Од ЕВН Македонија АД известуваат дека денеска без електрична енергија ќе останат:

– во периодот од 08.00 до 12.00 часот, дел од корисниците од ул. Димо Хаџи Димов лоцирани кај агенцијата ОСА. (општина Кисела Вода)

– во периодот од 09.30 до 14.30 часот, дел од корисниците од ул. Веле Марков, како и корисниците од ул. Кичевска. (општина Ѓорче Петров)

– во периодот од 12.00 до 14.00 часот, корисниците од улицата после гробиштата во Марино кон населба Јака. (општина Илинден)

Од ЈП Водовод и Канализација известуваат дека поради изведување водоводен приклучок од ф – 100 мм на ул. Максим Горки бр. 13 во населба Центар, во периодот од 10.00 часот па се до завршување на работата без вода ќе останат дел од корисниците од ул. Максим Горки. ( општина Центар )

Ја разбирам хистеријата која СДС и нивните ботови ја шират околу мојот политички дуел во сообранието со Славјанка Петровска. Замислете да не беа овие квалификации, редица навреди и лажни обвинувања што ги упатуваат кон мене која сум исто жена, што друго ќе се паметеше од денешната седница, реагира министерката за финансии Гордана Димитриеска-Кочоска по нападите од СДСМ кон неа.

-Има луѓе на оваа политичка сцена кои ќе се паметат по безмилосните удари и самопроведувања од пајак возила, како и луѓе кои освен тоа што биле маши и папет кукли на вождот од Струмица се познати по запалени модуларни болници, во ист ден кога нивниот уличен пајташ Сокол се најде зад решетките од кои како директор заработувал пари…. но има и луѓе чии настапи ќе се паметат по глумење жртви, секогаш кога нема да можат да се носат со аргументите. Ноторен факт е дека Петровска изгради кариера од глумење жртва. Редицата причини за сожалување е долга. Секој нејзин настап е запаметен по тоа што по секој дуел се претставуваше како жртва за нешто. Но од друга страна денешната изведба на претставата жртва беше од истата говорница од која безочно напаѓаше и говореше за таткото на еден министер колега, или пак за синот на премиерот, иако и двајцата не се поврзани во никаков политички контекст. Таа госпоѓа немаше ниту мака иронично да се однесува, навредува, дофрла од место, а во моментот кога ќе се одговори нешто, тогаш таа прераснува во жртва, рече министерката.

Димитриеска-Кочоска рече дека што се однесува до нејзините зборови кон Славјанка Петровска која лично како жена ја бранела кога многу други ја напаѓале, беа извадени од контекст и се толкувани како лична навреда.

-Никогаш немав и ќе немам намера да ја навредам лично, ниту, пак, да ја сведам дебатата на личен контекст. Јас сум личност од која никогаш нема да слушнете лични навреди, и жалам што дел од јавноста е манипулирана во тој контекст, и жалам што погрешно беа разбрани моите зборови. Она што сакав да потенцирам беше дека почитта треба да се заслужи со дела и одговорност. Госпоѓата Петровска, освен што стана позната по низа политички гафови и неумесни постапки, беше и доследен поддржувач на политиките на СДСМ и ДУИ – политики кои ја доведоа државата до оваа состојба. Да потсетам, во времето кога госпоѓата Петровска беше министер, инфлацијата растеше, а не видовме ниту еден конкретен предлог од нејзина страна за подобрување на економската ситуација. Тогаш, кога беше на функција, тоа не ѝ пречеше, но денес зборуваме за состојба што е директна последица на тие политики. Државата беше доведена до работ на банкрот, стотици илјади граѓани се иселија во потрага по подобар живот, а над 600 илјади луѓе живееја во сиромаштија. Сето ова не сакаат да се слушне гласно, затоа Славјанка глуми жртва, истакна министерката.