Здравје
Седми пат ќе се разбива митот за канабисот – семинар со професори, научници и доктори

Со цел да продолжи едукацијата на полето на канабисот и да се споделат точни информации за неговите својства и употреба, граѓанското здружение „Зелена алтернатива“ го најавува седмиот по ред настан во своја организација, со наслов „Канабис 1.000 зошто – 1.001 затоа – разбивање на митот: рекреативен или медицински канабис“. Настанот ќе се одржи в сабота во 12 часот во просториите на мултимедијалниот простор „Јавна соба“.
Во првиот дел на семинарот се предвидени предавања на професори, доктори и научници, признаени во светот за нивната посветеност, достигнувања и работа во областа на канабисот. Во овој дел свои предавања ќе имаат д-р Пол Хорнби, доктор и научник од Канада, со повеќе од триесетгодишно искуство во третирањето пациенти со канабис и екстракти од канабис и познат како човекот што прв стандардизирал канабис-екстракт со кој се лекуваат специфични болести.
Свое предавање ќе има научникот заслужен за откривањето на ендоканабиноидниот систем, д-р Лумир Ондреј Хануш, кој по потекло е од Чешка, но својата работа ја врши во Израел и е носител на најважните откритија од полето на канабисот и ендоканабиноидниот систем. Предавање ќе одржи и д-р Роберт Меламед, доктор по молекуларна биологија, чии истражувања се во полето на канабиноидите, канцерот и обновувањето ДНК, кој, освен искуство во своите истражувања, има и долгогодишно искуство во третирањето пациенти со канабис.
На овие предавачи ќе им се придружи и д-р Јонас Вандерсван, доктор од Канада, кој подолго време препишува канабис и екстракти од канабис за огромен број болести каде што тие имаат примена, и член на повеќе друштва и асоцијации за употребата на канабисот како медицинско средство.
Во вториот дел од овој настан е предвидена јавна дебата која требало да се одржи во јуни минатата година, но поради отсуството на македонските лекари, дебатата не била целосна.
„Поканивме стотина доктори и се надеваме дека некои од нив ќе присуствуваат на дебатата со пациентите и странските доктори и научници. Овој пат, по помината дополнителна година, со повеќе легални препарати од канабис на пазарот и сè повеќе корисници, се надеваме дека ќе има и поголем број македонски медицински лица што ќе сакаат да ги споделат своите дилеми, позитивни и/или негативни искуства во препишувањето канабис. Целта на дебатата е да се приближат ставовите помеѓу пациентите и докторите, да се чујат нивните барања, нивните дилеми, стравови и прашања во врска со користењето и третирањето пациенти со канабис и затоа решивме да оставиме поголем простор за дебата и размена на мислења. Овој пат се надеваме на поголема присутност и во оваа пригода уште еднаш јавно да ги поканиме сите заинтересирани медицински лица да го посетат овој настан и да учествуваат во дебатата со свој придонес, да постават прашање или да споделат мислење и искуство“, велат од „Зелена алтернатива“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Забава
Само додадете 3 капки од ова во вашиот шампон и ќе направи чуда за вашата коса

Ако и дадете соодветна нега на вашата коса, ќе добиете долга и здрава коса! На прво место, ќе ви помогне чудотворниот шампон за побрз раст и зајакнување на косата.
Погледнете го рецептот, направете го овој шампон, користете го секогаш кога ќе ја миете косата и наскоро ќе ги забележите посакуваните резултати.
Состојки: 10-15 чешниња лук, лажица маслиново масло и едно шише шампон.
Подготовка: Излупете го лукот и секое чешне добро измијте го, изблендирајте го во блендер за да се добие паста, додадете малку вода во пастата и продолжете да го мелете лукот додека пастата не стане целосно кремаста.
Додадете маслиново масло.
Измешајте ги состојките додека не се соединат добро.
Измешајте ја пастата од лук со шампонот.
Чувајте го овој шампон во добро затворено шише.
Употреба: Мијте ја косата со овој шампон секој пат, 2 до 3 пати неделно.
Уште еден одличен совет
Додадете масло од гераниум во постоечкиот шампон или маска за коса.
Ова помага да се забрза циркулацијата на скалпот. Косата расте побрзо и е поотпорна на надворешни влијанија. Неколку капки од ова есенцијално масло во вашиот шампон или регенератор ќе направат огромна разлика.
Забава
Се јаде само три дена: витамински оброк за рамен стомак

