Македонија
СДСМ: ДПМНЕ се заплетка, предлага министри, а не ги гласа, седат во техничка влада со Џафери, а глумат дека не се

ДПМНЕ самата се заплетка.
Прво ја проблематизираше техничката Влада, па велеше дека нема да учествува, потоа реши дека ќе учествува, истакнуваат од СДСМ.
„Предложи министри до техничкиот премиер Талат Џафери, а потоа пратениците на ДПМНЕ не ги гласаа сопствените предлози при изборот на техничката Влада во македонското Собрние.
Го напаѓаат Џафери, а во 2013 година беше министер за одбрана во Владата на ДПМНЕ со истите оние кои денеска велат дека бил „дезертер“.
Предлагаат министри а не ги гласаат, седат во техничката Влада предводена од Џафери а се прават дека не се дел од неа“, децидни се од оваа партија.
Според СДСМ, Мицкоски не знае кај тера. Оценуваат дека тој ниту има став, ниту има капацитет да донесе некаква одлука, ниту пак знае што прави.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Траат увидните дејствија за несреќата во дискотеката во Кочани, соопшти обвинителството

Увидните дејствија на терен за несреќата во дискотеката „Пулс“ сѐ уште траат, информираат од Јавното Обвинителство.
Според последните инфорации од таму, државниот јавен обвинител Љупчо Коцевски денеска повторно е во Кочани каде што ги координира активностите на тимот обвинители назначен да ги спроведува истражните дејствија.
Оттаму е најавена и изјава на Коцевски во 16:00 часот пред Основното јавно обвинителство Кочани.
Македонија
Утре ден на жалост и во БиХ поради трагедијата во Македонија

Владата на Босна и Херцеговина на денешната итна седница донесе одлука со која 18 март 2025 година го прогласи за Ден на жалост во Федерацијата Босна и Херцеговина поради трагедијата во Северна Македонија.
Оваа одлука е донесена за да се изрази сочувство до семејствата на жртвите од трагедијата што се случи на 15 март 2025 година во градот Кочани, Северна Македонија, кога најмалку 59 лица ги загубија животите во пожар.
Денот на жалост се одбележува со задолжително истакнување на знамето на Босна и Херцеговина на половина копје, или на јарболот, на зградите на законодавните, извршните и судските власти, јавните институции, институциите и другите правни лица на територијата на Федерацијата БиХ.
На Денот на жалост не може да се одржуваат културно-забавни програми на јавни места во Федерацијата БиХ, а медиумите на територијата на Федерацијата БиХ се обврзани да ја усогласат и прилагодат својата програмска содржина на Денот на жалоста.
Македонија
Книга на жалост во следните шест дена ќе биде отворена во Собранието

Собранието од 18 март во 10 часот ќе отвори Книга на жалост за загинатите во огромната несреќа во Кочани.
Книгата на жалост е отворена за сите граѓани во следните 6 дена, секој ден во периодот од 10 до 19 часот.
Граѓаните кои сакаат да се потпишат во Книгата на жалост може да влезат во Собранието преку страничниот влез – од страната на АРМ.
Во пожарот во клубот „Пулс“ во Кочани, животот го загубија 59 млади луѓе, а 162 се повредени, од кои десетици се испратени на лекување во странство со тешки изгореници. Досега се уапсени 11 лица. Претходно денес беше објавено дека починал и возачот на брзата помош од Кочани, Иле Гоцевски, кој ги превезувал повредените. По трагедијата и трауматичниот работен ден, дошол дома и заспал, и повеќе не се разбудил.