Македонија
СДСМ: Јанушев не одлучува кој ќе сноси одговорност, си има надлежни за тоа

Дали треба притвор и кој ќе сноси одговорност не е тема на која Јанушев одлучува, за тоа си има надлежни институции. Игор Јанушев од белиот дворец на ВМРО-ДПМНЕ е осомничено лице за злоупотреба на службена положба и овластувања во предмет од СЈО „Дизајн“ и токму тоа е показател за вистинските намери на оваа очајна партија која се плаши од правдата, соопшти СДСМ.
„ВМРО-ДПМНЕ и Христијан Мицкоски имаат единствена агенда на политичко делување: преку конструкции да ја урнат правната држава, да ги загрозат реформите и напредокот во интеграциите. Лицата кои се на снимките се директно поврзани со ВМРО-ДПМНЕ, лицата како Орце Камчев, Зоран Кичеец, но и други за кои се водат истраги, исто како и лицата кои ги објавуваат материјалите.
Нема да успеат обидите на Мицкоски и ВМРО-ДПМНЕ преку претставување на тајкуните и криминалците како жртви да ја оддалечат државата од влез во НАТО и започнување преговори со ЕУ. Очајните обиди на ВМРО-ДПМНЕ нема да успеат, отворените постапки против раководството на ВМРО-ДПМНЕ нема да пропаднат како што сонува Мицкоски.
Напротив, сите отворени предмети мора да се расчистат до крај. Сите предмети како: Титаник, Тврдина, Таргет, Транспортер, ТНТ, Титаник 2, Тортура, Тврдина 2, Насилство во Центар, Трезор, Топлик, Тендери, Тарифа, Тенк, Труст, Триста, Тотал, Траекторија, Талир, Империја, Странски служби, Актор, Лидери, Тарифа 2, Транспортер 2, Моќник, Дизајн, Поштенска банка, Пропаганда, Империја 2, Хармонија, Базни станици, Подарок и еден куп други мора да добијат правен епилог, а оние кај кои ќе се утвурди вина, да сносат одговорност.
Тоа важи и за актуелниот случај кој треба брзо да се разреши и секој, од прв до последен, кој е поврзан мора да одговара, вклучително и тајкуните на режимот“, велат од СДСМ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Врнежи од снег и паднати дрвја на патот Никфорово-Леуново-Бунец, сообраќајот во прекин

На регионалниот пат Никфорово-Леуново-Бунец од 23:20 часот, сообраќајот е во прекин поради врнежи од снег и паднати дрва на коловоз, извести АМСМ.
Се интервенира за негово расчистување.
Во текот на денот и вечерва вработените од Ј.У.Н.П. „Маврово# со сопствена механизација, се вклучија во активностите за расчистување на паднатите дрва кои го отежнуваат движењето на автомобили по регионалниот пат Маврово – Дебар и околу Мавровското езеро.
Македонија
Петрушевски: Венко Филипче ти имаш фирми во Бугарија, на адреса со Заев каде се свртеа 9 милиони од јагленот од РЕК

„Вечерва Венко Филипче, пред 30-тина луѓе во мала сала во Кисела Вода, потрошил голем дел од својот говор за да ме навредува. Редно е да одговорам“, напиша на социјалните мрежи Бране Петрушевски од ВМРО-ДПМНЕ.
„Венко, најмалку ти имаш право кој било да го обвинуваш за „лажење“ и „бугаризација“. Јас немам бугарски пасош, немам фирми во Бугарија и немам тајни зделки зад грбот на народот. Ајде еднаш биди искрен и признај дека токму ти си синоним за милионски шеми со фирми во Петрич, заедно со браќата!
Не мора на мене, туку на јавноста дај и одговори: Каде завршија 9 милиони евра од јагленот за РЕК Битола? Зошто на иста адреса во Петрич се појавуваат фирми на твоето семејство и на Вице Заев? Дали тие пари завршуваа во ваши фотоволтаични централи, додека народот го оставивте да плаќа скапа струја? Дали преку бугарски фирми финансирате бизниси по светот, додека Македонија ја потонавте во сиромаштија?
Ова се вистинските прашања, Венко.
Не лажи дека јас или Христијан Мицкоски имаме такви врски. Ние немаме ниту бугарски пасоши, ниту скриени фирми. Ние имаме чесна и чиста биографија.
ВМРО-ДПМНЕ и Мицкоски се јасно определени за Македонија во ЕУ, но како достоинствена држава, без понижувања и без тргување со националните интереси.
Доста е од лицемерието Венко! На народот му е јасно дека додека си трупавте милиони преку Бугарија, граѓаните останаа со празни џебови“, вели Петрушевски.
Македонија
Забрана за тешки товарни возила на неколку патни правци

Од 19:45 часот на магистралниот пат Маврово – Дебар воведена е забрана за тешки товарни возила поради задржување на снег на коловоз, извести АМСМ.
Од 19.55 часот воведена е забрана за тешки товарни возила и за патниот правец Гостивар – Стража, додаваат од АМСМ.