да ги видиме и да ги презентираме пред јавноста. Така да еден плоден и богат ден, за понатака ќе ги оставиме влезовите на Охрид од страна на Битола, улицата 7-ми ноември и влезот на Охрид од страна на Струга, стариот пат за Струга, улицата Гоце Делчев каде што на двете улици се прави комплетна реконструкција. На тој начин тие се едни од поголемите проекти и во текот на наредниот период едната улица ќе биде завршена до текот на летната сезона, останата ќе биде ставена пред текот на сезоната мислам на улицата Гоце Делчев во функција, а ќе биде продолжението после 1-ви септември односно завршетокот на туристичката сезона“, посочи Пецаков.
Тој додаде и дека од денеска јавното претпријатие „Нискоградба“ е одблокирано и исто како општина Охрид веќе нема долгови и ќе функционира отворено и ќе може да врши инвестиции.
„Тој процес некаде во 2011 започна кога се формира за прв пат јавното претпријатие, 2 години го водеше локална самоуправа од СДСМ, во 2013 година значи за само 2 години во презедовме како локална самоуправа со еден милион и двеста илјади евра долг и веќе од денешен аспект после 2 и пол години, исто, на истиот принцип како што ја раздолживме општината, го раздолжуваме односно го одблокираме јавното претпријатие „Нискоградба“ исто така голем момент. Овој принцип на работа нема да застане тука. Ќе најавам дека во иднина ќе продолжиме со работа и со останатите јавни претпријатија и носења на една позитивна финансиска состојба која што ќе дозволи за понатамошно инвестирање, не само во претпријатијата туку и понатаму“, рече Пецаков и додаде:
„Дополнително на одблокирањето на јавното претпријатие „Нискоградба“ го префрламе во нови простории, а постоечките сега ќе биде центар на механизацијата на Комуналец, Водовод и Нискоградба, зборувам на улицата Железничка каде што е седиштето на јавно претпријатие Нискоградба, а во овие две години имаме инвестиција од 15 милиони денари за механизација во истото јавно претпријатие. Така да се напредува буквално секое јавно претпријатие и сметам дека во иднина овој пат кој што го зацртавме ќе го продолжиме и ќе донесе многу позитивни моменти како за нас како општина, така и за граѓаните кои ги користат услугите од јавните претпријатија“, заврши Пецаков.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Силјановска-Давкова од Швајцарија: Тековната војна во Украина нè засега сите нас
Во обраќање на пленарната сесија на Самитот за мир во Украина, што викендов се одржува во Бургеншток на езерото Луцерн во Швајцарија, претседателката на државата Гордана Силјановска-Давкова истакнала дека тековната војна во Украина нè засега сите нас.
Како што соопшти Кабинетот на Силјановска-Давкова, таа оценила дека Украина е изложена на огромно човечко страдање и уништување, дека безбедносната архитектура на Европа е под закана, а на глобално ниво животите на милиони луѓе се засегнати од тешките економски последици.
„На најсилен можен начин ја осудуваме неиспровоцираната и неоправдана агресивна војна на Русија и ја поддржуваме Украина на најдобар начин, дури и повеќе од она што го дозволуваат нашите ограничени капацитети, ресурси“, истакнала претседателката Силјановска-Давкова.
Нашата држава, посочила претседателката, се приклучи кон Кримската платформа и целосно се усогласи со Заедничката надворешна и безбедносна политика на ЕУ, „а Украина беше главен приоритет за време на македонското претседавање со ОБСЕ во 2023 година“.
На хуманитарен план, како што рекла, „се приклучивме на меѓународната коалиција за враќање на украинските деца и обезбедивме цивилна поддршка и итна помош за Украина и за украинските бегалци. Како поддршка на евроатлантските аспирации на Украина испративме воена опрема преку Пакетот за сеопфатна помош на НАТО“.
