Македонија
Пред Oпштина Центар немаше насилство, рече адвокатот на Трајковски, кој за споредба пушташе снимки од шарената револуција

На денешното рочиште за предметот „Насилство во Центар“ завршни зборови даде Александар Трајковски, кој е обвинет дека е директен извршител во предметот.
Неговиот адвокат, Јовица Страшевски, го убедуваше судот дека Трајковски не е виновен, презентирајќи видеоснимки од протестите на шарената револуција и кршењето на канцеларијата од експретседателот Ѓорѓе Иванов. Страшевски потенцираше дека за протести со потешки дела, со смртни закани и тепање на полицијата, немало никаква одговорност.
„За разлика од другите протести, пред Општина Центар на протестот немаше ништо спектакуларно и насилно. Од обвинителката не слушнав и не видов насилство, туку дека се тропало и пцуело”, рече адвокатот на Трајковски.
Судот ги одложи завршните зборови за Миле Јанакиески во предметот „Насилство во Центар”, откако Обвинителството го измени обвинението и ослободи Даниела Рангелова, но и против Борче Богдановски и Милан Андоновски. Судијата Душко Јосифовски не дозволи судењето да се врати во доказна постапка, а обвинетите да достават дополнителни докази со кои ќе докажат дека не го сториле делото. Јанакиески и неговиот бранител завршните зборови ќе треба да ги дадат за четири дена.
„Сметам дека денес добивме поднесок кој не е законит. Вие продолживте да постапувате по тој поднесок. Правото да се повлече за одредени обвинети е вистински чекор. Се работи за поднесок кој гласи ‘Поднесок за технички измени и прецизирање на обвинителен акт’. Треба да ја видите фазата на постапката кога се прават овие измени. Јас не барам одложување од причини да се спремам. Јас барам одлагање бидејќи законот ви налага да ни овозможите да се браниме, бидејќи има измена на дејствија. Тие имаат право да изнесат и докази”, рече адвокатот Дончо Наков.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Делегација на АРМ во посета на сојузната држава Вермонт, САД

Делегација предводена од началникот на Генералштабот Армијата, генерал-мајор Сашко Лафчиски, придружуван од државниот секретар во Министерството за одбрана, Елизабета Чуповска Ристова од денес ќе престојува во повеќедневна oфицијална посета на сојузната држава Вермонт, Соединетите Американски Држави.
За време на посетата која се реализира во рамки на Програмата за партнерство на САД се предвидени повеќе средби со високи претставници од Националната гарда, воениот универзитет Норвич и државата Вермонт. Делегацијата ќе се сретне и со гувернерот на државата Вермонт, Фил Скот.
Главна цел на посетата е унапредување на стратешката одбранбена соработка, размена на искуства и планирање на заеднички обуки и активности
Оваа активност претставува уште еден чекор во зајакнувањето на одбранбените капацитети и интероперативноста меѓу Армијата на Република Северна Македонија и вооружените сили на САД, во духот на сојузништвото во НАТО, соопшти АРМ.
Македонија
Споменик на Андон Лазов Јанев – Ќосето поставен на кружниот тек во Автокоманда

Споменикот на Андон Лазов Јанев – Ќосето, кој беше отстранет од пред комплексот судови, е поставен на кружниот тек во Автокоманда.
„Со поставувањето на спомен обележјето во чест на македонскиот револуционер Андон Лазов Јанев – Ќосето, оддаваме признание за неговиот неуморен дух и саможртва во борбата за слободна и независна Македонија.
Андон Лазов Ќосето, познат по својата борбеност и непокор, е симбол на македонската историја и еден од истакнатите учесници во Илинденското востание. Неговата улога во револуционерното движење е од непроценливо значење за денешната слобода и независност на нашата држава“, објави градоначалничката на Град Скопје, Данела Арсовска.
Споменикот претходно беше поставен пред комплексот судови, а беше отстранет од претходникот на Арсовска, Петре Шилегов.
Арсовска во 2023 година информира дека доставила иницијатива до Советот на Град Скопје за повторно поставување на спомен-обележјето на македонскиот револуционер Ќосето, на нова локација, кај хотелот „Континентал“ односно на крстосницата помеѓу булеварот Александар Македонски и булеварот Беласица.
Споменикот на контроверзниот Андон Лазов-Ќосето (1855-1953), беше поставен пред судовите во 2014, кога градоначалникот беше Коце Трајановски. Ќосето е еден од петте споменици кои Град Скопје ги доби како донација од Здружението за духовно обединување на Сетинци, Попадинци и Крушоради од Лерин. По доаѓањето на функција на ексградоначалникот Петре Шилегов споменикот беше отстранет оти било утврдено дека е дивоградба, односно нема решение за негово поставување.
Откако беше тргнат, споменикот беше однесен во магацин на „Металски завод-Тито“ во Скопје. На неговото место беше засадено дрво гинко, посветено на човековите права со изгравирана плочка донирана од збратимениот град Нирнберг, на која е испишан текстот од членот 10 од Декларацијата за човекови права на Обединетите нации.
Тој член гласи: „Секој има потполно еднакво право на праведно и јавно судење пред независен и непристрасен суд, при одредувањето на неговите права и обврски и во услови на какво и да е кривично обвинение против него“.
Македонија
Во изминатото деноноќие имало 51 пожар во Македонија, денеска се активни осум

