Македонија
СДСМ за 7 години ја задолжи државата со нови 3,3 милијарди евра, уште лани Ковачевски и Бесими ја надминаа бројката од 8 милијарди евра вкупен долг, велат од ВМРО-ДПМНЕ

Од ВМРО-ДПМНЕ велат дека СДСМ за 7 години ја задолжи државата за нови 3.3 милијарди евра.
„Иако се задолжија за неколку нови милијарди, нема нови инвестици, автопатот Кичево – Охрид е незавршен 7 години, Скопје – Блаце два километра два мандати ги прават. На неколку милијарди нов долг, се уште по 100 луѓе секоја година собираат пари за лекување, нема терапии за ретки болести, а често нема ниту средства за апликација на терапија по болниците“, дополнуваат од ВМРО-ДПМНЕ.
Како што истакнуваат оттаму, на неколку милијарди нов долг не успеале 7 години да го фатат теркот дека секој септември треба да има учебници за учениците, а не тие да ги чекаат дури во декември.
„Неколку милијарди нов долг, а народот е се посиромашен. 600 илјади живеат во сиромаштија речиси секој 3 граѓанин е сиромашен. Никогаш не било полошо. Важно е да ги поразиме“, завршуваат од ВМРО-ДПМНЕ
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Големи колони на границата со Грција пред празникот

Големи колони на возила можат да се забележат вечерва на граниниот премин „Богородица“ кон Грција.
Со оглед на тоа што утре е неработен ден, 1. Мај, голем број грѓани се упатија кон туристичките места.
Како што може да се забележи на видео камерите, на останатите гранични премини нема големи задржувања.
Македонија
Поддршка од министерот за правда за Пандов чијашто куќа беше запалена: „Случајот бара одлучна акција“

Министерот за правда Игор Филков најостро го осудува палењето на куќата на директорот на Управата за извршување на санкции, Александар Пандов и бара одлучна акција во која ќе се утврдат причините и најстрого казнат можните сторители.
„Најостро го осудувам палењето на куќата на директорот на Управата за извршување санкции, Александар Пандов. Му давам целосна поддршка во неговата истрајност и борба против криминалот и корупцијата. Овој случај како и неколкуте други случаи поврзани со лицата вработени во УИС и затворите, бараат одлучна акција во која ќе се утврдат причините и најстрого ќе се казнат можните сторители“, вели Филков.
Директорот на Управата за извршување на санкции, Александар Пандов, претходно, на социјалните мрежи објави дека му бил запален домот. Нема да не запрат и нема да не поколебаат, напиша тој.
Македонија
Кирков: Вработените во ЗОО последно земале февруарска плата

До Стефан Кирков, којшто е член на Советот на Град Скопје, пристигнала молба од вработените во скопската Зоолошка градина и барање за реакција и помош. Го известиле дека последна плата која ја земале е фебруарската плата и одтогаш немаат никакво примање.
„Веќе сме мај, а овие вработени се оставени без примања и навистина сум запрепастен до каде ќе се оди со непрофесионалноста во ова раководство на Градот и кадрите кој ги поставува?! Вработените од утре ќе бидат и без здравствено осигурување !!! Поминаа празници како 8ми Март, Рамазан Бајрам , Велигден на праг е и 1ви Мај а вработените се оставени и заборавени замислете да им се исплати плата !!! Цели фамилии страдаат од нечија непрофесионалност!“, напиша Кирков на социјалните мрежи.
Тој ги проѕва Град Скопје , Данела Арсовска и Зоран Попов сигнализирајќи и дека состојбата може да доведе до протести.