Македонија
Покачувањата на функционерите ќе трошат 80 милиони денари месечно од парите на граѓаните

Државата ќе мора секој месец да наоѓа приближно 80 милиони денари месечно за да ги исплати новите покачени плати на функционерите. Ова е процената на министерот за финансии Фатмир Бесими, кој рече дека покачувањата ќе бидат за речиси 1.000 функционери, меѓу кои политичари, обвинители, директори, пратеници.
„Не сме имале начин како да дознаеме за одлуката на Уставен суд. Речиси 1.000 функционери се во прашање. Приближно 80 милиони денари на месечно ниво, на годишно се 960 милиони денари“, рече Бесими.
Парите се непланирани. Ќе се крати од други места, но не се кажува од кои буџетски ставки.
„Се врши пренамена од други позиции. До крајот на годината, во однос на ова законско решение, ќе треба да го примениме законот. Секоја институција треба да си направи пресметка. Овие пари ги нема во буџетот бидејќи не е план на Владата, туку одлука на Уставниот суд“, вели Бесими.
Иако постоеја најави дека ќе има напори платите да не се зголемат 78 отсто со одлуката на Уставниот суд – тоа не се случи.
Претходно, Груби се пожали дека, и покрај зголемувањето, има најмала плата, Бектеши не сакаше да каже колку зел оти не бил на училиште.
Досега во Собранието нема предложени измени на законот, со кој ќе се спречи енормното зголемување на платите за избраните и именуваните функционери.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Инспекцијата за животна средина на Град Скопје при вонреден надзор во општина Сарај затече запалена дива депонија

„Денес инспекцијата за животна средина на Град Скопје при вонреден инспекциски надзор во Општина Сарај затече запалена дива депонија составена од опасен отпад и градежен шут“, извести Град Скопје.
Локализиран е пожарот по брзата интервенција од страна на Противпожарната бригада на Град Скопје, а дополнително затечени се палења на стрништа во Крушопек и Лака, а сторителите се санкционирани. Во изминатата недела инспекторите за животна средина и комуналните инспектори на град Скопје имаат изречено казни на над 100 сторители“, велат од Град Скопје.
Македонија
Вонреден инспекциски надзор на реонот Смилковско Езеро, затекнати три лица кои согорувале отпад

Денес инспекцијата за животна средина на Град Скопје, изврши вонреден инспекциски надзор на реонот Смилковско Езеро, каде затече три лица со живеалиште во општина Бутел, како на дива депонија која сами ја направиле согоруваат отпад со што се загрозува животната средина и здравјето на граѓаните. Во изминатата недела инспекторите за животна средина на град Скопје и комуналните инспектори имаат изречено казни на над 100 сторители, извести Град Скопје.
„Нашите инспектори продолжуваат со засилениот инспекциски надзор на терен 24 часа, со цел намалување на аерозагадувањето и заштита на животната средина. Неселективно се изрекуваат казни за сите што не го почитуваат законот. Континуирано поднесуваме кривични пријави за исфрлање и согорување опасен отпад и загрозување на животната средина, за кривична одговорност против сторители затекнати како исфрлаат опасен отпад, азбестни плочи и друг градежен отпад, меѓу кои и опасен канцероген отпад.
На територијата на Скопје покрај Инспекторатот на Град Скопје, има уште вкупно 14 институции кои имаат надлежност и обврска да постапуваат при загадување на животната средина и загрозување на здравјето на граѓаните. Досега единствено градот Скопје реагира, додека останатите не постапуваат иако за истото имаат законска обврска“, соопшти Град Скопје.
Македонија
На средба со жителите на Чаир, градоначалникот Висар Ганиу ги претстави проектите што ќе се реализираат оваа година

На средба со жителите на Старо Чаир, градоначалникот на општина Чаир, Висар Ганиу, ги претстави проектите што ќе се реализираат оваа година за подобрување на инфраструктурата и создавање подобри услови за заедницата. Сите проекти се подготвени со техничка документација и имаат обезбедени дозволи за градба, велат од општината.
Главните проекти вклучуваат:
• Реконструкција на улицата „Парашкеви Кирјази“ во должина од 354.26 метри.
• Реконструкција на улицата „Дервиш Хима“ и сите споредни улици во должина од 687.77 метри.
• Реконструкција на улицата „Емин Дураку“ и паркингот во должина од 383.12 метри.
• Реконструкција на улицата „Струмичка“ и двете споредни улици во должина од 523.51 метри.
„Вкупната вредност на овие проекти изнесува 28.6 милиони денари (465,240 евра) и ќе биде финансирана од Владата на Република Северна Македонија во рамките на проектот „250 милиони евра за општините“.
Исто така, во завршна фаза е подготовката на техничката документација за целосна реконструкција на Паркот во Чаир, додека општината од својот буџет ќе реализира реконструкција на пешачките патеки и поставување на детски игралишта.
Реконструкцијата на салата „Партизан“ веќе започна, а дополнително ќе продолжи и проектот за реконструкција на фудбалското игралиште на стадионот во Чаир, со цел да се создадат подобри услови за развој на спортските активности во оваа зона“, соопштуваат од општина Чаир.