„Како суверена нација, само Украина може да одлучи за својата иднина. Од Украина зависи кога и како ќе ја ангажира Русија за евентуално усогласено решение. Праведниот мир мора да биде вкоренет во принципите на Повелбата на ОН за суверенитет и територијален интегритет. Обидот на Русија да стекне територија со сила е флагрантно кршење на овие основни начела. Кога опасните преседани остануваат неоспорени, тие можат да се претворат во толерирани практики. Компромисите со меѓународното право и принципи можат да го компромитираат европскиот, па дури и светскиот мир и безбедноста. Единствениот начин да се избегне ова е да се почитува Повелбата на ОН и принципите на меѓународното право, без исклучок“, нагласила претседателката Силјановска-Давкова, истакнувајќи дека воздржувањето од употреба на сила, почитувањето на суверенитетот, територијалниот интегритет и неповредливоста на границите, и заштитата на човековите права и основните слободи, се цврсти принципи за кои не може да се преговара.
Претседателката Силјановска-Давкова во обраќањето денеска, наведува нејзиниот Кабинет, посочила дека „додека се развива рамката за иден мировен договор, ќе продолжиме да ја поддржуваме слободна, независна, демократска и суверена Украина“.
Македонија
Ангелов бара кружен тек кај „збунувачката“ крстосница со чести сообраќајки во населба Аеродром (ВИДЕО)
Центарот за управување со кризи, по барање на граѓани, поднесе иницијатива да се изгради кружен тек или итно да се постават семафори на крстосницата на бул. Васко Карангеловски во населбата Аеродром. За директорот на ЦУК, Стојанче Ангелов оваа крстосница е „по малку збунувачка“ за учесниците во сообраќајот.
„Повеќемина граѓани со повик на единствениот број 112 во ЦУК, преку медиумите и преку социјалните мрежи побараа итно поставување на семафори или изградба на кружен тек на крстосницата на бул. Васко Карангелески, пред објектот на СВР Скопје. Иако има соодветна сигнализација крстосницата е збунувачка и предизвикува нејаснотии кај учесниците во сообраќајот околу првенството на премин поради што за краток период се случија четири сообраќајни несреќи“, изјави Ангелов.
Додава дека ЦУК поднесе иницијатива до Град Скопје и одржа една координативна средства на којашто е добиено известување дека се работи на планирање за поставување на семафори.
Македонија
Војната во Украина не е украински, туку европски и светски проблем, порача Силјановска-Давкова
Претседателката на државата Гордана Силјановска-Давкова, пред почетокот на денешната пленарна сесија на Самитот за мир во Украина, што се одржува во Бургеншток на езерото Луцерн во Швајцарија, на која треба да има свое обраќање, изјавила дека една од најважните пораки е дека кон војната во Украина треба да се однесуваме не како кон украински проблем, туку како европски и светски проблем.
„Неподелени беа мислењата дека дијалогот е здрава работа, дека мировната конференција навистина и покрај многуте учесници дојде до единствени сознанија. Најчесто се повикувавме сите на Повелбата на Обединетите нации, најчесто се повикувавме сите на мировните решенија, изјавила претседателката Силјановска-Давкова“, соопштија од нејзиниот Кабинет.
Таа додала дека денеска учествувала и на панелот за безбедноста, односно опасноста по безбедноста за храната, од што и ние сме засегнати.
„Уште еден доказ дека она што се случува, односно војната, нè засега сите и дека сите треба да помогнеме за да се најде соломонско решение, тоа значи, праведно решение за Украина, решение што ќе гарантира постојан мир, јас велам Кантов вечен мир. Еднаш мислам дека е крајно време, наместо да велиме никогаш повеќе и повторно да се соочуваме со војна, да се потсетиме на ноторниот факт дека Европската заедница настана како мировен проект и дека Европската Унија, но и сите држави во светот, имаат обврска да го чуваат мирот“, нагласила Силјановска-Давкова.
Заблагодарувајќи се на Швајцарската Конфедерација за организирањето на Самитот, таа информирала дека остварила куси средби со претседателката на Швајцарската Конфедерација, Виола Амхерд, потпретседателката на Соединетите Американски Држави, Камала Харис, со германскиот канцелар Олаф Шолц, францускиот претседател Емануел Макрон и грчкиот премиер Киријакос Мицотакис.
На маргините на конференцијата, претседателката Силјановска-Давкова остварила средби со повеќе други светски лидери.