Македонија
Села: Игрите на среќа ќе бидат дозволени само во хотелите со пет ѕвезди

Претседателот на Алијансата за Албанците Зиадин Села истакна дека доколку Алијансата за Албанците и Алтернатива победат на парламентарните избори, игрите на среќа ќе бидат дозволени само во хотели со 5 ѕвезди, затоа што, како што рекол, хотелите со 5 ѕвезди гарантираат дека нема да бидат близу до населбите, не секој може да пристапи до нив, а со тоа задоволително ќе се запре овој девијантен феномен. Села ова го изјавил на собирот на коалицијата Алијансата за Албанците и Алтернатива, со жителите на селото Пирок.
Позицијата на Алијансата за Албанците во врска со законот за игри на среќа, неколку пати јавно е искажано и истото е веќе вклучено во коалициската програма Алијанса за Албанците и Алтернатива „Држава за сите“.
Понатаму, Зијадин Села истакна дека оваа коалиција која, доколку е дел од владата, ќе го промени законот за игри на среќа, слично како и моделот на Албанија и Косово, затоа што оваа девијантна појава во нашето општество, принудува илјадници млади албанци да заминат од државата, барајќи го решението во европските земји како Германија и други земји. Тековната состојба со казината е план што го надополнува мозаикот дека еден ден ни се раскажува за приказни за заедничко општество за сите, но државата да се резервира само за нив. Немаме време да изгубиме “.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Непречен сообраќај по влажни коловози низ државата

Сообраќајот на државните патишта се одвивa непречено, по влажни коловози, извести АМСМ.
Интензитетот на сообраќај на патните правци надвор од градските средини е умерен. На граничните премини од македонска страна нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Македонија
Без струја дел од Гази Баба

Од ЕВН Македонија АД известуваат дека денеска без електрична енергија ќе останат:
– во периодот од 09.00 до 12.00 часот, корисниците од улица Трубарево – крак 2, општина Гази Баба.
Македонија
Променливо облачно со повремени врнежи од дожд

Времето денеска променливо облачно со повремени врнежи од дожд, пообилни во источните делови (над 15 l/m2). Ќе дува слаб до умерен ветер од северен правец.
Минималната температура ќе биде во интервал од 4 до 10, а максималната ќе достигне од 12 до 17 степени.
Во Скопје, променливо облачно со повремени врнежи од дожд. Ќе дува слаб до умерен ветер од северен правец. Минималната температура ќе се спушти до 9, а максималната ќе достигне до 16 степени.
Во сабота времето ќе биде променливо облачно со сончеви периоди и со услови за локална појава на нестабилност со пороен дожд, грмежи и засилен ветер.
Во недела ќе има брз продор на студена воздушна маса од север и врнежи од дожд, на планините и на повисоките места од снег.
Ќе дува засилен северен ветер, температурите значително ќе опаднат и врнежи од снег се очекуваат и во некои од пониските места.
Во понеделник наместа ќе провејува слаб снег, а утринските температури на повеќе места ќе бидат негативни.