Македонија
Разрешен државниот правобранител Фехми Стафа
![](https://makfax.com.mk/wp-content/uploads/2022/08/fehmi-stafa_1549895812-2305063-e1661262302741.jpg)
Владата го разреши државниот правобранител, Фехми Стафа кој исплаќаше хонорари на презентерката Бесмира Ејупи која се споменуваше како можна конзулка на Македонија во странство. Името на Стафа беше поврзувано и со скандалот за имотот на бизнисменот Сеад Кочан, кој државата не успеа да го конфискува. Причината за разрешувањето досега не е соопштена на јавноста, а доаѓа во исто време кога е разрешен и Арафат Муареми со кого Стафа беше во „тивка војна“.
Стафа на функцијата дојде како предлог на Алтернатива, а се поврзуваше и со ДУИ.
На почетокот од годинава, беше обзнането дека од Државното правобранителство на чело со Фехми Стафа, имало низа исплати кон ТВ презентерката Ејупи, од каде преку 11 трансакции, главно во износ од по 24.900 денари, ѝ се исплатени вкупно 247.658 денари или околу 4.000 евра, почнувајќи од април лани па се до февруари годинава. Од ДКСК посочија дека Ејупи добивала пари за непостоечки работни позиции.
Истовремено, во јавност беше актуелен и скандалот каде државата не можеше да ја наплати штетата од 17 милиони евра од пресудата за судскиот предмет „Труст“ односно од бизнисменот Сеад Кочан. Тогаш, овозможено било за време на стечајната постапка на фирмата на Кочан, имотот да биде отуѓен, а со тоа државата да остане со празни раце.
Обвинителите Артан Ајро и Гаврил Бубевски, во писмена изјава посочија дека нивната надлежност завршува со правосилноста на пресудата, а во стечајната постапка која се одвива во меѓувреме, доверител е државата која треба да го конфискува имотот и нејзин правен застапник е Државното правобранителство.
Против Стафа, имаше и низа пријави во Финансиската полиција.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Без вода дел од општина Кисела Вода
![](https://makfax.com.mk/wp-content/uploads/2024/05/voda-chesma.jpg)
Од ЈП Водовод и Канализација известуваaт дека денеска поради изведување на водоводен приклучок на ул. Борис Трајковски 39, прекинато водоснабдување ќе имаат корисниците на дел од истата улица и ул. Иван Козаров.
Водоснабдувањето ќе биде прекинато од 08:00 часот до завршување со работните активности.( општина Кисела Вода ).
Македонија
Извлечено девојчето кое падна во дол над Струмица, има повреди на главата
![](https://makfax.com.mk/wp-content/uploads/2024/06/planina-akcija.jpg)
Шестнаесетгодишното девојчето кое падна во дол над Струмица е извлечено и во моментот се наоѓа во струмичката болница, соопшти директорот на Центарот за управување со кризи, Стојанче Ангелов.
Како што претходно информираа од ЦУК, девојчето вечерва паднало во дол кај манастирот Свети Илија над Струмица.
Случајот на 112 го пријавила мајката и известила дека нејзината ќерка има повреди на главата, но не ја знаела точната локација.
„По барање на операторите, и тинејџерката потоа се јавила на 112 и вознемирена раскажала за повредите, но не знаела да го посочи точното место на кое што паднала“, вели директорот на Центарот за управување со кризи, Стојанче Ангелов.
Операторите преку системот на 112 ја утврдиле точната локација, а спасувачките екипи веднаш излегле на терен, ја пребарале посочената локација и откако најпрво викајќи оствариле гласовен контакт со повреденото и исплашено лице набргу потоа успеале да ја најдат.
Македонија
Во тек спасувачка акција во Струмица: се извлекува 16-годишно девојче кое паднало во дол
![](https://makfax.com.mk/wp-content/uploads/2024/06/planina-akcija.jpg)
Спасувачките служби се обидуваат да извлечат 16-годишно девојче кое вечерва паднало во дол кај манастирот Свети Илија над Струмица.
Случајот на 112 го пријавила мајката и известила дека нејзината ќерка има повреди на главата, но не ја знаела точната локација.
„По барање на операторите, и тинејџерката потоа се јавила на 112 и вознемирена раскажала за повредите, но не знаела да го посочи точното место на кое што паднала“, вели директорот на Центарот за управување со кризи, Стојанче Ангелов.
Операторите преку системот на 112 ја утврдиле точната локација, а спасувачките екипи веднаш излегле на терен, ја пребарале посочената локација и откако најпрво викајќи оствариле гласовен контакт со повреденото и исплашено лице набргу потоа успеале да ја најдат.
Во моментот се работи на нејзино извлекување.