Македонија
Сопственикот на фирмата преку која биле испумпувани пари од „Актор“ бил на пат, порача да отвориме македонски медиум
Георгиос Папастамос, сопственикот и управител на Друштвото за геодетски работи и услуги „Топометриа ДООЕЛ“ од Скопје, не одговори на прашањата кои му ги постави „Макфакс“ за истрагата на СЈО во случајот „Актор“. Папастамос, кој, како што објави „Макфакс“, со основачки влог од 5000 евра е основач и управител на ова друштво, нè упати да го отвориме порталот „Република“. Таму вчера беше објавен документ во кој Европската канцеларија против измами ОЛАФ наводно констатира дека нема злоупотреби во случајот.
„Се извинувам за задоцнетиот одговор, но престојувам на подолготрајно бизнис-патување и затоа ве упатувам одговорите на вашите прашања да ги најдете на следниот линк“, напиша тој во пораката на е-пошта. Истата порака која упатува на текстот на „Република“ ја добивме и од фирмата „Глобал констракшн компани ДООЕЛ“ од Скопје. Третата фирма, „Инвикта ДООЕЛ“ од Скопје, пак, ја игнорираше пораката.
„Макфакс“ вчера објави дека почетокот на градежните активности на делницата се случи на 8 септември 2012 година кога беше поставен камен-темелникот, во присуство на тогашниот премиер Никола Груевски и вицепремиерот Зоран Ставрески. Фирмата „Глобал констракшн компани“ ДООЕЛ, која е една од фирмите подизведувачи, според увидот што „Макфакс“ го направи во Централниот регистар, е основана на 23 декември 2012 година или неполни три месеца по почнувањето на активностите за изградба на автопатот. Сопственик на фирмата е Гркот Христос Ангеликас со адреса во Атина. Управител на фирмата е исто така Грк, Михаил Зикос, од Атина. Втората фирма подизведувач, што СЈО ја сомничи за перење пари, „Топометрија“ ДООЕЛ од Скопје, е регистрирана со адреса на улица Христо Смирненски. Основана е на 5 декември 2012 година со основачки влог од 5.000 евра. Сопственик и управител на фирмата е Гркот Георгиос Папастамос од Атина.
Според СЈО, во периодот од 2012 до 2016 година со повеќе дејства, со искористување ист траен однос, непосредно по добивањето на тендерот и започнувањето со градежните активности во Македонија, што ги презема „Актор АДТ подружница Скопје“, формирана од осомниченото правно лице „Актор СА“, Република Грција, со намера да ја скрие целокупната добивка на осомниченото правно лице, на грчки државајни им биле исплаќани огромни суми пари во кеш.
Шестоосомничениот како управител на подружницата на „Актор АДТ“ – Скопје договорил трајна деловна соработка во вид на договор за вршење подизведувачки работи со другите осомничени одговорни лица како претставници на осомничените правни лица „Глобал констракшн компани“, „Топометрија“ ДООЕЛ Скопје и „Инвикта Боро“ ДООЕЛ Скопје, со единствена цел пренос на парични средства од „Актор АДТ подружница Скопје“ кон правните лица „Глобал констракшн“ ДООЕЛ Скопје, „Топометрија“ ДООЕЛ Скопје и „Инвикта Боро“ ДООЕЛ Скопје. Во повеќе наврати биле исплатени износи од сметките на „Актор АДТ подружница Скопје“ кон сметките на правните лица „Глобал констракшн компани“, „Топометрија“ и „Инвикта“ во вкупен износ од над 31 милион евра.
Преку филијалата на „Стопанска банка“ АД Скопје во Неготино се одвивала исплатата на кеш на стотина грчки државјани. На овие лица преку банката кешот им бил исплаќан по основа на договор за дело. При секоја исплата била присутна Атина Зога, сметководителка на „Актор“, на која ѝ била давана готовината. Сумите биле од 20.000 до 90 илјади евра.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
ДИК: Без неправилности помина денешното гласање на болните и затворениците, гласовите ќе се бројат утре
Денес се спроведува гласањето на болните или немоќни лица, лицата кои се на издржување на казна затвор или се во притвор и лицата кои се пријавиле за гласање, а се сместени во установите за вонсемејна грижа.
