Македонија
Свечена приредба за Денот на ослободување на Скопје

Денеска во Музеј на град Скопје се одржа свечена приредба по повод одбележувањето на 13 Ноември, денот на ослободување на Скопје. Настанот беше во рамките на проектот „Скопје – трезор на културно наследство”, финансиран од Град Скопје, како еден од завршните настани за оваа година за оваа година.
Проектот беше составен од едукативни работилници, од кои произлезе и денешната изложба насловена „Градот убав”, во соработка со ДСУЛУД „Лазар Личеноски” и професорката Марија Рашовиќ. На приредбата учествуваа ученици од скопските училишта, ОУ „Лазо Трповски” со презентација за „Ослободување на Скопје” и пригодна музичка точка, под менторство на наставничката по историја Елена Јовановиќ, и ученици од ОУ „Гоце Делчев”, кои се претставија со свои поетски и ликовни творби.
За нив специјално беше одржана културно-музичка програма во која радост внесоа музичките настапи на детската евровизиска претставничка Марија Спасевска, познатиот скопски гитарако пејачки бенд „Бона Деа”, со рецитација настапи говорникот Емил Чинго, со поезија, познатата актерка Елизабета Клинчаревска-Младеновска и новинарката Валентина Ѓоргиевска-Парго, а уметникот Живко Поповски Цветин во оваа пригода и врачи, цртеж „Цвеќе на мирот” на организаторката на настанот и музејски едукатор Маргарита Плевнеш Петкоска, од Музеј на град Скопје. Со почит, Инфе Македонија 078815096
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Постапка против осум лица за масовна тепачка во Скопје: фрактура на черепот со крварење на мозокот, скршена долна вилица

Јавен обвинител од Основното јавно обвинителство Скопје поведе постапка против осум лица заради учество во масовна тепачка на улицата „Славеј Планина”, од кои едно се товари за обид да изврши кривично дело – Убиство од член 123 став 1 во врска со член 19, едно за нанесување тешка телесна повреда што е казниво според член 131 став 1, додека шест се осомничени за кривично дело – Учество во тепачка од член 132 став 1 од Кривичниот законик.
До тепачката дошло поради нерасчистени семејни односи меѓу две групи. За обид за убиство е осомничено лице кое во тепачката користело дрвена даска со која тешко повредил едно лице од спротивставениот табор, нанесувајќи му фрактура на черепот со крварење на мозокот. Друг осомничен нанел тешка телесна повреда – скршена долна вилица, удирајќи со тупаници еден од останатите учесници во инцидентот. Сите останати се осомничени за учество во тепачката, која се случила на 16 август.
За осомничениот за обид за убиство, ценејќи ги сите околности под кои тој ги извршил дејствијата и фактот дека станува збор за млада личност која тукушто наполнила 18 години, но кај која сепак постои ризик од бегство, влијание врз сведоци или повторување на делото, јавниот обвинител предложи мерка куќен притвор. За останатите учесници во кривично-правниот настан предложени се мерки на претпазливост.
Македонија
Променливо облачно, посвежо и нестабилно со локален пороен дожд и грмежи

Времето денеска ќе биде променливо облачно, посвежо и нестабилно со локален пороен дожд и грмежи. Наместа процесите ќе бидат поинтензивни со пообилен пороен дожд за кратко време (над 15 l/m²) и услови за краткотрајно невреме со засилен ветер и изолирана појава на град.
Минималната температура ќе биде во интервал од 10 до 18, а максималната ќе достигне од 24 до 32 степена.
Во Скопје, променливо облачно и нестабилно со пороен дожд и грмежи. Во делови од котлината ќе има услови за краткотрајно невреме со засилен ветер и изолирана појава на град. Минималната температура ќе се спушти до 16, а максималната ќе достигне до 30 степени.
Времето во наредните денови
До петок ќе преовладува претежно стабилно време со постепен пораст на дневната температура.
Македонија
Дел од Карпош денеска без струја

Од ЕВН Македонија АД известуваат дека поради технички зафати во електродистрибутивната мрежа денеска, без електрична енергија ќе останат:
· од 10.00 до 14.30 часот, корисниците на улица Нерешка со број 10,12,14 и 16. (Општина Карпош)