Македонија
СДС се дотерани до ѕид, па лажат и манипулираат, нема да поддржиме уставни измени под бугарски диктат, велат од ВМРО-ДПМНЕ

СДС се дотерани до ѕид, па лажат и манипулираат, ВМРО-ДПМНЕ нема да поддржи уставни измени под бугарски диктат и самите се свесни, велат од ВМРО-ДПМНЕ.
„По лидерската средба и самиот Ковачевски и СДС кажаа дека е неуспешна, притиснати до ѕид и незнаејќи што да прават, лажат со денови, за да купат некој ден повеќе. СДС немаат повеќе за што да се фатат, освен на нови лаги, од ден во ден.
Наместо да спинуваат со денови, треба само да излезат и да кажат кој од двата предлога на ВМРО-ДПМНЕ го прифаќаат. Едноставно е, ние нема да прифатиме уставни измени под бугарски диктат, единствен начин и Македонија да биде заштитена и интеграцијата да се одвива непречено е преку предлозите на ВМРО-ДПМНЕ“ додаваат од партијата.
Оттаму очекуваат Ковачевски да каже кој предлог го прифаќа.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Сообраќајот низ државата се одвивa непречено, по наместа влажни коловози

Сообраќајот на државните патишта се одвивa непречено, по наместа влажни коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Без струја Шуто Оризари и Зелениково

Од ЕВН Македонија АД известуваат дека денеска без електрична енергија ќе останат:
– во периодот од 08.30 до 12.00 часот, дел од корисниците од ул. Гарсија Лорка (општина Шуто Оризари)
– во периодот од 09.00 до 16.00 часот, корисниците од Градовци, Тисовица, Гумалево, Пакошево, Спектар Комерц, Добрино, Дејковец, Ново Село и Пакошево (општина Зелениково)
Македонија
Прекинато водоснабдување во делови од Карпош

Од ЈП Водовод и Канализација известуваат дека денеска (четврток) поради уличен дефект на ф 1000 мм на ул Копенхагенска, на раскрсница со Стокхолмска,бб, прекинато водоснабдување ќе имаат корисниците на улиците Копенхагенска, Стокхломска, Софиска, Његошева, Гаврил Лесновски и Петар Драганов од 09:00 часот до завршување со работните обврски. ( општина Карпош ).