Македонија
Се бара екстрадиција за Грујевски и за „Странски служби“
За истрагата „Странски служби“, Специјалното јавно обвинителство на 26 декември лани преку Министерството за правда до надлежен орган во Грција доставило барање за екстрадиција во Македонија на бегалецот Горан Грујевски, со цел негово кривично гонење и во оваа кривична постапка. Тој е осомничен за сторено кривично дело „злоупотреба на службената положба и овластување“. Ова го пишува во најновиот извештај за работата на СЈО. Истрагата беше отворена кон крајот на минатата година.
Според исказот на обвинителката Фатиме Фетаи за истрагата „Странски служби“, во 2014 година по барање на Грујевски, странска компанија изготвила извештај во кој било наведено дека на подрачјето на Скопје, со опрема детектирала нелегални активности поврзани со двојни базни станици. Вака изготвениот извештај требало да ја потврди тезата на тогашниот државен врв дека масовното прислушување го вршеле странски служби. Интерес за овој извештај, според СЈО, имала и странската компанија. Според Фетаи, оваа компанија со најбрза постапка за јавна набавка, односно со фаворизирање го добила тендерот за набавка на опрема. СЈО побара притвор за Грујевски во случајот со прислушувањето, „Таргет-Тврдина“.
Грујевски се жалел и на казната затвор во „Тврдина 2“
Бегалецот Горан Грујевски, кого кривичниот суд го осуди во отсуство за предметот „Тврдина 2“, преку неговите адвокати поднел и жалба на пресудата до Апелацискиот суд во Скопје, пишува во Извештајот на Специјалното јавно обвинителство. Жалба на пресудата судот поднела и една службеничка во УБК, која исто така, судот ја прогласи дека е виновна и ѝ определи условна казна. СЈО, како што пишува во извештајот, изјавило одговор на жалбата. На 28 март Апелациониот суд треба да одлучува за жалбата на Грујевски и на обвинетата службеничка од УБК.
Поранешниот началник на УБК, кој е во екстрадициски притвор во Грција, судот лани во ноември го осуди на една година и шест месеци затвор за уништување службени документи од кои некои биле поврзани со опремата за прислушување. Шесте службенички вработени во УБК судот ги осуди на условни казна. Пет од нив се осудени на условна казна од 1 година, ако во рок од 3 години по правосилноста на пресудата не го повторат делото. Обвинетата М.К.С ја осуди на условна казна затвор од 9 месеци, ако во следните 2 години по правосилноста на пресудата не го повтори делото. Судот како олеснителни околности при донесувањето на пресудата за Грујевски зеде предвид тоа дека тој претходно не е осудуван и дека е семеен човек. Како отежителни околности за определување на казната ги зеде предвид степенот на кривичната одговорност, тоа дека иницирал кривично дело и неговото бегство.
В. Маглешов
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
РСБСП Апелира: Возете внимателно и одговорно во зимски услови!
Според прогнозите во наредните денови се најавени снежни врнежи и значителен пад на температурите, РСБСП потсетува на потребата од внимателно и одговорно управување со моторните возила, како и задолжително правилно користење на зимска опрема. Пред поаѓање на пат, неопходно е возилото соодветно да се подготви за управување во зимски услови.
„Направете проверка на возилото која вообичаено опфаќа: проверка антифриз, нивото на гориво, состојба на бришачите и течноста за ветробранското стакло, состојбата на акумулаторот и состојбата и притисокот на пневматиците“.
РСБСП апелира возачите да ги почитуваат сообраќајните правила и прописи и поставената сообраќајна сигнализација, навреме да се информираат за состојбата на патиштата и нивната проодност, да ја прилагодат брзината на движење според условите и состојбата на патот, да одржуваат безбедно растојание меѓу возилата – со цел зголемување на безбедноста на сите учесници во сообраќајот. Истражувањата покажуваат дека неповолните временски услови бараат од возачот поголемо внимание за време на управување со возилото.
Затоа, РСБСП упатува јасен апел: Само со одговорно однесување во сообраќајот сите заедно можеме да придонесеме за побезбеден сообраќај на патиштата – секој живот е важен.
Македонија
Променливо облачно со сончеви периоди, кон крајот на денот дожд и снег
Времето денеска ќе биде променливо облачно со сончеви периоди. Кон крајот на денот и во текот на ноќта во северозападните делови ќе има повремени врнежи од дожд, на планините од снег. Ќе дува слаб до умерен ветер од јужен правец. Минималната температура ќе биде во интервал од -9 до -2, а максималната ќе достигне од 3 до 9 степени.
Во Скопје, променливо облачно со сончеви периоди. Ќе дува слаб променлив ветер. Минималната температура ќе се спушти до -6, а максималната ќе достигне до 4 степени.
Времето во наредните денови
Во сабота ќе има локални врнежи, на планините и на повисоките места од снег, а во пониските од дожд и снег. Врнежите ќе бидат пообилни во западните делови, а висината на снежната покривка дополнително ќе се зголеми.
Во недела и понеделник ќе дува умерен до засилен северен ветер (над 60 km/h) и ќе има повремени локални врнежи од снег. Температурата ќе биде во опаѓање, а наместа дневната ќе остане под нула степени. Од вторник следува период на стабилно и суво време.
Македонија
Делови од Центар и Зелениково денеска без вода
Од ЈП Водовод и Канализација известуваат дека денеска поради дефект на затварач од ф – 100 мм на ул. 5 бр. 47 во село Моране, во периодот од 08.30 часот па се до отстранување на дефектот без вода ќе останат дел од корисниците од село Моране, општина Зелениково.
Од ЈП Водовод и Канализација исто така информираат дека поради уличен дефект на ул. Васил Ѓорѓов б.б – пред ОУ Киро Глигоров, во периодот од 09.00 часот па се до отстранување на дефектот без вода ќе останат корисниците од улиците Васил Ѓорѓов, Адам Мицкиевиќ, дел од корисниците од улиците Киро Глигоров и Козара, како и објектот на заводот за физикална медицина и рехабилитација, општина Центар.