Дали сакате вашиот стомак да биде помал, половината потенка и телото да нема масни наслаги? Тогаш овој рецепт е идеалното решение за вас.
Оваа витаминска бомба ќе направи чуда за вашиот стомак, и внатре и надвор. Трикот е во тоа што ќе ги исчисти мастите, наслагите и сите остатоци од вашите црева, па надуеноста ќе исчезне и ќе изгледате многу послабо за само три дена.
Секако, важно е да не се прејадувате во текот на денот и да не јадете индустриски слатки најмалку три дена и да пиете најмалку два литра вода дневно.
Потребно е:
– зелка, две цвекла, два моркови, сок од лимон, пет лажици маслиново масло
Подготовка:
Изрендајте ја зелката, цвеклото и морковот. Додадете неколку зачини по избор, магдонос или целер, па измешајте го зеленчукот, исцедете ја течноста и прелијте ја салатата со сок од еден лимон.
На крајот додадете маслиново масло и вашиот витамински оброк е готов.
Многу е важно никогаш да не додавате сол во салатата. Јадете секоја вечер најмалку три часа пред спиење, најмалку три дена и ќе забележите одлични резултати.
Оваа салата ќе го ревитализира вашето тело поради состојките богати со витамини, минерали, влакна и пектин, кои ќе ве заситат, ќе ви дадат енергија, ќе го подобрат варењето и ќе ги регулираат цревните проблеми.
Доколку ви се допаѓа, можете да продолжите да ја јадете оваа салата во следните денови, но по седум дена направете пауза.
Забава
Овие продукти ќе ви помогнат да ослабите, една од нив ќе ве изненади

Ако јадете помалку и вежбате повеќе – ќе се приближите до вашата идеална тежина.
Обично, кога станува збор за поставување цели во физичката активност, многумина се стремат кон губење на тежината. Сепак, иако можеби звучи едноставно, многу луѓе знаат дека слабеењето е процес кој бара многу.
Луѓето се свесни дека двата најважни фактори за слабеење се правилната исхрана и редовната физичка активност. Општо земено, ако јадете помалку и вежбате повеќе, ќе се приближите до вашата идеална тежина.
Иако ова може да ве натера да мислите дека генерално треба да го намалите внесот на храна, еден експерт советува дека одредени намирници всушност можат да помогнат при губење на тежината бидејќи обезбедуваат подолго чувство на ситост.
Нутриционистот и личен тренер Лук Хана откри девет намирници кои можат да помогнат да се ослободите од маснотии, вклучително и онаа што може да ве изненади.
Важно е да се нагласи дека самите овие намирници нема директно да доведат до слабеење, туку ќе ви помогнат да се чувствувате посити подолго време, што значи дека нема да чувствувате потреба да јадете повеќе во текот на денот.
Затоа, треба да вклучите во вашата исхрана: бела риба, овесна каша, пилешко, грчки јогурт, пуканки, овошје, тестенини од цели зрна, како и зеленчук богат со влакна, како брокула, моркови и карфиол.
Сепак, Хана препорачува и јадење компири, иако некои нутриционисти и тренери ги избегнуваат. Како и да е, клучно е како го подготвувате – пржењето на масло не е исто што и вриење или печење.
Неговиот совет е поддржан од студија објавена во European Journal of Clinical Nutrition, која анализирала различни намирници за да го одреди индексот на ситост или колку долго одредена храна ве држи сити после јадење.
Белиот леб се користел како основа за споредба, а повеќето намирници имале еднаков или повисок индекс на ситост. Се покажа дека компирите имаат највисок индекс на ситост – седум пати повисок од кроасаните, кои имале најнизок резултат во оваа студија.