Македонија
Рашковски: Софтверот е набавен за анализи на сообраќајните прекршоци, не за казнување
Сведочењето на министерот за внатрешни работи Оливер Спасовски за обвинетиот ексгенерален секретар на Владата, Драги Рашковски, оди во негова корист и ги поткрепува тезите дека тој е невин. Тој е дециден дека софтверот е набавен за правење анализи како да се намали бројот на прекршоци во сообраќајот, но не и за Генералниот секретаријат да казнува преку него. Прашан дали се планирало софтверското решение понатаму да се имплементира за да преку него се изрекуваат санкции, Рашковски рече дека тоа е одлука на Владата и не била донесена.
„Владата не може, ниту треба да казнува. Казнувањето е во рамките на надлежностите на МВР. И тука нема никаква дилема. Набавката е анализата, која треба да покаже каде се слабите точки и кои се најчестите причини за предизвикување на сообраќајните несреќи. Кога ќе дојде нашиот ред за презентирање, ќе видите кои сè анализи ги прави софтверот и ќе видите кои сè анализи ќе придонесат, придонеле и ќе дадат импут за да се развива безбедноста во државата“, рече Рашковски.
Ексгенералниот секретар објаснуваше и зошто ако софтверот е за анализи го носи називот „софтвер за определување просечна брзина во сообраќајот и одредување казни“ ако со него Генералниот секретаријат не може да казнува.
„Насловот е определување просечна брзина, но софтверот има и 13 други функционалности. Дали е тоа носење појас, преминување на црвено светло, престигнување на полна линија. Во насловот не можете да ги ставите сите функционалности. Дел од насловот, ако веќе тоа предизвикува внимание, е казнувањето. Меѓутоа, софтверот мора да даде аутпут кој прекршок е. Прекршувањето го прави на тој начин што кажува овој човек и ова возило треба да се казни, а не дека тие казни се изречени или им стигнале на домашна адреса на затечените во казнувањето. Целиот процес на анализа е заштитен, па во извештаите никаде не стои конкретна регистарска табличка, туку статистички. На ‘Партизански одреди’ кога сме вршеле испитувања, имате 240 возила поминале, од нив 120 извршиле пречерокување на дозволената брзина. И кога ќе дојде време, ќе ја донесеме опремата и ќе тестираме да видите како функционира“, додаде Рашковски.
Прашан дали имал план овој софтвер поради кој е на обвинителна клупа да го користи за казнување во сообраќајот, Рашковски одговори: „Процедурата оди на тој начин што анализата кога ќе се изработи се доставува до Владата и ние велиме нашата анализа покажа тоа. И Владата одлучува дали ќе задолжи некое министерство или не во насока на понатамошно негово користење“.
Рашковски одговори и прашање дали морало да се набави софтверот за ваква анализа, на што посочи: „Или требаше тоа или за да правите анализа, вие треба да стоите тука и да бележите во тефтерче колку луѓе не носат појас. Ова не е нешто што ние го правиме бидејќи во светот не е познато. Во Србија земете и проверете колку потрошија за ваков систем што го ставија во функција пред три месеци. Ние бевме две години пред регионот за имплементирање на најсовремено решение“.
„Денеска и самите бевте сведоци дека ја разбивме и последната теза на Обвинителството дека софтверот е набавен за потребите на МВР. Софтверот, како што кажа и министерот, е набавен за потребите на Владата во рамките на остварување на нивните активности и законски предвидени обврски за правење анализи. Процесот, односно софтверот, е набавен со цел да се интензивира процесот на инклузија на сите можни фактори, кои имаат знаење, можност и вештини, со цел да се намали бројот на жртви во сообраќајот, бројот на повредени во сообраќајот и да се намали она што е најмалку битно, но е проблем за луѓето, а тоа е помала материјална штета при сообраќајни несреќи. Тезата на Обвинителството, која досега успешно ја пласира преку вас медиумите, а ние не сакавме да ја побиваме со цел да не го попречуваме нивното излагање, сега ја побивме и докажавме преку министерот дека софтверот е законски набавен, со почитување на сите законски процедури, потврдено и преку вештите лица на Обвинителството дека не е прекршен Закон за јавните набавки, ниту кој било закон за располагање средства од буџетот. Софтверот е набавен за потребите на Владата во рамките на остварување на своите обврски“, рече Рашковски.
На реакција од новинар дека Спасовски не кажал дека софтверот е набавен за потребите на Владата, туку дека рекол оти не знаел дека се набавува софтвер, Рашковски додаде: „Министерот рече дека Владата е таа што има право да врши вакви анализи. Министерот убаво кажа дека секоја институција во рамките на своите буџети располага и ги врши набавките во согласност со расположливите средства“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Гаши и Бегај од Скопје порачаа: Заеднички кон ЕУ и подлабока регионална соработка
Претседателот на Собранието, Африм Гаши, денеска оствари средба со претседателот на Албанија, Бајрам Бегај.
