Македонија
Синодот на БПЦ ќе ја признае МПЦ, но како Православна црква на Северна Македонија
![](https://makfax.com.mk/wp-content/uploads/2022/05/483155-0.basic-liturgijampcspc.jpg)
Светиот синод на Бугарската православна црква под претседателство на бугарскиот патријарх Неофит на Божиќ ќе го признае томосот со кој Српската православна црква ѝ дава автокефалност на Македонската православна црква, но под друго име, објавија некои бугарски медиуми.
Бугарската црковна веб-страница doxologiainfonews.com објави дека Синодот на БПЦ во однос на името Охридска архиепископија смета дека оваа црква треба да се вика Православна црква во Република Северна Македонија.
Бугарскиот патријарх Неофит во своите диптиси ќе го вклучи името на архиепископот охридски Стефан, но како „архиепископ северномакедонски и скопски Стефан“ бидејќи БПЦ не ја признава титулата со која вселенскиот патријарх Вартоломеј ги прими во евхаристичка причест архиепископот Стефан и неговата црква.
„Синодот на Бугарската црква не се согласува со името што го дала Српската црква, поконкретно во нејзиниот втор дел – Македонска православна црква – Охридска архиепископија бидејќи ова име, според БПЦ, припаѓало на Бугарската црква, а наследник на Охридската архиепископија, според повелбата на БПЦ, е Бугарската патријаршија. Името што Бугарската црква ќе го користи за Охридската архиепископија е ‘Црква во/на Република Северна Македонија’ или нешто слично за да не се создаде тензија со црквите што зборуваат грчки. Секако, Бугарската патријаршија во своето коминике поконкретно ќе каже со какво име ќе ја нарекува оваа црква, како и составните делови на името.
Одлуката на Светиот синод на Бугарската патријаршија е целосно во духот на руската црковна пропаганда и еклисиолошката ерес во однос на томосот што го дава друга црква. Потсетуваме дека томос за автокефалност може да даде само вселенскиот патријарх. Сите томоси за автокефалност на новите помесни цркви се обезбедени од вселенскиот патријарх. Ако поглаварот на локалната црква дава таков томос, овој томос нема никаква канонска вредност за Православната црква“, објави црковната веб-страница.
Орце Костов
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
На Табановце за влез во Македонија се чека околу 15 минути
![](https://makfax.com.mk/wp-content/uploads/2022/07/18072022_Tabanovce_Otvoren-Balkan_novi-zeleni-koridori_3.jpeg)
Сообраќајот на државните патишта се одвива непречено, по суви коловози.
Интензитетот на сообраќај на патните правци надвор од градските средини е умерен.
На ГП Табановце се бележи зголемена фреквенција на возила, времето на чекање за влез во Македонија е околу 15 минути. На останатите гранични премини од македонска страна, нема подолги задржувања за влез и излез од државата.
АМСМ препорачува прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.
Скопје
Дел од Скопје без струја и вода
![](https://makfax.com.mk/wp-content/uploads/2023/07/DSC_4799.jpg)
Регионалниот центар за управување со кризи на Град Скопје, ги известува граѓаните дека, поради технички зафати во електро дистрибутивната мрежа, од 09:00 до 14:30 часот, без електрична енергија ќе останат, корисниците од населените места: Дивље, Сушица и Катлановска Сушица. (Општина Петровец)
Регионалниот центар за управување со кризи на Град Скопје исто така ги известува граѓаните дека
• поради отстранување дефект на водоводна мрежа со пречник од ф- 500 мм на Бул. Кочо Рацин (спроти Олимписки Базен), од 08:00 часот до завршување на интервенцијата, прекинато водоснабдување ќе имаат корисниците од: Бул. Кочо Рацин (потегот од ул.11-ти Октомври до Кеј 13-ти Ноември), ул. Тетовска, ул. Стив Наумов, дел од ул. Раде Јовчевски Корчагин, како и објектите на Амбулантата на МВР, Полициската станица – Пролет и ресторанот Ла Тана. (Општина Центар)
• поради изведување на водоводен приклучок ф – 80 мм на ул. 852 бб (кај Салонот Мерцедес), од 09:00 часот до завршување на интервенцијата, прекинато водоснабдување ќе имаат корисниците од зградите на ул. 852. (Општина Гази Баба)
Македонија
Претпладне сончево и топло време, попладне нестабилно со пороен дожд и грмежи
![](https://makfax.com.mk/wp-content/uploads/2023/02/soncevo111.jpg)
Претпладне сончево и топло со мала до умерена облачност. Попладне нестабилно со пороен дожд и грмежи, на повеќе места ќе има појава на невреме со обилен пороен дожд за кратко време, грмежи, силен ветер (над 60 км/час) и град. Минималната температура ќе биде во интервал од 13 до 20, а максималната ќе достигне од 29 до 35 степени. UV=7
Во Скопје претпладне сончево и топло со умерена облачност. Попладне ќе има пороен дожд и грмежи, во делови од котлината во форма на невреме со пообилен пороен дожд за кратко време, грмежи, силен ветер и појава на град. Минималната температура ќе се спушти до 17, а максималната ќе достигне до 33 степени.
До петок ќе се задржи променливо облачно и нестабилно време со пороен дожд и грмежи. На повеќе места ќе има појава на невреме со обилен пороен дожд за кратко време, грмежи, силен ветер (над 60 км/час) и град. Дневната температура постепено ќе опаѓа. За време на викендот се очекува стабилно и потопло време.