Македонија
Раководител на ,,алфите”: Немаше потреба Бошкоски да го апсиме лежејќи, не даваше отпор
![](https://makfax.com.mk/wp-content/uploads/2018/09/40615063_958037891065344_1351422948723916800_n.jpg)
Далибор Трајковски, раководител во единицата ,,Алфи” кој учествувал во апсењето на лидерот на ОМ, Љубе Бошкоски, во денешното сведочење за случајот ,,Тортура” истакна дека командантот на единицата, Ивица Анчевски – Пуки, на 6 јуни 2013 година најавил дека ќе биде апсено вооружено лице за кое подоцна го информирал дека станува збор за Бошкоски.
Трајковски истакна дека при апсењето командантот Анчевски наредил Бошкоски да се уапси во легната положба и покрај тоа што немало потреба од такво нешто, бидејќи Бошкоски не давал отпор.
„Начинот на апсењето зависи од тоа дали лицето кое се апси пружа отпор. При апсењето на Бошкоски истиот не го правеше тоа, па им кажав веднаш да го станат и да го потпрат на автомобилот”, рече Трајковски.
Сведокот истакна дека Бошкоски при апсењето извикувал ,,луѓе што правите, Сашо ме намести”, на што некој од припадниците му возвратил. На прашањето на обвинителот од СЈО, Љубомир Лапе што точно „алфите„2 му кажале на Бошкоски, сведокот изјави дека не му текнува точно на зборовите, но веднаш по кратката вербална расправа наредил да не се воспоставува никаква комуникација со Бошкоски.
„Не можам да се сетам кои зборови беа упатувани. Сите бевме под адреналин, знам Љубе викаше ‘Сашо, Сашо’, а од друга страна колегите мислам дека му викаа ‘многу збориш, многу лаеш'”, рече Трајковски.
Според сведокот, нетипично било тоа што апсењето траело повеќе од еден час. На прашањето на обвинителот зошто се чекало тоа, Анчевски кажал дека треба да дојдат новинари и крим-техника.
Во случајот ,,Тортура” обвинет е ексдиректорот на УБК Сашо Мијалков заедно со уште петмина припадници на единицата „Алфи“ за насилно постапување при апсењето на лидерот на ОМ, Љубе Бошкоски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Министерот Тошковски претседаваше со конститутивната седница на Управувачкиот комитет за координација и управување со системот за управување со кризи
![](https://makfax.com.mk/wp-content/uploads/2024/07/449630277_122162759648197509_1806381321720411464_n.jpg)
Министерот за внатрешни работи Панче Тошковски денес како претседавач на Управувачкиот комитет за координација и управување со системот за управување со кризи, присуствуваше на конститутивната седница на комитетот која се одржа во просториите на Центарот за управување со кризи.
На седницата присуствуваа и министерот за надворешни работи и надворешна трговија Тимчо Муцунски, министерот за одбрана Владо Мисајловски, министерот за здравство Арбен Таравари и министерот за земјоделство, шумарство и водостопанство Цветан Трипуновски.
На средбата, директорот на ЦУК Стојанче Ангелов информираше за мигрантската кризна состојба на јужната и северната граница, кризната состојба во КПУ „Идризово“, како и за бројот на пожари на отворен простор и ресурсите за нивно гаснење.
„Продолжуваме посветено да работиме на надминување на овие предизвици, обезбедување брза и ефикасна реакција во кризните ситуации, се со цел поголема безбедност за нашите граѓани“, потенцираше министерот Тошковски.
Македонија
Средба Муцунски –Лудва: изразен интерес за искористување на потенцијалот за натамошно развивање на економската соработка меѓу двете земји
![](https://makfax.com.mk/wp-content/uploads/2024/07/mucunski-ludva-2.jpeg)
Министерот за надворешни работи и надворешна трговија Тимчо Муцунски, денес оствари средба со амбасадорот на Чешката Република, Јарослав Лудва.
На средбата беше истакнато взаемно задоволство од одбележувањето на 30-години од воспоставувањето на дипломатските односи меѓу двете земји, кои се карактеризираат со развиена соработка во многу сфери и отворен и продлабочен дијалог по сите клучни прашања за двете земји.
Министерот Муцунски се заблагодари за силната чешка поддршка за процесот за интеграција на нашата земја во ЕУ, особено нагласена и преку Вишеградската и Групата на пријатели на проширувањето, како и преку т.н. Славков формат. Притоа, ја потенцира цврстата определба на новата влада за забрзување на евроинтеграцискиот процес и спроведување на клучните реформи.
Министерот изрази интерес за искористување на потенцијалот за натамошно развивање на економската соработка меѓу двете земји во повеќе области, меѓи кои и во енергетскиот сектор и земјоделството. Притоа, изразувајќи задоволство од порастот на трговската размена во изминатите години, Муцунски ја нагласи важноста од натамошен фокус на унапредувањето на бизнис релациите, што ќе биде меѓу приоритетите на Министерството во следниот период.
Македонија
Зголемена фреквенција на возила на „Табановце“ и „Богородица“, се чека околу 30 минути
![](https://makfax.com.mk/wp-content/uploads/2023/04/DJI_0486.00_05_25_44.Still006.jpg)
Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е зголемен. Нa ГП Табановце и Богородица има зголемена фреквенција на возила за излез од Мaкедонија, време на чекање околу 30 минути. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.