Македонија
Редовната терапија на хронично болните ќе се издава кај матичен

Министерот за здравство, Венко Филипче, на прес-конференција изјави дека поради настанатата ситуација со коронавирусот, како дел од мерките за заштита од ширење на вирусот, е и издавањето на редовните терапии на хроничо болните лица да се врши кај матичните лекари. Филипче додаде дека нови болни од други болести ќе мораат на специјалист, мерката важи само за хроничните.
Тој нагласи дека сите интервенции закажани за периодов ќе бидат одложени, освен итните.
„Клиниките ќе работат со намален капацитет, само за итни случаи, а редовните терапии за хронично болните ќе можат да се земаат на матичен доктор“, рече Филипче.
Од вкупно 9 заразени во земјава, 6 се во стабилна состојба, кај 3 е влошена состојбата. Тие се на возраст од над 60 години и имаат отежнато дишење. Утрово се пријавило еден лице за тестирање. Пациентот е дојден од Германија, и утрово имал покачена температура“, рече министерот Филипче.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Нема подолги задржувања за влез и излез од државата

Сообраќајот на државните патишта се одвива непречено, по суви коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Улици во Чаир без вода, намален притисок во Топанско Поле

Регионалниот центар за управување со кризи на Град Скопје, по добиеното известување од ЈП Водовод и канализација, информира дека, денеска поради поврзување на нова со стара постоечка водоводна мрежа на улица Кемал Сејфула бб, прекинато водоснабдување ќе имаат корисниците од улицата Џон Кенеди и дел од улицата Кемал Сејфула, а со намален притисок ќе остане населбата Топанско Поле во општина Чаир.
Водоснабдувањето ќе биде прекинато од 09:30 часот до завршување на работните активности.
Македонија
Делови од Ѓорче Петров и Чучер Сандево денеска без струја

Регионалниот центар за управување со кризи на Град Скопје, по добиеното известување од ЕВН, информира дека поради планирани зафати во електро дистрибутивната мрежа, денеска без напојување со електрична енергија ќе останат:
· од 09:00 до 13:00 часот, објектите на Полициската Станица и базата на БППЗ во Ѓорче Петров, општина Ѓорче Петров;
· од 09:00 до 15:00 часот, корисниците од дел од нас. Кисела Јабука, општина Ѓорче Петров;
· од 09:00 до 16:00 часот, корисниците од селата: Побожје, Бродец, Танушевци, Брест и Малино, општина Чучер Сандево;
· од 11:00 до 13:00 часот, корисниците од дел од ул. Кадињача, општина Ѓорче Петров.