Македонија
Пренџов: ДУИ 20 години гласа „За“ буџетите, а единствено мисли за себе и за своите функционери
Пратеникот Љупчо Пренџов обраќајќи се на денешната седница истакна дека во Собранието е најголемиот буџет во Македонија од речиси 5,5 милјарди евра а ДУИ 20 години гласа „За“ буџетите а мисли само на сопствените функционери и бизниси а за граѓаните пари нема.
„Денес во ова Собрание е најголемиот буџет во Република Македонија од речиси 5,5 милијарди евра. Во овие 5,5 милијарди евра власта на ДУИ и СДСМ предвидува од вас да извлече 5 милијарди и 43 милиони евра како никогаш досега и како што личи за СДСМ и ДУИ тоа е малку и згора на тоа ќе треба уште 400 милиони евра да земеме нови кредити. Во последните 20 години единствената политичка партија која што гласала за сите буџети во собранието е ДУИ. 20 години ДУИ ги поддржува сите буџети на државата, од оние за Скопје 2014 кои што сега ги критикуваат, преку оние буџети на Заев каде што јасно се гледаше корупција на целни групи пред короната, па се до овие буџети на Ковачевски и на Артан Груби каде што имаме манипулација и пермутација на бројки, каде што едно зборуваат премиерот и министрите а друго гласат пратениците“, нагласи Пренџов.
Посочи дека ДУИ 20 години гласа „За“ буџетите, а единствено мисли за себе и своите функционери.
„ДУИ во оваа држава ниту мисли на Македонија, ниту мисли на Македонците, ниту мисли на Албанците, ниту мисли на било кој што живее во Македонија. Едноставно ДУИ мисли само на ДУИ. Пред 20 години ДУИ наликуваше на друштво со ограничена одговорност основано од едно лице за по 20 години и десетици милијарди изгласани буџети да наликува на акционерско друштво Дуинг бизнис- холдинг“, истакна Пренџов.
Според него за ќелниците на ДУИ и нивните бизниси има пари во буџетот а за граѓаните нема.
„20 години гласаат „За“ буџетите на државата и овие 20 години ветуваа нов автопат Тетово-Гостивар, автопат нема, за тоа немало пари, ама има пари за на Артан лотаријата. За автопатот Гостивар-Кичево велат дека нема пари ама за тендерите на „Еуровија“ има пари. За реконструкција на мостот помеѓу Челопек и Брвеница немало 3 милиони денари во буџетот ама за „Арберија дизајн“ веднаш има 3 милиони евра. Бизнис инвестиција за електрични автомобили во Тетово нема, ама бизниси за челниците на ДУИ има и тоа во изобилие“, нагласи Пренџов.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Утре сончево време со температура до 21 степен
Времето утре наутро ќе биде постудено со услови за појава на магла по одделни котлини и речни долини. Преку денот времето ќе биде сончево со мала до умерена локална облачност. Ќе дува слаб ветер од јужен правец, информира УХМР.
Минималната температура ќе биде во интервал од -3 до 4, а максималната ќе достигне од 16 до 21 степен.
Во Скопје, утрото постудено, во делови од котлината магливо. Преку денот времето ќе биде сончево со мала до умерена облачност. Ќе дува слаб југоисточен ветер. Минималната температура ќе се спушти до 2, а максималната ќе достигне до 18 степени.
Под влијание на висок воздушен притисок следува период на стабилно и суво време со постудени утра, а дневната температура ќе биде во пораст, особено во деновите од викендот. Претпладне по одделни котлини и речни долини ќе има услови за појава на магла
Македонија
Божиновска и Јоксимовиќ: Забрзана изградба на гасниот интерконектор Македонија–Србија, се редефинира енергетската карта на регионот
Во рамки на 14. Меѓународен форум за енергија и одржлив развој (IFESD-14), што се одржува во Скопје, министерката за енергетика, рударство и минерални суровини, Сања Божиновска, оствари работна средба со Јована Јоксимовиќ, помошничка министерка за рударство и енергетика на Република Србија, задолжена за меѓународна соработка и европска интеграција.
Во фокусот на разговорите беше изградбата на гасниот интерконектор меѓу Македонија и Србија, проект од стратешко значење за енергетската безбедност и диверзификација на снабдувањето со гас во регионот.
Двете соговорнички се согласија дека проектот треба да се реализира во забрзана динамика, со цел да се овозможи поврзување на гасните системи на двете земји и пристап до нови извори на гас.
На маргините на форумот dополнително, во Министерството за енергетика на Македонија се одржа работен состанок на кој се дискутираше координацијата на институциите и операторите во двете земји за реализација на проектот. Ба разгледани процедурите и техничките чекори за понатамошно убрзување на активностите.
„Гасниот интерконектор со Србија е еден од најважните регионални инфраструктурни проекти што ќе овозможи вистинска енергетска стабилност и сигурност. Овој проект не е важен само за Македонија и Србија – тој е значаен и за цела Европа. Со оваа нова енергетска врска, двете земји добиваат пристап до алтернативни извори и рути, а Европа добива посилен и подобро поврзан Балкан. Ова е чекор што ја позиционира нашата земја како активен и одговорен партнер во новата енергетска карта на Европа. Нашата заедничка цел е овој проект да се реализира во најкраток можен рок – затоа што секој ден е важен за нашата енергетска иднина. Со заеднички напори ќе го реализираме овој проект, во тесна координација и постојана комуникација со нашите партнери од Србија “ изјави Божиновска.
„Гасниот интерконектор со Македонија е проект кој има значење подалеку од нашите граници. Тој е дел од визијата за регион кој е енергетски поврзан, сигурен и усогласен со европските цели. Србија и Македонија заедно покажуваат дека со партнерство и заедничка стратегија можеме да обезбедиме стабилна и предвидлива енергетска иднина. Соработката меѓу нашите две земји во областа на енергетиката е пример како регионалното партнерство може да донесе конкретни резултати. Соработката со колешката Божиновска и со македонскиот тим е интензивна и исклучително конструктивна. Уверена сум дека со заедничка координација и поддршка на нашите оператори ‘Србијагас’ и ‘Номагас’, ќе создадеме нова енергетска оска на стабилност меѓу двете земји. Имаме јасна динамика, завршени студии и поддршка од европските институции. Следниот чекор е координирана акција за изградба. Заеднички ќе работиме на тоа интерконекторот да стане реалност во најскоро време,“ истакна Јована Јоксимовиќ, помошничка министерка за меѓународна соработка и европска интеграција во Министерството за рударство и енергетика на Србија.
Македонија
Утре без вода делови од Карпош
Од ЈП Водовод и Канализација известуваат дека утре ( Четврток )поради изведување на водоводен приклучок ф-100мм на ул. Софиска 7, прекинато водоснабдување ќе имаат корисниците од следниве улици: Софиска, Бриселска, Петар Драганов, Његошева, Копенхагенска и Стокхолмска.
Водоснабдувањето ќе биде прекинато од 09:00 часот до завршување со работните активности. (општина Карпош).

