Македонија
СДСМ: Арсовска ниту довршува наследени проекти, како изградбата на „Есенинова“, ниту реализира свои
Данела Арсовска потроши три месеци од мандатот без да реализира свои проекти, но и наследени проекти кои се во поодмината фаза. Еден од нив е улицата Есенинова, проект започнат од претходниот градоначалник, а сега заборавен од Арсовска и ВМРО-ДПМНЕ, обвинуваат од владејачкиот СДСМ.
„ Овој проект е исклучително важен за граѓаните на општините Кисела Вода, Аеродром и Центар затоа што со оваа сообраќајна траса се поврзуваат булеварите „Борис Трајковски„ и „Трета Македонска Бригада“. Изградбата на оваа улица ќе го намали сообраќајниот метеж во овој дел од градот, но и ќе го намали времето за патување меѓу овие две општини.
За жал, како сè што е од интерес на граѓаните и оваа улица не ја интересира градоначалничката Арсовска. Оваа изградба требаше одамна да биде завршена, како и другите реконструкции на важни улици започнати од претходниот градоначалник. Но, Арсовска наместо да довршува наследени проекти и да реализира свои, се посветува само на нивелирање шахти и партизација на администрацијата.
Арсовска и сите други градоначалници од ВМРО-ДПМНЕ знаат да работат само на штета на граѓаните и за лични и партиски интереси“, се наведува во соопштението на СДСМ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ВМРО-ДПМНЕ: Стани Цаци, Јово грант, доктор тендер корона Филипче-нема кандидат за претседател на СДС кој не е поврзан со криминал
„Иднината на партијата која и ја даде Македонија на тацна на ДУИ се состои во доктор тендер корона Филипче, стани Цаци и Јово грант.
Нема кандидат за претседател на СДС кој не е поврзан со криминал или неспособност“, велат од ВМРО-ДПМНЕ.
Додаваат дека Венко Филипче ќе остане запаметен како човекот кој како министер во ек на корона бркаше провизии од вакцини, по матните тендери за реагенси, набавките во четири очи и колабрираното здравство.
„Славјанка Петровска ќе остане запаметена по луксузната хациенда која ја криеше, и Ковачевски кој ја стануваше на сред митинг да ја видат сите која е.
Јово Деспотовски е директорот на ФИТР кој штанцаше грантови за се и сешто, истиот фонд од кој се делеа пари за обуки на магариња.
И Филипче и Петровска и Деспотовски се поврзуваат со криминалите и неспособноста на Заев и Ковачевски. СДС целосно да се реформира“, истакнуваат од ВМРО-ДПМНЕ.
Македонија
Американскиот амбасадор во Бугарија за македонско-бугарското прашање: „Не поддржуваме дијалог кој промовира дискриминација, омраза или непријателство“
„Ние не поддржуваме дијалог кој промовира дискриминација, омраза или непријателство, покажана од која било земја кон соседните земји или заедници во земјата“, ова во интервју за бугарски медиум го изјави американскиот амбасадор во Бугарија, Кенет Мертен, запрашан за македонско-бугарското прашање.
„Ние не поддржуваме дијалог кој промовира дискриминација, омраза или непријателство, покажана од која било земја кон соседните земји или заедници во земјата. Ние ја осудуваме секоја дискриминација. Не мислиме дека тоа е добро за меѓусоседските односи или за односите меѓу различните заедници во одредена земја, важно е да не се заборави дека пред околу две години беше потпишан договор меѓу Република Северна Македонија и Европската Унија, мислам дека овие земји (т.е. – земјите од регионот) вклучително и Северна Македонија, мора да работи на остварување на критериумите за членство во Европската Унија“, коментира Мертен.
Македонија
Сончево и топло со мала до умерена локална облачност
Времето денеска, ќе биде сончево и топло со мала до умерена локална облачност.
Ќе дува слаб до умерен ветер претежно од југозападен правец. Попладне ќе има услови за појава на краткотраен пороен дожд. Минималната температура ќе биде во интервал од 11 до 18, а максималната ќе достигне од 28 до 36 степени. УВ=8
Во Скопје променливо облачно со слаб до умерен ветер од југозападен правец. Минималната температура ќе се спушти до 16, а максималната ќе достигне до 33 степени.
Во наредните денови следува период на постабилно време и ќе биде сончево и топло со мала до умерена облачност.
Претежно во планинските региони и од крајот на работната недела ќе има услови за изолирана појава на пороен дожд проследен со грмежи.