Македонија
Пристигна донација на техничка опрема за Детската клиника во Скопје

Огромна благодарност до компанијата Mozzart, со донирањето телевизори ни самите не се свесни колку голема радост ќе предизвикаат кај сите дечиња кои ќе имаат потреба да се лекуваат на детската клиника
Празниците се вистински момент за дарување, а компанијата Mozzart во овој период, особено се труди да помогне таму каде што е најпотребно. Во пресрет на Нова година хуманитарниот караван на оваа општествено одговорна компанија посети многубројни установи ширум Македонија, а покрај новогодишните пакетчиња за најмалите, донација пристигна и во Универзитетската клиника за детски болести во Скопје.
Претставниците на регионалниот лидер во приредување игри на среќа ја посетија оваа здравствена установа и им врачија техничка опрема за одделенијата во кои секојдневно престојуваат голем број деца.
Телевизорите ќе им овозможат да гледаат цртани филмови и ќе им го олеснат престојот во болницата.
„Огромна благодарност до компанијата Mozzart, со донирањето телевизори ни самите не се свесни колку голема радост ќе предизвикаат кај сите дечиња кои ќе имаат потреба да се лекуваат на детската клиника и кои дефинитивно сакаат болничките соби да ги претворат како свои“ – нагласи директорката на Универзитетската клиника за детски болести, Аспазија Софијанова.
Mozzart и во текот на оваа година помагаше во здравствениот систем на Македонија, а донациите беа упатени во повеќе установи.
„Во текот на празниците се трудевме повеќе да помогнеме на бројни здруженија и установи, а посебно задоволство ни претставуваше да измамиме насмевки од најмалите. И во 2022 година ја продолжуваме нашата мисија за општествена одговорност” – нагласи Менаџерот за корпоративни процеси во Mozzart, Мики Златески.
(ПР-текст)
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Поддршка од министерот за правда за Пандов чијашто куќа беше запалена: „Случајот бара одлучна акција“

Министерот за правда Игор Филков најостро го осудува палењето на куќата на директорот на Управата за извршување на санкции, Александар Пандов и бара одлучна акција во која ќе се утврдат причините и најстрого казнат можните сторители.
„Најостро го осудувам палењето на куќата на директорот на Управата за извршување санкции, Александар Пандов. Му давам целосна поддршка во неговата истрајност и борба против криминалот и корупцијата. Овој случај како и неколкуте други случаи поврзани со лицата вработени во УИС и затворите, бараат одлучна акција во која ќе се утврдат причините и најстрого ќе се казнат можните сторители“, вели Филков.
Директорот на Управата за извршување на санкции, Александар Пандов, претходно, на социјалните мрежи објави дека му бил запален домот. Нема да не запрат и нема да не поколебаат, напиша тој.
Македонија
Кирков: Вработените во ЗОО последно земале февруарска плата

До Стефан Кирков, којшто е член на Советот на Град Скопје, пристигнала молба од вработените во скопската Зоолошка градина и барање за реакција и помош. Го известиле дека последна плата која ја земале е фебруарската плата и одтогаш немаат никакво примање.
„Веќе сме мај, а овие вработени се оставени без примања и навистина сум запрепастен до каде ќе се оди со непрофесионалноста во ова раководство на Градот и кадрите кој ги поставува?! Вработените од утре ќе бидат и без здравствено осигурување !!! Поминаа празници како 8ми Март, Рамазан Бајрам , Велигден на праг е и 1ви Мај а вработените се оставени и заборавени замислете да им се исплати плата !!! Цели фамилии страдаат од нечија непрофесионалност!“, напиша Кирков на социјалните мрежи.
Тој ги проѕва Град Скопје , Данела Арсовска и Зоран Попов сигнализирајќи и дека состојбата може да доведе до протести.
Македонија
Реконструкција на водоводна мрежа и проширување на мостот на Маркова Река, најави Општина Аеродром

Општина Аеродром најави дека во наредниот период започнува со целосна реконструкција на водоводната мрежа на улица 2 во Долно Лисиче, а исто така се започнува и реализација на проектот за проширување на мостот на Маркова Река што ги поврзува Долно и Горно Лисиче.
Тендерските постапки и за двата проекта се во финална фаза и се очекува наскоро, по нивното комплетирање да се почне со реализација на терен.
„Водоводната мрежа на улица 2 во Долно Лисиче за првпат од нејзината изградба добива целосна реконструкција при што старите и дотраени цевки ќе бидат заменети со нови и пошироки инсталации во должина од околу 1 300 метри. Со ова конечно се става крај на повеќедеценискиот проблем со водоснабдувањето што го имаат жителите во овој дел од Аеродром“, соопштија од Општината.
Наредниот период Општина Аеродром започнува и со реконструкција и проширување на мостот на Маркова Река, меѓу Горно и Долно Лисиче.
„Мостот се наоѓа на многу фреквентна сообраќајница и токму заради зајакнување на безбедноста во сообраќајот се врши реконструкција со проширување на овој мост, со што би се добило побрз проток возилата, но она што е уште позначајно е дека ќе се зголеми и самата носивост на објектот“, се наведува во соопштението.
Реконструкцијата на водоводната мрежа и на мостот,додаваат од таму, се два капитални инфраструктурни прокета од витално значење, особено за жителите на Долно и на Горно Лисиче, и се финансиски поддржани од Владата.
Вкупната вредност на реконструкцијата на водоводната мрежа изнесува 15.457.871 денар, додека вкупната вредност на проширувањето на мостот е во висина од 12.066.494 денари.