Македонија
Случајот на Онкологија и случаите на Гинекологија покажуваат дека во здравството никогаш не било полошо, затоа важно е да ги поразиме, велат од ВМРО-ДПМНЕ

Власта предводена од СДС и ДУИ го урниса здравствениот систем, велат од ВМРО-ДПМНЕ.
„Власта на СДС и ДУИ го уништи здравството редејќи скандали. Наместо да инвестира во медицински кадар, во апарати и во инфртаструктура во здравството, ги полнеше своите џебови, а заборави на граѓаните. Власта на СДС и ДУИ ја сведе довербата на граѓаните во овој ресор на минимум. Тоа го стори особено со скандалот на Онкологија“, велат од таму.
Како што велат, скандалот на Онкологија, за кој сите знаеја веќе две години, власта предводена од СДС и ДУИ го обелодени кон крајот на септември минатата година.
„На Клиниката за онкологија се работело без протоколи, без стручни колегиуми, оттука некои од пациентите не добивале воопшто терапија. И зошто? Само лица од власта да профитираат од маката на граѓаните. Сето тоа пациентите ги чинеше скапо, ги чинеше живот. По овој и по скандалите кон крајот на минатата година на Клиниката за гинекологија се гледа само мешање на власта предводена од СДС и ДУИ и во ресорот што живот значи. Овие скандали покажуваат дека менаџментот во здравствените установи е исклучиво политички избор, а се заборава на стручноста. Се заборава на граѓаните што плаќаат скапо, плаќаат со живот“, додаваат од ВМРО-ДПМНЕ,
Според ВМРО-ДПМНЕ, во здравството никогаш не било полошо и затоа треба да се стави крај на лошите политики на СДС и ДУИ и потребен е рестарт на здравствениот систем веднаш.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Тошковски: Партнерството со САД носи силна поддршка за реформи во МВР

Министерот за внатрешни работи Панче Тшоковски денес оствари тет-а-тет средба со амбасадорката на САД, Анџела Агелер.
„Средбата ја потврди блиската соработка и заедничката посветеност за јакнење на институциите и модернизацијата на системот, како темел за поуспешно справување со криминалот и корупцијата“, соопштија од МВР.
„Партнерството со САД ни носи силна поддршка за нашите реформи во МВР насочени кон професионална и ефикасна полиција, која ќе овозможи зголемена безбедност, правда и доверба кај граѓаните.“, потенцираше министерот Тошковски.
Македонија
Општина Центар: Дератизацијата не е опасност за кучињата и мачките, да не се шират дезинформации

Општина Центар ги отфрла шпекулациите дека дератизацијата претставува опасност за животните.
„Ве информираме дека дератизацијата се спроведува редовно и исклучиво од стручни лица од Центарот за јавно здравје, со употреба на методи и средства кои се безбедни и не претставуваат закана за кучињата, мачките и другите домашни миленици. Апелираме до граѓаните да не подлегнуваат на непроверени и неточни информации кои во јавноста се пласираат од одредени неквалификувани и нелиценцирани лица или организации. Ваквите дезинформации неосновано предизвикуваат страв и паника кај граѓаните и непотребно ја вознемируваат јавноста“, велат од Општината.
Македонија
СДСМ: Мицкоски пак манипулира, со инфлација од 4,8%, реалниот раст на БДП е -1,4%

Со инфлација од 4,8% повисока од растот на БДП, реалната економија оди надолу од -1.4%, а граѓаните тонат во сиромаштија, велат од СДСМ.
„Македонија е далеку од 4-та економија во Европа како што сака Мицкоски да прикаже. Неговите фалби немаат врска со реалноста. Граѓаните не живеат од статистички бројки туку од сопствениот џеб. А таму реалноста е сурова: повисоки цени, пониски приходи и намален квалитет на живот. Македонскиот БДП по жител, според куповната моќ, е само 42% од просекот на ЕУ, повисок просек од нашите граѓани има дури и земјите во регионот, Србија со 51%, Црна Гора со 53%“, се наведува во соопштението.
Од СДСМ велат дека странските инвестиции се преполовени на 221 милиони евра, од 573 милиони евра минатата година.