Македонија
Реџепи: Наша цел е до полноќ да ја срушиме оваа власт

Опозиционерите не губат надеж дека до вечер ќе обезбедат мнозинство за да изгласаат недоверба на Владата. Пратеникот на Алтернативата, Скендер Реџепи, не е зачуден од постапката на пратеникот од Беса, Кастриот Реџепи, кој не се појави на денешната седница. Скендер Реџепи рече дека нема контакт со пратеникот од Беса веќе четири години и додаде: „Знаев дека тој што еднаш ќе те предаде, ќе те предаде секојпат“.
„Како понатаму, допрва ќе видиме. Еден час пауза. Ние дојдовме да гласаме за паѓање на Владата и нашиот став останува“, рече Скендер Реџепи и додаде: „Ние сме во опозиција и сѐ додека сме опозиција, битката ќе ја водиме како опозиција. Ако во иднина има понуда, ќе ја гледаат партиските органи. Наша цел е до 12 часот на полноќ да ја срушиме оваа власт. Имаме надеж до 12 часот на полноќ дека може да се направи што и да било“.
Седницата е паузирана веќе од нејзиниот почеток во 11 часот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Нема подолги задржувања за влез и излез од државата

Сообраќајот на државните патишта се одвива непречено, по претежно влажни коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Утрово ведро и посвежо, преку денот ќе биде сончево и потопло

Во поголем дел од земјава утрово ќе биде ведро и посвежо, во источните делови променливо облачно со услови за слаб локален дожд. Преку денот времето ќе биде сончево и потопло со мала до умерена облачност. Ќе дува умерен, долж Повардарието и во источните делови засилен ветер од северен правец (над 70 km/h).
Минималната температура ќе биде во интервал од 3 до 11, а максималната ќе достигне од 16 до 24 степени.
Во Скопје, сончево и потопло со мала до умерена облачност. Ќе дува умерен до засилен северен ветер. Минималната температура ќе се спушти до 7, а максималната ќе достигне до 24 степени.
Времето во наредните денови
Во следните денови времето ќе биде променливо облачно и нестабилно со локален пороен дожд, грмежи и засилен ветер, а дневните температури ќе бидат во постепен пораст.
Македонија
Дел од општина Ѓорче Петров денеска без струја

Од ЕВН Македонија АД известуваат дека денеска без електрична енергија ќе останат:
· во периодот од 11 до 13 часот, корисниците од викенд населба село Кучково, општина Ѓорче Петров.