Гласањето на оваа категорија гласачи се одвива во општините каде се одржува вториот круг на локалните избори и Градот Скопје.
Од вкупно 4.826 болни или немоќни лица кои можат да го остварат своето право на глас на вториот круг од локалните избори, до 20:00 часот гласале 3327 гласачи. Во 14 казнено поправни установи, каде што своето право на глас можат да го остварат 1256 лица кои се на издржување казна затвор или притвор, до 18:30 часот гласале 588 гласачи. Од 214 лица сместени во установите за вонсемејна грижа до 18:30 часот гласале 125 гласачи.
Гласањето за сите овие категории на гласачи се одвиваше непречено и без никакви проблеми и недоследности.
ДИК известува дека резултатите од гласањето на болните и немоќните лица, затворите и домовите за стари лица, не се објавуваат денес посебно. Секое поединечно гласачко ливче е ставено во посебен затворен плик и во гласачките кутии и тие не се отвараат денес. Броењето на овие гласови и објавувањето на резултатите од денешното гласање се врши заедно со резултатите од целокупното гласање на изборите утре после 19:00 часот, за секое избирачко место и секоја општина каде што се гласа.
Македонија
ДИК: До 16 часот гласале повеќе од половина од пријавените болни и немоќни лица
Државната изборна комисија (ДИК) соопшти дека до 16:00 часот на вториот круг од локалните избори гласале 2.762 од вкупно 4.826 лица пријавени како болни или немоќни. Во 14 казнено-поправни установи, каде што право на глас имаат 1.256 лица кои издржуваат казна затвор или се во притвор, до 16:00 часот гласале 380 гласачи. Од 214 лица сместени во установи за вонсемејна грижа, своето право го искористиле 78 гласачи, прецизираат од ДИК.
Според информациите од Комисијата, гласањето започнало точно во 7 часот утринава и се одвива без прекини и инциденти во сите општини и во Градот Скопје.
Претседателот на Комисијата, Борис Кондарко, изјави дека нема никакви проблеми ниту со изборниот материјал, ниту со изборните органи. Досега не се пристигнати забелешки, приговори или поплаки.
Во вториот круг од локалните избори, кој ќе се одржи утре, ќе се гласа за градоначалници во 32 општини и во Градот Скопје, како и на три избирачки места во Шуто Оризари за советници. Право на глас имаат 1.013.375 граѓани.
Македонија
Матичарка и службеници ѝ „подариле“ втор идентитет на кумановка, завршија со пријава
Полицијата во Куманово поднесе кривична пријава против четири лица — В.Б. (56), Н.З. (41), Х.Е. (53) и В.П. (67) — под сомнение дека со несовесно постапување во службата овозможиле едно лице да користи два различни идентитета.
Според информациите од СВР Куманово, првопријавената, матичар во подрачната канцеларија на Управата за водење на матични книги во село Лојане, општина Липково, направила незаконит упис во матичната книга на родени, внесувајќи податок дека едно женско лице склучило брак со машко лице и го зело неговото презиме.
Вториот пријавен, исто така матичар, на 26 март годинава издал извод од матична книга на родени со тие податоци, а третиот пријавен, службеник во Одделението за управни работи во Куманово, го примил барањето за издавање пасош.
Четвртиот осомничен, кој работел како виш советник за патни исправи во истото одделение, проценил дека се исполнети условите и го одобрил издавањето на патната исправа.
Со нивното постапување, како што наведува полицијата, на лицето му било овозможено незаконски да користи два идентитета. Против сите четворица е поднесена кривична пријава за делото „несовесно работење во службата“.
ДИК: Без неправилности помина денешното гласање на болните и затворениците, гласовите ќе се бројат утре
Денес се спроведува гласањето на болните или немоќни лица, лицата кои се на издржување на казна затвор или се во...
Наставничка од Кавадарци влегла во профилот на колешка и и’ праќала приватни разговори на директорката
Полицијата во Кавадарци поднесе кривична пријава против две жени — наставничка и директорка од основно училиште во градот, под сомнение...
Реакции на социјалните мрежи по настапот на Цеца во Велес
Настапот на пејачката Светлана Цеца Ражнатовиќ во Велес предизвика бројни реакции на социјалната мрежа „Икс“ , откако за време на...