Гаши изрази големо задоволство од средбата и истакна дека очекува пријателството и соработката што постојат меѓу двете земји во иднина уште повеќе да се зајакнат и унапредат. На меѓународен план, двете држави имаат исти цели и интереси, а тоа се членството во Европската унија, меѓусебната поддршка како непосредни соседи и сојузници во НАТО и продлабочувањето на регионалната соработка.
Тој изрази очекување и надеж дека двете држави заеднички ќе го продолжат својот пат кон европската интеграција, бидејќи тоа е многу важно не само за Северна Македонија и Албанија, туку и за останатите земји од регионот на Западен Балкан. Во функција на промоција на парламентарната дипломатија и градење на билатералните парламентарни односи, претседателот Гаши истакна дека одржува редовни контакти со колегите од Парламентот на Албанија и дека посетите на највисоко парламентарно ниво се одржуваат речиси секоја година.
Претседателот Бегај истакна дека Република Северна Македонија и Албанија се две пријателски земји кои делат исти вредности, визии и предизвици и претставуваат пример за соработка во регионот. Тој посочи дека е унапредена соработката во многу сфери од заеднички интерес, што е во функција на подобрување на животниот стандард на граѓаните во двете држави. Останува определбата за уште поголема соработка, особено во економската сфера.
Двајцата соговорници ја потенцираа важноста и улогата на Македонците и Албанците кои живеат во двете земји и претставуваат мост за градење стабилни и пријателски односи. Патничкото, енергетското и железничкото поврзување меѓу двете земји во рамките на Коридорот VIII ќе придонесе за уште поголема размена на луѓе, стоки и услуги, за што постои огромен потенцијал.
Албанскиот претседател Бајрам Бегај се потпиша во Книгата на впечатоци и се обрати пред пратениците во Собранието.
Македонија
Движење ЗНАМ: Иницираме кратење на пратеничкиот состав од 120 на 90 во новото решение на Изборниот Законик
Потпретседателката на Движење ЗНАМ за Наша Македонија, Весна Бендевска, на првата конститутивна седница на работната група за реформи во изборното законодавство, ја потврди заложбата на Движењето во однос на неопходноста од суштински и системски измени на изборниот модел во Република Македонија.
„Заложбите на Движење ЗНАМ се за воведување на една изборна единица со изборен праг од 2 до 3 проценти, со што ќе се овозможи правична застапеност и на помалите политички субјекти и независните пратенички листи. Што всушност беше и барање во одлуката на Уставниот суд.“ – истакна Бендевска.
Дополнително, таа нагласи дека цврст став на Движењето е намалување на бројот на пратеници во законодавниот дом на 90, бројка што, како што посочи, ќе соодветствува на реалната големина на популацијата во државата.
„Го афирмирам односно реафирмирам ставот на Движење ЗНАМ за намалување на бројот на пратеници на 90 со што ќе се придонесе за рационализација на трошоците, материјални, финансиски и човечки и ќе значи значителна придобивка за Буџетот на државата. Воедно, ќе се добие пофункционално, поефикасно и поконсолидирано законодавно тело, кое ќе биде во служба на побрз, поквалитетен и посериозен законодавен процес.“ – потенцираше потпретседателката.
Во однос на гласањето на дијаспората, таа потсети дека воведувањето на ваквиот модел беше проследено со зголемување на бројот на пратеници на 123, што, како што нагласи, отвори низа прашања за финансиската оправданост и ефикасноста на изборниот процес во странство.
„Сведоци сме колку чини изборната постапка која подразбира испраќање избирачки одбори во дијаспората, при што бројот на гласачи во повеќе случаи не соодветствуваше со првичната намера и очекувањата.“ – изјави Бендевска.
ЗНАМ додава дека ќе продолжи да се залага за изборен модел што гарантира еднаква вредност на секој глас и институции што работат ефикасно, транспарентно и во интерес на граѓаните на Република Македонија.
Македонија
Поради јазични бариери одложено продолжението на конститутивната седница на работната група за реформи во изборното законодавство, кажа Филков
Поради технички причини денешната конститутивна седница на работната група за реформи во изборното законодавство беше одложена за следната недела. Министерот за правда Игор Филков изјави дека членовите на работната група не се впуштиле во материјална расправа затоа што прво треба да се утврди дневниот ред.
,,Иако денес требаше да биде одржана првата конститутивна седница на работната група за реформи во изборно законодавство на која требаше да се избере претседател, како и да се донесе предлог-деловник за утврдување на методологијата и динамиката на работење, сепак тоа не се случи поради одредени јазични бариери. Од дел од присутните претставници на политичките партии беше побарано материјалите да бидат преведени за полесно да можат да се разберат’’, рече Филков.
Филков се надева дека следната недела членовите ќе се усогласат за термин , ќе се избере претседател на работната група и ќе се отпочне со работа каде што сите ќе имаат можност да ги дадат своите предлози и сугестии за реформите во изборното законодавство.
