Македонија
Цел викенд со багер се урива на плоштадот Чинар во Охрид, инспекциите допрва на увид

Со нова дивоградба се нагрдува плоштадот Чинар во Охрид. Хилти и багер на плоштадот викендов ги вознемирија охриѓани и туристите. Неколкумина работници ја уриваа платформата којашто како летна тераса ја користеше локалната пицерија. Охриѓани велат дека заедно со уривањето, работниците подготвувале темели за нова градба.
И уривањето и подготовките за нова градба се без одобрение од Министерството за транспорт и врски.
„Парцелата е сопственост на државата и во моментов никој не може да поднесе барање за одобрение за градење. Ова земјиште не е отуѓено, сè уште е сопственост на државата“, велат од Министерството за транспорт врски, кои ги издаваат одобренијата за градење во старото градско јадро на Охрид каде што викендов се уриваше.
Директорката на Завод и музеј Охрид, Елеонора Новаковска, вели дека го регистрирале уривањето.
„И ние разбравме дека има градежни активности. Пуштив стручни лица да направат увид. Инспекциската служба при Управата за заштита на културното наследство и градежната инспекција ќе добијат извештај. Тоа е заштитено подрачје. Во годишниот план за 2019 година на тој простор е предвидено да има натстрешница, маси и столови, односно урбана опрема“, изјави директорката Новаковска за „Макфакс“.
Охриѓани влеат дека работниците уривајќи ја бетонската платформа скршиле и гранка од чинарот, за кој се прават подготовки да добие соодветна заштита, но никој не се загрижил.
Од Општина Охрид, иако најавија, не испратија реакција за градежните активности на плоштадот Чинар.
Нема објаснување ниту од пицеријата која како летна тераса ја користеше бетонската платформа веднаш до чинарот. На нивниот телефонски број никој не одговара, а откако почнаа градежните активности, кои продолжија и денес, локалот е затворен.
Охриѓани стравуваат дека ќе се појави уште една дивоградба во заштитеното градско јадро пред очите на сите надлежни институции. Велат дека по најавата за нов рок за легализација на дивоградби, во Охрид на неколку места се појавиле нови објекти изградени без одобренија.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Добро е што СДС, конечно, ги тргна розовите очила и виде во каква состојба ја остави државата, велат од ВМРО-ДПМНЕ

Добро е што СДС конечно ги тргна розевите очила и виде во каква состојба ја оставија државата, Владата контиуирано ги зголемува платите, велат од ВМРО-ДПМНЕ во реакцијата на изјавата на Богданка Кузеска од СДСМ.
„СДС очигледно мислат дека работите се поправаат со магично стапче. Да им појасниме, пустошот во кој ја оставија Македонија на секој план, не се поправа преку ноќ. Еве неколку факти за подобрување на животниот стандард кој СДС успеа да го уништи за седум години власт. Прво, припадниците на МВР добија зголемување на платите за 10%. Второ, вработените во основните и средните училишта добија зголемување на платите за 7%, или за мандатот во образование платите ќе се зголемат за 46%. Трето, во здравството се зголеми капитацискиот бод за матичните лекари и гинеколозите за речиси 40 проценти, додека за стоматолозите околу 25%. За период од четири години предвидено е зголемување на платите во здравството до 50 отсто“, пишува во реакцијата.
Македонија
Градежни неправилности во Општина Карпош, ќе се бара објаснување од инвеститорите и надзорот

Градоначалникот на општина Карпош заедно со дел од општинските службеници во текот на вчерашниот ден посетил две згради на улица Никола Парапунов и констатирал дека и во двата објекта бројот на паркинг места не се изведени во согласност со одобрението за градба од надлежните служби во општината, иако за тоа постои физичка можност, односно висината на гаражниот простор овозможува паркирање на две нивоа, информираат од Општина Карпош.
„Сопствениците, односно инвеститорите и надзорот ќе бидат повикани во текот на оваа седмица. Во зависност од тоа дали инвеститорите и надзорот ќе го коригираат овој недостаток ќе зависат и мерките кои што ќе ги преземе Општина Карпош против нив“, се истакнува во соопштението.
Македонија
ДПМНЕ и ЗНАМ попусто го бришат името Македонија, Грција и Бугарија со нова амандманска блокада, велат од Левицaта

Вазалската надворешна политика и националните предавства не можат да доведат да етаблирање во меѓународните заедници на државата. Како што претходно предупредивме, т.н. договори за добрососедство наместо да ги надминат, тие станаа извор на пречки во европските интеграции на Македонија. Ова го потврдува фактот дека на Предлог-извештајот на Комитетот на надворешни работи (АФЕТ) на Европскиот парламент за Македонија се доставени над 300 амандмани, од кои најголем дел од Грција И Бугарија, реагираат од Левицата.
„Иако сите досегашни отстапки по однос на ‘барањата на соседите’ во име на евроинтеграциите биле на максимална штета на македонскиот народ и држава – ЕУ јасно најави дека проширувањето повеќе не е приоритет! Дилетантскиот пазарлак и дефетистичката пасивност од страна на Владата, наместо да ја искористи ситуацијата за водење политика на превенирање од претходно направените штети, таа верно ги следи контурите на вазалство поставени од СДСМ“.
Кога се разобличени лицемерните ставови на ЕУ за интеграцијата на Македонија, Левица велат од партијата, потсетува дека се залага ревидирање и поништување на империјалистичките договори наметнати од Грција и Бугарија направени на наша штета.
„Поаѓајќи до максимата на Маркс дека „Ниеден народ не може да биде слободен, ако угнетува друг народ“, се залагаме за продолжување на евроинтеграциите, но само како еднаков партнер и под еднакви услови како за сите земји членки претходно интегрирани“.
Ја повикуваат владејачката ВМРО-ДПМНЕ која, како што појансуваат, даде осум пратеници од своите редови за промена на името, да престане со бришењето на името Македонија од законската регулатива и државните институции.
Според Левицата, ако евроинтеграциите се заглавени во ќор-сокак, тогаш е неопходно политичките чинители да застанат во одбрана на националните интереси и да побараат етаблирање на меѓународната сцена надвор од наметнатата застарена и западна парадигма и да се приклучат кон тековите на новиот мултиполарен свет.