Македонија
„Роди ме и фрли ме пратеник, ќе се снајдам“, адвокат повикува на гонење на пратениците со станови во Скопје кои земаат патни трошоци
Адвокатот Драган Пешевски смета дека пратениците кои користат станови во Скопје на сметка на Собранието, а истовремено од законодавниот дом наплаќаат патни трошоци – прават злоупотреба која се казнува со Кривичниот законик. Тој смета дека пратениците треба да ги вратат веќе земените пари. Нема да поднесе кривична пријава, но стои на тоа дека народните избраници се зрели за кривично гонење.
„Пратениците прават апсолутна злоупотреба на службата со трошење на средствата за патни трошкови. Видов дека луѓето на ‘Фејсбук’ реагираат дека одредени пратеници кои поседувале станови во Скопје, во исто време земаат и секојдневно патни трошоци за доаѓање од местата каде што живеат, а во меѓувреме направиле 10.000 евра за нив“, вели Пешевски кој го повикува Обвинителството да делува по допрен глас.
Според него постапувањето на пратениците кои земаат пари за патни трошоци и користат стан во Скопје на државна сметка прават кривично дело несовесно работење во службата.
„Во дел од законот има еден дел, а тоа е несовесно постапување во вршење на своите овластувања. Ова е очигледно еклатантен пример за ова кривично дело. Пратениците кои така постапуваат и треба така да одговараат, не можат туку така да трошат пари од народен буџет. Излегува, роди ме мајко пратеник и фрли ме некаде, ќе се снајдам“, додава адвокатот.
Како што веќе е објавено, 18 од 73-ца пратеници кои лани од Собранието наплатиле за патни трошоци имаат и станови во Скопје.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Подрачјето на Велес ќе биде зафатено од поројни врнежи, грмежи и засилен ветер
ЦУК информира, според известувањето на УХМР, дека подрачјето на Велес ќе биде зафатено од пообилни поројни врнежи со грмежи и засилен ветер.
Правец на движење на оваа нестабилна маса се предвидув дека е кон исток и североисток, додаваат од ЦУК.
Македонија
Министерството за животна средина отстапи движни ствари на повеќе општини, за потребите на училиштата вклучени во ГЛОБЕ програмата
Владата, на предлог на Министерството за животна средина и просторно планирање, донесе одлука со којашто движни ствари во сопственост на министертството, се даваат на трајно на повеќе општини во државата, за потребите на повеќе основни училишта и тоа во Гевгелија, Неготино, Валандово, Битола, Прилеп, Тетово, Куманово, Пробиштип, Ранковце, Велес, како и на училишта во скопските општини: Центар и Карпош.
Целта е спроведување на ГЛОБЕ програмата во Република Северна Македонија, а Министерството за животна средина и просторно планирање, како што е посочено, е носител на активностите на ГЛОБЕ програмата и со владина одлука е задолжено да обезбеди хемикалии и инструменти за вршење на мерењата и да ги пренесе на користење на вклучените училишта во програмата.
Станува збор за движни ствари што ќе им бидат од полза на училиштата во спроведувањето на проектот, а коишто, по пат на јавна набавка ги обезбедило ресорното министерство.
Македонија
Одлука за учество на Армијата во НАТО операцијата „КФОР“ во Косово
Владата, на предлог на Министерството за одбрана, донесе Одлука за определување на бројот на кандидати кои се запишуваат на Воената академија „Генерал Михаило Апостолски“- Скопје, во студиската учебна 2024/2025 година, чие образование се финансира од Буџетот на Република Северна Македонија.
Со одлуката е определено, во студиската учебна 2024/2025 година да се запишат 44-ца студенти/питомци како редовни студенти, од кои 25-мина студенти/питомци за потребите на Министерството за одбрана – Армијата на Република Северна Македонија; како и тројца студенти/питомци за потребите на Војската на Црна Гора; шестмина студенти/питомци за потребите на вооружените сили на Босна и Херцеговина; петмина студенти за потребите на управување со кризи и петмина студенти за потребите на заштита и спасување.
Согласно Законот за Воената академија, како што е образложено од ресорното министерство, на Академијата можат да студираат и припадници на вооружените сили на странски држави и странски државјани.
Владата, на предлог на Министерството за одбрана, донесе и Одлука за испраќање припадници на Армијата на Република Северна Македонија за учество во НАТО операцијата „КФОР“ во Република Косово.