Македонија
(Видео) Почна лидерската средба меѓу власта и опозицијата за законот за Јавното обвинителство

Почна лидерската средба меѓу власта и опозицијата, на која повторно ќе се стави на дневен ред законот за Јавното обвинителство, со кој би се решила судбината на специјалното јавно обвинителство.
Премиерот Зоран Заев, министерката Рената Дескоска, советникот на премиерот, Бојан Маричиќ, Соња Мираковска како дел тимот од власта, лидерот на ВМРО-ДПМНЕ, Христијан Мицкоски, Тони Менкиноски – предмалку пристигнаа во Собранието. Изјави за исходот од разговорите се очекуваат по средбата.
Во фокусот на лидерската ќе биде законот за Јавното обвинителство, но Мицкоски најави дека ќе ја отвори и темата за предвремени парламентарни избори.
Заев во пораката за Денот на независноста, меѓу другото, изрази и увереност дека земјата има капацитет со двотретинско мнозинство да го донесе и законот за Јавното обвинителство.
„Сите случаи и евентуални случаи на криминал и корупција, како во развиените земји, мора да добијат ефикасна, праведна и правична разврска. Тоа го очекуваат граѓаните и со тоа ќе дадеме дополнителни аргументи на ЕУ дека и ние сме цврсто определени кон правдата и изградбата на правна држава“, рече Заев.
Поради скратените рокови, се очекува законот за Јавното обвинителство да биде донесен најдоцна до 15 септември. За да биде усвоен, потребно е двотретинско мнозинство.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Се излеа Маркова Река кај Батинци

Маркова Река се излеа денес по обилните врнежи од дожд.
Во селото Батинци, водата е надојдена, излевајќи се на неколку места околу речното корито.
Ангажирана е механизација за санирање на штетата, а градоначалник на Студеничани, Азем Садики, објави дека забележана е материјална штета во дворовите од куќите кои се наоѓаат во близина на реката.
Засега, според градоначалникот, нема потреба од евакуација.
Фото: ТВ21/скриншот
Македонија
Тетово повика на јавна дебата за промена на имињата на улиците

Општина Тетово в петок, со почеток во 15:00 часот, организира јавна дебата за предлози за имиња на улиците.
„Ги повикуваме сите граѓани, здруженија, невладини организации и граѓанскиот сектор да учествуваат на оваа јавна дебата за именување на улиците“, велат од општината преку допис.
Додаваат дека секој предлог од граѓаните е важен и помага овој процес да биде инклузивен и успешен за граѓаните и градот Тетово.
Македонија
Тошковски: Припадниците на МВР денеска примија плата зголемена за 10 отсто

Припадниците на МВР денеска примија плата зголемена за 10 отсто, информира министерот за внатрешни работи, Панче Тошковски.
„Изминативе години сосема оправдано имаше критики дека платите во МВР се ниски, а очекувањата и одговорностите големи. Често се укажуваше на разлики во однос на некои сродни служби, а чувството на потценетост беше реално и оправдано. Ова зголемување не е доволно, но е еден од многуте чекори што ќе следат во насока на враќање на достоинството и угледот на полицаецот. Целта е јасна – да изградиме модерна, професионална и силна полиција која ќе биде вистински сервис на граѓаните. Продолжуваме понатаму кон обезбедување на подобри услови, поголема поддршка и вистинско вреднување на трудот што секојдневно се вложува“, напиша Тошковски во објавата на социјалните мрежи.