Македонија
Подобро е да нема снег оти со механизацијата на „Македонијапат“ стара над 30 години може се да заглави
![](https://makfax.com.mk/wp-content/uploads/2018/12/Македонијапат-стари-возила.jpg)
Со стара менханизација и без доволен број работници „Македонијапат“ оваа година ќе се справува со снегот по магистралните патишта. Возилата, кои се стари и по 30 години, нема да бидат заменети.
„Сепак, снегот нема да го изненади ЈП ‘Македонијапат’“, вели јавно директорот Гајур Кадриу, но не е дециден дека претпријатието ќе успее да се справи со снежните наноси.
Бидејќи имаат недостиг од работници, Кадриу на чистење снег ја праќа администрацијата.
Доколку има снежно невреме, Кадриу само се надева дека патиштата ќе бидат исчистени. „Македонијапат“ ќе дејствува според акцискиот план, но патиштата може да станат лизгалишта оти механизацијата се расипува, а голем број вработени, поради старосната граница, заминуваат во пензија.
„Не можеме да се пофалиме со соодветна механизација. Купуваме делови за старата механизација и ја поправаме. Оваа година имаме поголем проблем со вработените, односно тие одат во пензија, а досега немаме ниту еден нов вработен. Недостигаат најмалку 150 работници, а немаме дозвола за распишување конкурс за вработувања. Администрацијата излегува да работи на терен и им помага на возачите“, вели Кадриу за „Макфакс“.
Тој вели дека сите магистрални патишта вчера навреме биле исчистени. „Снегот може да ги изненади неорганизраните држави, но не и нас. Ние сме пресметале сè со нашите акциски планови, кои се направени според позитивните законски прописи на Министерството за транспорт и врски. Сè што е напишано, ќе биде организирано и ќе се реализира како што е предвидено“, додава директорот на ЈП „Македонијапат“.
Но, граѓаните на социјалните мрежи утрово објавија фотографии на кои се гледа дека некои од патиштата се заледени и покриени со снег.
„Од ’Македонијапат’ се изненадени од снегот како и секоја година. Да почекаме сонце да огрее или ќе поработите малку. Патот Демир Капија-Смоквица во должина од 30 километри не е исчистен“, се вели во една од објавите, а директорот Кадриу демантира и вели дека тој патен правец бил петпати исчистен, и тоа во придружба на сообраќајна полиција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
На Табановце за влез во Македонија се чека околу 15 минути
![](https://makfax.com.mk/wp-content/uploads/2022/07/18072022_Tabanovce_Otvoren-Balkan_novi-zeleni-koridori_3.jpeg)
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е умерен.
На ГП Табановце се бележи зголемена фреквенција на возила, времето на чекање за влез во Македонија е околу 15 минути. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Скопје
Дел од Скопје без струја и вода
![](https://makfax.com.mk/wp-content/uploads/2023/07/DSC_4799.jpg)
Регионалниот центар за управување со кризи на Град Скопје, ги известува граѓаните дека, поради технички зафати во електро дистрибутивната мрежа, од 09:00 до 14:30 часот, без електрична енергија ќе останат, корисниците од населените места: Дивље, Сушица и Катлановска Сушица. (Општина Петровец)
Регионалниот центар за управување со кризи на Град Скопје исто така ги известува граѓаните дека
• поради отстранување дефект на водоводна мрежа со пречник од ф- 500 мм на Бул. Кочо Рацин (спроти Олимписки Базен), од 08:00 часот до завршување на интервенцијата, прекинато водоснабдување ќе имаат корисниците од: Бул. Кочо Рацин (потегот од ул.11-ти Октомври до Кеј 13-ти Ноември), ул. Тетовска, ул. Стив Наумов, дел од ул. Раде Јовчевски Корчагин, како и објектите на Амбулантата на МВР, Полициската станица – Пролет и ресторанот Ла Тана. (Општина Центар)
• поради изведување на водоводен приклучок ф – 80 мм на ул. 852 бб (кај Салонот Мерцедес), од 09:00 часот до завршување на интервенцијата, прекинато водоснабдување ќе имаат корисниците од зградите на ул. 852. (Општина Гази Баба)
Македонија
Претпладне сончево и топло време, попладне нестабилно со пороен дожд и грмежи
![](https://makfax.com.mk/wp-content/uploads/2023/02/soncevo111.jpg)
Претпладне сончево и топло со мала до умерена облачност. Попладне нестабилно со пороен дожд и грмежи, на повеќе места ќе има појава на невреме со обилен пороен дожд за кратко време, грмежи, силен ветер (над 60 км/час) и град. Минималната температура ќе биде во интервал од 13 до 20, а максималната ќе достигне од 29 до 35 степени. UV=7
Во Скопје претпладне сончево и топло со умерена облачност. Попладне ќе има пороен дожд и грмежи, во делови од котлината во форма на невреме со пообилен пороен дожд за кратко време, грмежи, силен ветер и појава на град. Минималната температура ќе се спушти до 17, а максималната ќе достигне до 33 степени.
До петок ќе се задржи променливо облачно и нестабилно време со пороен дожд и грмежи. На повеќе места ќе има појава на невреме со обилен пороен дожд за кратко време, грмежи, силен ветер (над 60 км/час) и град. Дневната температура постепено ќе опаѓа. За време на викендот се очекува стабилно и потопло време.