Македонија
Се бираат антикорупционери, Алтанџиева: Не паѓам на политички притисоци
Кандидатот Тања Алтанџиева која се пријавила на јавниот повик за член на Антикорупциската комисија, долги години била дел од државните институции. Таа прво била заменик министер за локална самоуправа, потоа заменик министер за правда, член на Државната изборна комисија предложена од СДСМ, за една година по оваа функција да зема апанажа. Од 2010 работела во адвокатска канцеларија. За Алтанџиева искоренувањето на корупција е далечна цел, а прво на кое треба да се работи, според неа, е да се врати имиџот. Алтанџиева немаше конкретни одговори на прашањата од комисијата која ја интервјуираше.
„Предизвик ми беше да се пријавам на конкурсот. Отсуството на државната антикорупциска комисија е рак рана. Мој личен предизвик кога би била избрана би било поставување на централно место на комисијата како фундамент кој ќе соработува со сите државни институции кои се заминаваат со откривање на корупција. Искоренувањето на корупцијата е далечна цел, а примарната е да се врати довербата кај граѓаните. Треба да го врати сопствениот имиџ, да има план за работа“, рече Тања Алтанџиева како потенцијален член на Антикорипциската комисија.
Алтанџиева не ја гледа комисијата како анкетар и собирач на анкетни листови, туку како антикорупциска која ќе изготви методологија која нема да има селективност, пристрасност, притисок од политички партии.
„Јас никогаш не сум потпаднала под влијание на законито или незаконито однесување. Легалистичкиот прицип ми е приоритетен. Не би дозволила влијанијата на политички партии да ме одвлечат од професионалната работа“, додаде Алтанџиева на интервјуто во Собранието.
Запрашана да посочи случај на Комисијата за спречување на корупција и да каже како било постапено, а како таа би постапила, Анталниџева рече „Сега, не се сеќавам“.
„Независно што сум била член на полтичка партија и предлог од политичка партија во високи државни институции, можам да гарантирам за високо професинално делување“, рече Алтанџиева на прашањето „Дали сте спремни за решавање на 53 случаи од кои дел се однесуваат на членови на извршната власт?“.
На конкурсот за избор на Комисијата за спречување на корупција биле пријавени 80 кандидати, од кои, 22 лица не ги исполнувале условите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ДИК ги соопшти местата на кои ќе се прегласува на 22 мај
Државната изборна комисија (ДИК) денеска, на 105. седница, едногласно го усвои предлогот да се повтори гласањето во Изборната единица (ИЕ) 5 на избирачките места 1470/1 и 1470 во Општина Долнени, 1.194 и 1.202 во Општина Крушево, 1844 во Општина Струга и 1272 во Општина Охрид, како и во ИЕ 6 на избирачкото место 2101 во Општина Желино. Гласањето ќе се одржи идната среда, на 22 мај 2024 година.
ДИК на седницата ги разреши и претседателите на избирачките одбори, членовите и нивните заменици во избирачките места 1470/1 и 1470 во Општина Долнени, 1194 и 1202 во Општина Крушево, 1844 во Општина Струга, 1272 во Општина Охрид и 2101 во Општина Желино.
Со оглед дека се кратки роковите за избор на нови избирачки одбори, за да биде регуларно прегласувањето, општинските изборни комисии (ОИК) ќе треба да ангажираат некои од веќе постојните избирачки одбори, или од најблиските избирачки места или некои други, и за тоа ќе треба да достават известување до ДИК.
Кампањата за повторното гласање ќе трае до понеделник, 20 мај, 00.00 часот. Притоа, ќе важат истите листи за болни и немоќни лица, ќе нема можност да се пријавуваат нови.
Според ДИК, има можност за измени и предлози за овластени претставници на кандидати. Тоа важи и за членовите на избирачките одбори кои се предложени од политичките партии.
Македонија
Кацарска ја чува обезбедување, денес добила закани дека „страшно ќе одговара“
Непознато лице денеска напладне во близина на ТЦ „Рамстор“ во центарот на Скопје вербално и се заканувало на претседателката на Уставниот суд, Добрила Кацарска. По инцидентот интервенирало нејзиното обезбедување.
„Полициски службеници од полициската станица Центар денеска во 14:00 часот го лишиле од слобода В.П.Г. (57) од Богданци, постапувајќи по претходна пријава дека во угостителски објект во трговски центар на подрачјето на Центар во Скопје упатил закани кон Д.К.(67) од Скопје со зборовите ‘ќе одговараш, страшно ќе одговараш’. Лицето било задржано во полициска станица и по целосно документирање на случајот во координација со јавен обвинител против него ќе биде поднесена кривична пријава по член 144 од Кривичниот законик“, соопшти МВР.
Пред неколку дена во подземна гаража на зграда во Центар пронајдени се импровизиран кревет и кујнски нож на гражаното место на Кацарска.
Од МВР потврдуваат дека известен е јавен обвинител, предметите се подигнати за вештачење и се преземаат мерки за расчистување на случајот.
Македонија
Утре затворени неколку улици во Скопје
Утре од 08.30 до 12.30 часот, поради одржување на натпревар „Стопански триоги триатлон”, со стартно-целна позиција кај Спортскиот центар „Борис Трајковски” во дел од градот ќе има изменет режим на сообраќај, соопшти СВР Скопје.
Посебниот режим на сообраќај ќе опфати дел од уличната мрежа околу СЦ „Борис Трајковски” и дел од булеварот Илинден (десна коловозна лента), потоа на потегот од крстосницата со булевар 8 Септември до крстосницата со улицата Никола Парапунов и обратно.
Утре исто така со почеток во 09.45 часот, поради одржување на спортско-рекреативен настан „Прв до врв” ќе има посебен режим на сообраќај во делот од градот каде што ќе се реализира манифестацијата.
Настанот почнува пред Музеј на град Скопје – улица Св.Кирил и Методиј, потоа лево по булеварот Св.Климент Охридски, во продолжение право по булеварот Мајка Тереза, па лево по улицата Тодор Александров и по локалниот пат за Средно Водно до врв на Водно („Милениумски крст”).