Македонија
Предновогодишни активности во Општина Ресен

Со детската претстава „Потрага по Дедо Мраз“, посветена на најмладите, која се одржа на градскиот плоштад во Ресен, заврши месецот на културата во организација на Домот на културата „Драги Тозија“.
Најмладите ресенчани ја испратија старата година со Дедо Мраз, магионичарот Марло, кловнот Заги и девојчето кое беше во потрага на најпознатиот дедо во светот.
Во предвечерјето на Новата година, драмската секција Домот на култура „Драги Тозија“ ја одигра театарската претстава „Испревртена цивилизација“, во преполната сала на киното во Ресен.
„Публиката воодушевено ја проследи театарската претстава и се насмеа до солзи. Со огромен аплауз беа наградени аматерите-актери, кои со цела вложена енергија покажаа дека владеат со театарската сцена, што за нас, како Дом на културата е голем предизвик. Исто така, деновиве во гимназијата „Цар Самоил“ организиравме поетско-литературна интерактивна средба со писателот Радован П. Цветковски, познат и признат доајен во македонската литература. Учениците покажаа голем интерес за неговата писателска, критичарска и научна дејност, во неговата 45 годишна писателска кариера. На овој начин успешно го заокруживме месецот на културата во Општина Ресен“, истакна директорот на Домот на културата „Драги Тозија“, Васко Василевски.
Месецот на културата во Ресен се одржа под покровителство на градоначалникот на Општина Ресен Ѓоко Стрезовски и со поддршка на Министерството за култура на РМ./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Викендов сончево и малку посвежо време

Времето утре ќе биде сончево со мала до умерена локална облачност. Ќе дува умерен до засилен ветер од северен правец (локално над 70км/ч.), информира УХРМ.
Минималната температура ќе биде во интервал од 12 до 22, а максималната ќе достигне од 27 до 36 степени.
Во Скопје, сончево со мала до умерена локална облачност и со умерен до засилен северен ветер. Минималната температура ќе се спушти до 20, а максималната ќе достигне до 34 степени.
Во деновите од викендот времето ќе биде сончево и малку посвежо со мала до умерена локална облачност. Ќе дува умерен до засилен северен ветер ( локално над 70км/ч.) кој ќе предизвика опаѓање на дневните температури за 4-6 степени во споредба со денешните.
Од понеделник дневните температури повторно ќе бидат во постепен пораст
Македонија
Мицкоски: Се воведува системот за е-фактура, а тоа значи крај за фантом фирмите

Се воведува системот за е-фактура, а тоа значи крај за фантом фирмите и лица кои испумпувале стотици милиони евра народни пари од Буџетот, изјави премиерот, Христијан Мицкоски.
„Оваа е-фактура како процедура ќе значи да нема фантом фирми коишто 90, 100, 200, 300 милиони евра ќе украдат од Буџетот и од Вас граѓаните, ако добро се применува и се работи во што немам сомневање, така што за да можеме попластично сето тоа да го разбереме можноста да ни се случуваат фантом фирми коишто ќе добиваат поврат на ДДВ и преку ноќ ќе бидат отуѓувани на фантом луѓе повеќе со овој начин на функционирање ќе биде тешко или речиси невозможно“, рече тој.
Мицкоски кажа дека овој процес почнал уште во 2015 година.
„Јас имам некоја меморија дека таму некаде 2015 година се започна овој процес, за нас од нејасни причини зошто тој беше континуирано, како да кажам беше одложуван, но сфативме после некои процеси коишто овој изминат период ги откривме и отвориме зошто бил одложуван. Еве конечно денес после повеќе од 10 години добива почеток и од она што го добивме на брифингот пред оваа прес-конференција е дека првиот кик оф, значи почнувањето со софтвер компанијата за имплементација ќе почнат 1 јули“, рече Мицкоски.
Македонија
ДУИ: Нема да дозволиме Албанците да бидат третирани како граѓани од втор ред во сопствената држава

Демократската унија за интеграција го осудува најновиот пример на намерна и систематска дискриминација на Албанците во државните и јавните институции.
Само во еден случај, велат од партијата на Ахмети, во Фондот за здравствено осигурување на РСМ, биле реализирани 19 унапредувања, од кои 18 за Македонци, 1 за Турчин, а ниту едно за Албанец.
Ова, додаваат од ДУИ, е јасен показател за етничка исклученост и повреда на уставниот принцип за правична и соодветна застапеност, како и доказ за континуитетот на дискриминаторските политики што ги спроведува оваа влада.
„Оваа влада секојдневно дејствува како режим на етничка изолација, претворајќи ги јавните институции во ѕидови за Албанците. Наместо еднаквост, се спроведува исклучувачки систем кој унапредува само етнички селектирани лица, ги игнорира албанските професионалци и им ја ускратува можноста за професионален и институционален напредок. Сè започна со неуставното укинување на балансерот од страна на Уставниот суд, со цел да се создадат услови Албанците да бидат третирани како непожелни во државната и јавната администрација“.
Упатуваат апел до сите институции за транспарентност и одговорност и порачуваат дека ДУИ нема да дозволи Албанците да бидат третирани како граѓани од втор ред во сопствената држава.