Македонија
Радуловиќ: На Јовановски му дадовме пари за да купи опрема за телевизијата
На денешното рочиште за случајот „Рекет“ сведочеше Александар Радуловиќ од Белград, сопруг на Марина Туцаковиќ. Според сведочењето на Радуловиќ, тие последен пат се сретнале на 21 февруари 2019 година во ателјето во домот на Радуловиќ.
„Боки беше со мајка си и со кумата. Се договоривме за набавка на лекови за жена ми и облека од Милано, која Боки требаше да ја плати и донесе. Ги нарачавме и резервираме лековите во клиника во Милано, и тоа терапија за 6-7 месеци. Многу скапа терапија. Во Боки имавме доверба, тој требаше да отиде да плати и да ги донесе. Ние му дадовме малку поголема сума и тоа што му требаше – пари за по пат. Само лековите чинеа 12 илјади евра месечна терапија, за гардеробата не знам колку пари, ама и тоа беше скапо“, рече Радуловиќ во своето сведочење.
Парите вечерта му ги дале кај нив дома.
„Лично на рака јас му ги дадов, тој му ги даде на Тони. Вкупно 150 илјади евра“, рече тој.
Сведокот со Бојан Јовановски се познавал 12 години, најпрвин професионално, а потоа и приватно.
Станале семејни пријатели и оделе заедно на одмори, а бил и чест гостин во неговиот дом.
„Пред две години рече дека ќе отвора телевизија, нам ни одговараше затоа што сакавме да го прошириме влијанието во целиот регион. Му дадовме пари за отворање на телевизијата во неколку наврати за да купи опрема и да ја развива телевизијата. Приватно, и во овие 12 години му имаме давано пари и не сме склучиле каков било писмен договор“, сведочеше Радуловиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Без струја денеска делови од Чаир, Бутел и Шуто Оризари
Од ЕВН Македонија АД известуваат дека денеска без електрична енергија ќе останат:
· во периодот од 08.00 до 11.00 часот корисниците од дел од улицата Бајрам Шабани и дел од улицата Чаирска, општина Чаир;
· во периодот од 09.00 до 10.00 часот корисниците од објектите околу Фитофарм-Визбегово, општина Бутел;
· во периодот од 09.00 до 12.00 часот корисниците позади бензинската ОКТА во Шуто Оризари, општина Шуто Оризари.
Македонија
Делови од Карпош и Шуто Оризари денеска без вода
Од ЈП Водовод и Канализација известуваат дека денеска поради уличен дефект на улицата Демирхисарска бр 13 прекинато водоснабдување ќе имаат корисниците од улицата Демирхисарска, од 17:30 часот до завршување на дефектот, општина Шуто Оризари.
Од ЈП Водовод и Канализација исто така известуваат дека денеска поради изведување на водоводен приклучок ф-100мм на ул. Софиска 7, прекинато водоснабдување ќе имаат корисниците од следниве улици: Софиска, Бриселска, Петар Драганов, Његошева, Копенхагенска и Стокхломска, општина Карпош.
Водоснабдувањето ќе биде прекинато од 09:00 часот до завршување со работните активности.
Македонија
Утрото постудено и магливо, преку денот сончево со мала до умерена облачност
Утрото постудено со услови за појава на магла по одделни котлини и речни долини. Преку денот времето ќе биде сончево со мала до умерена локална облачност. Ќе дува слаб ветер од јужен правец.
Минималната температура ќе биде во интервал од -3 до 4, а максималната ќе достигне од 16 до 21 степен.
Во Скопје, утрото постудено, во делови од котлината магливо. Преку денот времето ќе биде сончево со мала до умерена облачност. Ќе дува слаб југоисточен ветер. Минималната температура ќе се спушти до 2, а максималната ќе достигне до 18 степени.
Времето во наредните денови
Под влијание на висок воздушен притисок следува период на стабилно и суво време со постудени утра, а дневната температура ќе биде во пораст, особено во деновите од викендот. Претпладне по одделни котлини и речни долини ќе има услови за појава на магла.