Движење ЗНАМ: Иницираме кратење на пратеничкиот состав од 120 на 90 во новото решение на Изборниот Законик
Потпретседателката на Движење ЗНАМ за Наша Македонија, Весна Бендевска, на првата конститутивна седница на работната група за реформи во изборното...
Уапсен тетовец: осомничен за лажни дојави за поставени бомби во образовни институции
Утрово во 09:10 часот во с.Палатица, тетовско, полициски службеници од одделот за сузбивање на организиран и сериозен криминал при Министерството...
Сиљановска-Давкова – Бегај: Нема поголема инвестиција во стабилноста на Западниот Балкан од членството во ЕУ
Во рамки на официјалната посета на албанскиот претседател, денеска беше одржана заедничка прес-конференција на претседателката Гордана Сиљановска-Давкова и претседателот Бајрам...
(Видео) 73,2% ученици пушачи не биле спречени да купат цигари поради возраста, ИЈЗ спроведе истражување на 7,8 и 9-одделенци
Од 2002 година, откога се прават истражувања за пушење меѓу учениците, во 2024 година е забележан највисок процент на ученици...
Откриен обид за криумчарење на 4.800 пакувања никотински ќесички вредни 1,2 милиони денари
Царинската управа откри и спречи обид за криумчарење на 4.800 пакувања со никотински ќесички со вредност од 1,2 милиони денари....
Уапсена лихварка од Струмица: дала 2.700 евра, а барала да се вратат 15 илјади евра, фатена кога ја примала каматата
Вчера во 12:00 часот во Струмица, полициски службеници од СВР Струмица ја лишија од слобода 53-годишната Ј.Т. од Струмица. Според...
10.000 денари субвенција за млади возачи за првпат во Ѓорче Петров
Општина Ѓорче Петров воведува субвенција од 10.000 денари за дел од трошоците за полагање возачки испит – Б категорија, наменета...
(Фото) Епстин сакал да купи вила во земја без договор за екстрадиција со САД еден ден пред апсењето
Само еден ден пред апсењето во 2019 година, Џефри Епстин се обидел да купи вила вредна повеќе милиони долари во...
Од 1 март 2026 година – побезбедни онлајн плаќања, известува Народната банка
Народната банка ја информира јавноста дека од 1 март 2026 година стапува во сила законската обврска за банките за вршење...
(Видео) Крмов: Премиере, ќе ја раскинете ли нелегалната концесија за Блатешница по 13 продолжени рокови
Пратеникот Борислав Крмов од Левица на седница на пратенички прашања ја повика Владата да ја раскине концесијата за изградба на...
Тешка пневмонија комплицирана од хроничните болести на Дачиќ: „Шеќерот му беше 20“
Српскиот вицепремиер и министер за внатрешни работи Ивица Дачиќ (60) е во тешка состојба на Клиниката за пулмологија при Клиничкиот...
Пакистанскиот премиер: Нема да има компромис во одбраната на нашата сакана татковина
Пакистанскиот премиер Шехбаз Шариф изјави дека вооружените сили на земјата „се целосно способни да ја скршат секоја агресивна намера“. „Нема...
(Видео) Експлозии во Кабул, Пакистан: Во отворена војна сме со Авганистан
Пакистан го бомбардираше авганистанскиот главен град Кабул и две други провинции преку ноќ, неколку часа откако Авганистанците го започнаа својот...
Гислен Максвел: Клинтон и Епстин се запознаа преку мене
Една фотографија го прикажува Бил Клинтон како плива ноќе со Гислен Максвел, британска личност од високото општество подоцна осудена за...
Зеленски: Не сум најдобриот татко поради војната, мојот избор е должност
Украинскиот претседател Володимир Зеленски проговори за личните предизвици со кои се соочува по годините војна, признавајќи дека неговите должности го...
Сиљановска-Давкова: „Извозот на мозоци“ остава длабоки лузни, најдобрите си заминуваат поради недостиг на правдата при вработувањето и напредувањето
Претседателката на државата, Гордана Сиљановска -Давкова денеска присуствуваше на презентацијата на проектот „Партнерства за вештини за одржливи и праведни модели...
Таравари поднесе тужба за клевета против Изет Меџити
Претседателот на поделената Алијанса за Албанците, Арбен Таравари, преку својот адвокат, Aбидин Абдули, вчера поднесе тужба за клевета во Основниот...
Мицкоски: Јас бев најнапаѓан човек од Артан Груби, на Прочка се креваа дронови над куќата на мојата сестра
На денешната седница за пратенички прашања претседателот на Владата, Христијан Мицкоски беше прашан за актуелната тема во јавноста со апсењето...
Цвеќе во помен на Борис Трајковски – 22 години од авионската несреќа
Делегација предводена од претседателката Гордана Сиљановска-Давкова, членови на политички партии, семејството денес оддадоа почит во помен на трагично загубените животи...
Мицкоски до Филипче: Со тоа што ги напаѓате пензионерите, само потврдувате дека сте мекото ткиво на политичката сцена
Мене ми е жал што не ја научивте лекцијата, и удирате повторно по група на луѓе кои што за време...
