Министерот за социјална политика, демографија и млади, Фатмир Лимани денеска присуствуваше на настан во организација на Националниот младински совет на Македонија , на кој се дискутираше за значењето на имплементацијата на ЕУ младинскиот дијалог во Македонија.

Обраќајќи се пред присутните млади, Лимани ја истакна важноста од вклучувањето на младите во сите сфери на општественото живеење.

„Колку сите ние сме посвесни за важноста на вклученоста на младите во сите сфери на општественото живеење, толку поуспешни ќе ни бидат процесите во државата. И наместо за проблеми, ќе зборуваме за успеси. За напредокот во образованието, здравството, инфраструктурата, детската и социјалната заштита, ќе зборуваме за вработувања, за успеси во културата и спортот итн. Затоа, а и за уште многу причини, потребни ни се младите. Потребни сте ни Вие“, порача Лимани.

Осврнувајќи се на денешната тема за важноста и потребата од имплементација на ЕУ младинскиот дијалог во Република Северна Македонија, тој го посочи Законот за младинско учество и младински политики кој е првото легислативно решение кое ги регулира формите на младинско организирање и учество во процесите на креирање политики. Но, иако законот не го спомнува изрично ЕУ дијалогот за млади, тој дава насоки за поттикнување на структурен дијалог на национално и локално ниво.

„Сметам дека имплементацијата на ЕУ младинскиот дијалог во нашата држава би претставувал враќање на довербата на младите во институциите, на подигање на свеста на значењето на вклученоста на младите на национално и локално ниво, враќање на надежта на младите дека тие се носителите на промените, дека се слушнати и дека им е дадена шанса активно да учествуваат во градењето на својата држава,“ рече Лимани.

Тој повика на заедничка акција во креирањето на цврсто партнерство помеѓу институциите, граѓанскиот сектор, Националниот младински совет на Македонија, како најголемо претставничко тело на младите и сите млади.

Секогаш кога власта ќе направи некаква глупост или нејзините погрешни политики ќе доживеат дебакл, како што деновиве се случи на меѓународен план со Резолуциите во ОН и со падот на економијата, гледаме како се поднесуваат кривични пријави и се лиферуваат имиња во јавноста за предвремена јавна осуда и политичко етикетирање, вели портпаролката на СДСМ, Богданка Кузеска.

Како што истакна, правење јавен линч само со поднесување кривични пријави кои допрва треба да видиме дали се основани фрлаат дамка на сите овие процеси за кои СДСМ отворено се сомнева.

Од друга страна, за огромен број скандали поврзани со високи владини функционери не се презема ништо, власта ги штити по секоја цена, смета опозициската партија.

„Последен е скандалот со злоупотребите на вицепремиерот Меџити, со партиските листи за масовните вработувања во јавната администрација, но и куп други скандали, за бегството на Груби, за бегството на Рамадани, за сертификатот на директорот на АНБ, за инцидентот на скопаскиот аеодром, на границата со Косово, за скандалот со генералниот секретар на Владата кој добил на поклон 350 илјади евра, за фирмите на Божиновска“, рече Кузеска.

Додаде дека сите овие аргументи покажуваат дека ова што го прави власта не е борба против криминалот и корупцијата како што се претставува туку алатка за етикетирање, предвремена јавна осуда и политички прогон.

Градоначалникот на Општина Центар Горан Герасимовски, денеска беше во посета на пензионерскиот клуб „Невена Георгиева Дуња“ кадешто се сретна со пензионерите и ги информираше за проектите што општината ги имплементира за нивен подобар квалитет на живот.

„Животот е убав во секоја доба! Денешниот ден го започнав во добро друштво на нашите центарски пензионери од пензионерскиот клуб „Невена Георгиева Дуња“. Заеднички се подруживме, игравме карти, домино, разговаравме, но и ги информирав за сите оние проекти кои ги има општината за потребите на нашите повозрасни жители. Во изминатите четири години реализиравме голем број на проекти за пензионерите. Со Црвениот Крст потпишавме договор за реализација на услугата „Итно Копче“, со што на жителите им се обезбедува помош во итни ситуации, во домашни услови. Центар е прва општина што обезбеди нега на пензионери во нивните домови со проектот Сервис за стари лица „Центар се грижи за возрасните“. Среќен сум што реакцијата за овие проекти се позитивни од пензионерите“, рече Герасимовски.

Герасимовски, истакна дека во следниот период ќе ги посети сите осум пензионерски клубови на територија на Општина Центар.

„Мојот мандат како градоначалник го почнав со отворање на три пензионерски клуба и во следниот период ќе ги посетам сите осум клуба во Центар. Секој ден носи нови можности и радости, пензионерите ни покажуваат дека секоја фаза од животот има своја посебна убавина. Ме радува нивниот позитивен став и енергија, која е вистинска инспирација за сите нас. Да учиме од повозрасните, тие се мудрата генерација“, посочи Герасимовски.