Во текот на изминатото деноноќие, 27/28.07, на територијата на Република Северна Македонија се регистрирани вкупно 51 пожар, од кои осум се активни, седум се под контрола, а 36 се изгаснати, информира Центарот за управување со кризи.
АКТИВНИ ПОЖАРИ: 8
1. Општина Василево, Радовиш и Берово – с. Нивичино, на планината Голем Готен и Малешевските Планини (нискостеблеста шума, смрека, грмушки и ниска вегетација).
2. Општина Прилеп – с. Бешиште, м.в. Бешишки Рид, крак кон с. Градешница (опш. Новаци) и крак кон граница со Р. Грција (мешана шума).
3. Прилеп и Кавадарци – помеѓу селата Царевиќ, Смолани, Радобил, Дрен (опш. Прилеп), и Галиште, Трстеник (опш. Кавадарци) (мешана шума и нискостеблеста вегетација).
4. Општина Македонски Брод – помеѓу селата Црешево, Локвица и Крапа (деградирана дабова шума, грмушки и ниска вегетација).
5. Општина Желино – помеѓу селата Церово и Групчин (нискостеблеста и деградирана шума).
6. Општина Крива Паланка – с. Нерав (висока борова шума).
7. Општина Кичево – с. Горно Црско (ниска вегетација и ниска шума).
8. Општина Македонска Каменица – с. Ќосевица (борова шума).
ПОЖАРИ ПОД КОНТРОЛА: 7
1. Старо Нагоричане и Куманово – с. Облавце, Бељаковце, Довезенце, Орах и Руѓинце, со ширење кон с. Димонце и Коњух (опш. Кратово) (ниска вегетација).
2. Општина Петровец – с. Средно и Долно Коњаре (мешана шума).
3. Општина Петровец – Катланово (ниска вегетација).
4. Македонски Брод 1 – с. Грешница (мешана шума и сува трева).
5. Македонски Брод 2 – с. Латово (ниска вегетација и деградирана шума).
6. Општина Штип – помеѓу селата Драгоево и Селце (нискостеблеста шума, прнар и сува трева).
7. Општина Карбинци – с. Јунузлија (шума).
ИЗГАСНАТИ ПОЖАРИ: 36
1. Шуто Оризари – ул. Нов Живот (ѓубриште)
2. Арачиново – с. Орланци
3. Сарај – с. Глумово
4. Зелениково – с. Гумалево
5. Битола – с. Велушина
6. Битола – с. Меџитлија
7. Битола – ул. Игњат Атанасовски
8. Битола – с. Српци
9. Прилеп – м.в. Млекара Софија (2 интервенции)
10. Прилеп – с. Мало Коњари
11. Долнени – с. Сивје
12. Долнени – с. Долнени
13. Долнени – с. Секирци
14. Кривогаштани – с. Крушеани
15. Струмица – с. Баница и нас. Софилари
16. Струмица – с. Колешино (Колешнски водопади)
17. Василево – с. Сушево кон Добрашинци
18. Гевгелија – с. Моин – с. Ново Коњско
19. Охрид – с. Вапила
20. Струга – с. Ново Село и с. Делогожда
21. Кичево – кај РЕК Осломеј
22. Македонски Брод – с. Требовље
23. Велес – влив на река Бабуна
24. Свети Николе – с. Преод
25. Свети Николе – с. Долно Ѓуѓанци
26. Свети Николе – с. Стањевци
27. Пробиштип – с. Гајранци
28. Куманово – с. Тромеѓа
29. Куманово – ул. Октомвриска револуција
30. Липково – с. Отља
31. Брвеница – с. Радиовце
32. Боговиње – с. Камењане кон с. Јеловјане
33. Гостивар – с. Чајле
34. Гостивар – с. Чегране
35. Гостивар – нас. Циглана
36. Врапчиште – с. Градец