Македонија
По потпишувањето на договорот, Груби почна да носи патики што чинат колку една македонска плата, велат од ВМРО-ДПМНЕ

Артан Груби е човек без срам. Очигледно стандардот на облекување на Артан Груби порасна со потпишувањето на договорот за коридорите 8 и 10, велат од ВМРО-ДПМНЕ.
„Артан Груби глуми моден гуру и, замислете, на очиглед на целата македонска јавност се облекува во патики што чинат дури колку една македонска плата. Артан Груби, вчера, смеејќи ѝ се на целата македонска јавност в лице, се пофали со патики Off-White, кои чинат над 450 евра.
Да потсетиме дека половина милион граѓани живеат со само 150 денари на ден и немаат леб да јадат, а Груби почна да се облекува во патики што чинат повеќе од 27.000 денари. Нека се запраша дали тие граѓани на своите деца може да им купат патики од над 27.000 денари“, додаваат од партијата.
Груби е човек кој е познат по своето семејно брзорастечко мултимилионско богатство, кое, како што велат, е стекнато под сомнителни околности.
„Потсетете се само кој беше Артан Груби и дали носеше патики од 450 евра пред да влезе во политиката кога беше хулиган и погледнете го сега по потпишувањето на договорот за коридорите 8 и 10.
Очигледно Артан Груби како новопечен мултимилионер сака во стилот да биде новиот Еди Рама, но, за жал, од „Алиекспрес“ бидејќи сите знаат дека овој негов луксуз се должи на криминалот и корупцијата што ги прави оваа Влада на ДУИ и СДСМ.
Ова е најкриминалната Влада со најголемиот потенцијал за одговорност, одговорност што ќе се брои во стотици години затвор поради сторениот очигледен криминал“, порачаа од опозициската партија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Партиите од ВЛЕН отсега ќе делуваат како еден политички субјект

Коалицијата ВЛЕН известува дека „денес е направен првиот чекор кон целосно политичко обединување, со заедничка визија и обединета структура, како единствена сила што ја претставува надежта, достоинството и иднината на Албанците во оваа земја“.
„На денешниот состанок беше формирано Заедничкото Претседателство на ВЛЕН, како прв орган што ќе ги координира сите политички и организациски активности на коалициско ниво.
Од денес стапува во сила мораториум на јавните активности на политичките партии учеснички во ВЛЕН, при што сите активности и настапи ќе се реализираат исклучиво под името, логото и единственото претставување на ВЛЕН.
Во наредниот период ќе се формираат и другите заеднички органи, вклучително и Раководството на ВЛЕН и Шефот на Изборниот штаб, кој ќе ја води подготовката за претстојните избори.
Пратеничката група на ВЛЕН ќе продолжи да функционира со актуелните пратеници кои го поддржуваат процесот на обединување и се посветени на јакнење на заедничкиот глас на Албанците“, велат од ВЛЕН.
Македонија
(Видео) Запален домот на Александар Пандов: Нема да не запрат и нема да не поколебаат

Директорот на Управата за извршување на санкции, Александар Пандов на социјалните мрежи објави дека му бил запален домот.
„Ова е данокот за нашата борба за владеење на правото без калкулации? Ова е цената за удирањето по мафијата! Домот ми беше запален, и имам основано сомневање дека станува збор за смислен атак на криминалците!
Нема да не запрат и нема да не поколебаат. Никој не е над законот! Нема враќање назад кога се бориш за правдата. И кога ќе тргнеш против криминалот, тој се брани со насилство. Но ова нема да ме запре — напротив, само не зајакнува!“, напиша Пандов.
Тој додаде дека очекува институциите да го најдат и казнат сторителот.
Македонија
Милошоски: Не помина интерпелацијата на Левица и СДСМ за Тошковски, целта им беше лична дискредирација и злоупотреба на трагедијата

„Не помина интерпелацијата на Левица и СДСМ против МВР, Панче Тошковски. Целта им беше провидна“, напиша на социјалните мрежи Антонио Милошоски.
„Прво лична дискредитација на Тошковски, а потоа злоупотреба на семејните емоции од големата трагедија во Кочани. Манипулативни намери, наместо реални предлози и поддршка“, додаде тој.