Македонија
Сопственикот на фризерницата тврди дека не зел пари во кеш

Сопственикот на фирзерницата „В.Е.З. трејд“, Зоран Златковски, тврди дека не зел пари во кеш од лица вклучени во неговите проекти, кои претходно им ги исплатил на трансакциска сметка. Тој тврди дека парите се префрлени кај ангажираното лице, па вратени на сметката од „В.Е.З. трејд“ поради тоа што, како што вели, од неразбирливи причини лицето ги откажало ангажманите.
Златковски заедно со Димова одржа онлајн прес-конференција, на која објасни како се доделувале парите за „Еразмус+“, но и за нивното трошење.
„Случајот е документиран и пријавен во Националната агенција. Извршени се сите проверки и преземени се сите мерки. Тој случај влезе и во завршниот извештај на проектот кој е затворен, без никаков проблем. Во врска со случајот, потпишани се сите договори, префрлени се сите пари што требало да му бидат префрлени на обучувачот и поради недоразбирања, овој договор е раскинат со спогодба. И тука завршуваат сите недоразбирања. Лицето бараше да биде иззмено, тоа е направено, никогаш не е ангажирано за никаков проект, ниту во проектот каде што беше планирано, а кфалификувано, затоа што сметаше дека може да одоговри на задачите. Но, кога дојдоа задачите на ред да се извршат, од неразбирливи причини, таа го откажа учеството и парите што ѝ беа префрлени на нејзината сметка се обиде да ги задржи за себе. Но, под притисок тие пари мора да бидат вратени, и тоа беше направено. И правно беше завршена работата. Она што се случи вчера беше изненадување за мене затоа што никогаш ОЛАФ не ме информирал мене, ништо не беше доставено до мене. Овој случај за ‘В.Е.З. трејд’ е затоврен. Но, дали има реперкусии со ова, со тоа што се прекршуваат одредени правила што се вградени во договорот, ќе видиме понатаму“, вели сопственикот на фризерницата, Златковски.
Директорката на Националната агенција за европски образовни програми, Лидија Димова, посочи дека пријави против Златковски имало кај неа, но и во Брисел ѝ била направена проверка. Димова тврди дека кога се провериле наводите, немало прекршувања од страна на „В.Е.З. трејд“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Меџити најави нов модерен булевар во Чаир

Кандидатот за градоначалник на Општина Чаир од коалицијата ВЛЕН, Изет Меџити, денеска го претстави еден од приоритетните проекти од неговата програма – трансформација на улицата „Мид’хат Фрашери“ (поранешна „Македонско-Косовска Бригада“) во модерен булевар.
Според најавата, проектот ќе започне во првата година од мандатот и предвидува изградба на булевар со должина од 1.850 метри и профил од 25 метри, во соработка со Град Скопје. Булеварот ќе има четири коловозни ленти, велосипедски и пешачки патеки и зелени површини.
Меџити посочи дека новата сообраќајница ќе биде клучна артерија што ќе го поврзе Чаир со улицата „Џон Кенеди“, олеснувајќи им го пристапот на студентите до универзитетите и зајакнувајќи ја врската меѓу Центар, Чаир и Шуто Оризари.
Во следната фаза, е предвидена целосна трансформација и на улицата „Џон Кенеди“, со што ќе се изгради нов современ урбан прстен.
„Овој проект не е само асфалт и бетон. Тоа е нашата визија за еден поразвиен, побезбеден Чаир, поблиску до европските стандарди,“ изјави Меџити.
Од коалицијата ВЛЕН нагласуваат дека остануваат посветени на реализација на капитални инфраструктурни проекти кои директно ќе го подобрат квалитетот на живот на граѓаните.
Македонија
Поради пад на температурите, грејната сезона почнува две недели порано

АД ЕСМ информира дека од утре, 2 октомври, започнува грејната сезона за потрошувачите приклучени на системот за централно греење во Скопје.
Иако грејната сезона официјално почнува на 15 октомври, регулативата предвидува почеток и порано доколку прогнозата за средна дневна температура е еднаква или пониска од 12˚C. Според Управата за хидрометеоролошки работи, за 2 октомври е најавена средна температура од 10˚C, со што се исполнети условите за производство и испорака на топлинска енергија.
До 15 октомври, на веб-страницата на ЕСМ Снабдување секојдневно ќе се објавува дали има услови за испорака на топлинска енергија за наредниот ден.
Од компанијата апелираат до корисниците да ги завршат потребните поправки на внатрешните грејни инсталации, а заедниците на сопственици да обезбедат пристап до потстаниците, редовно електрично напојување и платени сметки за струја. Завршените интервенции треба да се пријават во Центарот за грижа на потрошувачи.
Сите потрошувачи можат да проверат дали нивниот објект е на списокот на затворени објекти без услови за испорака на топлина на линкот „Затворени објекти – ЕСМ Снабдување“.
Македонија
Максим Димитриевски: Во новиот мандат фокусот го ставаме на развојот на домашното стопанство

Кандидатот за градоначалник на Куманово и лидер на движењето ЗНАМ – за наша Македонија Максим Димитриески денеска беше во посета на неколку бизнис субјекти во Куманово што се во сопственост на домашни инвеститори. Како што самиот кажа, разговарале пред се за реалните проблеми во стопанствотото и какви се можностите за негов понатамошен развој.
„Наша главна цел во рамките на третиот мандат би била развој на домашното стопанство и поголем простор и за домашни, но и за странски инвестиции во градот. Развој на нови индустриски зони, по примерот на веќе потврдената зона Новина и Речици, дополнителна помош на занаетчиството во градот, како елеметарна гранка за развој на стопанството бидејќи без него немаше да се развие кумановското стопанство. Понатаму, реконструкција на двата зелени пазари со барање на приватен партнер кој би ги инвестирал тие реконструкции. Предвидуваме и фонд за поддршка на млади претприемачи и стартап компании за младите, поддршка на уметниците и сите креативни луѓе во градот, како и обучување и доквалификација на нашата работна сила“, рече Димитриевски.
Бидејќи, како што нагласи, бројот на невработени во Куманово е голем, но исто така, голем дел од нив не се соодветно квлификувани за да ги реализираат секојдневните потребни работни задачи во постоечките компании кои работат на територијата на нашиот град. И, секако ќе се работи и на создавање на туристички пакети и брендирање на општина Куманово како викенд дестинација во регионот.
Во општина Куманово функционира локалниот социо-економски совет. Димитриевски иницираше формирање на ист таков само за жени претприемачи во градот бидејќи во градот има голем број на припаднички на женскиот пол кои многу успешно функционираат со семејни и домашни компании.
Секако, нагласи дека и тој како кандидат за градоначалник и кандидатите на советничката листа на ЗНАМ ќе продожат со истата агенда што значи поддршка на економијата со конечна цел – Куманово да го стане перспективна општина за домашни и странски инвестиции , но и дополнително да го трансформираме како еден од главните економски
центри на Балканот бидејќи тоа го овозможува и новата крстосница на на Коридорот 8 и Коридорот 10 која поминува точно низ градот.