(Видео) Цеца нагрна бугарско знаме на концертот во Велес, па објасни: „Секогаш прифаќам знамиња од публиката, немав намера да навредам никого“
Пејачката Светлана Цеца Ражнатовиќ се огласи по скандалот со знамето што се случи синоќа на нејзиниот концерт во Велес. Цеца...
Почина Кире Ѓорѓиевски, еден од осудените за 27 април
Почина Кире Ѓорѓиевски, еден од осудените за настаните на „27 април“, кој беше осуден на 13 години затвор. Од она што...
Обвинение за кражба на кабли од кругот на „Железара“, нанесена штета на јавните инсталации од повеќе стотици илјади евра
Основното јавно обвинителство Скопје, по спроведена истрага, денеска поднесе Обвинителен акт против три лица, кои како соизвршители сториле кривично дело...
Бугарија воведе забрана за извоз на дизел и керозин поради американските санкции кон Русија
Бугарија привремено забрани извоз на дизел и керозин поради американските санкции воведени против руските енергетски компании. Забраната, која ја усвои...
Трамп: Орбан ми побара изземање од санкциите за руската нафта, но не го доби
Американскиот претседател Доналд Трамп потврди дека унгарскиот премиер Виктор Орбан побарал изземање од новите американски санкции насочени кон рускиот нафтен...
Зеленски: Русија распореди 170.000 војници во Доњецк, тешки борби околу Покровск
Украинскиот претседател Володимир Зеленски изјави дека Русија распоредила околу 170.000 војници во источната украинска област Доњецк, каде што се обидува...
Орбан: Европа се движи кон војна
Унгарскиот премиер Виктор Орбан упати остри обвинувања против европските лидери во интервју за радио Кошут, тврдејќи дека „Европа сака војна“...
67-годишен маж ја тепал сопругата, ја гушел и се обидувал со каиш да и ги врзе нозете: Семејно насилство во Петровец
Јавен обвинител од Основното јавно обвинителство Скопје поведе постапка против едно лице за нанесување тешка телесна повреда од член 131...
Скопјанец ја малтретирал поранешната девојка – ја влечел пред болница и ѝ се заканувал дека ќе го убие брат ѝ
Скопското Обвинителство поведе постапка против 33-годишен скопјанец осомничен за продолжено загрозување на сигурноста на својата поранешна девојка. Според обвинителството, мажот...
Условна казна за едниот од напаѓачите на градоначалничката Арсовска
Реџеп Нуредини доби условна казна од две години затвор, која нема да се изврши доколку во наредните пет години не...
Луксузен хотел во центарот на Скопје крадел струја: Електродистрибуцијата пронајде нелегални кабли
Откриена голема кражба на електрична енергија во центарот на Скопје. Хотел со четири ѕвезди на улицата Луј Пастер бил нелегално...
Закани за убиство кон градоначалникот на Неготино и обид да се изнудат пари: обвинение против едно лице
Основното јавно обвинителство Кавадарци обезбеди докази и поднесе обвинение против едно лице осомничено за кривични дела – Изнуда од член...
Тетовец се заканил со убиство на жена и функционери од политичка партија: Обвинителството поведе постапка
Основното јавно обвинителство Тетово, постапувајќи по кривична пријава од СВР Тетово, поведе постапка против 49-годишен тетовец за кого постои основано...
Уапсен возачот што удри 11-годишно девојче на улицата Перо Наков и избега
Вчера околу 19:30 часот, по преземени оперативни мерки, полициски службеници од Единицата за интервентна полиција при СВР Скопје го лишија...
Завршува кампањата за вториот круг од локалните избори, на полноќ почнува изборниот молк
На полноќ завршува кампањата за вториот круг од локалните избори што ќе се одржат во недела, 2 ноември. Со тоа...
Речиси 130 килограми марихуана откриени на Табановце, поведена истрага
Основното јавно обвинителство Куманово донесе Наредба за спроведување истражна постапка против српски државјанин осомничен за кривично дело – Неовластено производство...
Бројот на жртви од ураганот Мелиса расте: пристигнаа првите хуманитарни летови
Ураганот Мелиса повеќе не е закана за карипските земји, но разорната бура одзеде најмалку 50 животи и предизвика штета од...
