Македонија
Со тајни преговори ќе се набавува „трикафата“ и за дополнителните 18 пациенти
![](https://makfax.com.mk/wp-content/uploads/2023/05/protest-cisticna-fibroza-2.jpg)
Лекот „трикафта“ што треба да го добијат уште 18 пациенти, според вчерашните најави од Министерството за финансии, ќе се набавува повторно со тајни преговори. Министерот за здравство Фатмир Меџити, денес по посетата на болницата во Штип рече дека и за овие пациенти увозот ќе биде интервентен оти се уште е во формирање комисијата за цистична фиброза која треба да најде решение на сите проблеми со набавка на лекот.
„Додека ја средуваме комисијата ние побаравме да го направиме пак тоа што веќе еднаш го направивме, да можеме со тајно преговарање со компаниите да го донесеме лекот за уште 18 пациенти, а за другите понатаму тоа да биде средено како регулатива за да можеме да го добиваме“, рече министерот Меџити.
Тој потсети дека откако е дојден на функцијата лекот „трикафта“ е обезбеден за вкупно 12 пациенти оти со тајните преговори била постигната пониска цена па место планираните осуммина, лекот го добија дванаесетмина пациенти.
„Морам да споделам со вас, јас кога дојдов за министер немаше комисија за цистична фиброза. Таа комисија е формирана првиот ден кога дојдов. Во таа комисија вклучивме и пациенти или членови на семејствата на пациенти за сите засегнати страни да бидат вклучени и долготрајно да се реши проблемот. Имало еден центар во Козле, не знам зошто ги донеле на Детска клиника па на Пулмологија, сега ние со сите засегнати страни седнавме да го најдеме најдоброто можно решение за ова да не ни се повтори“, потсети министерот Меџити.
Тој уверува дека лекот ќе добијат сите пациенти на кои им е потребен и апелираше и пациентите и јавноста да дозволат стручни лица да утврдуваат на колкумина и кога им е потребен.
„Во врска со тоа дали 150 пациенти ќе добијат ‘трикафта’ за ова имаше многу шпекулации по медиуми, што навистина не е коректно. Еве и јас не сум компетентен за цистична фиброза, тоа треба да оставиме луѓето компетентни за таа работа, професорите и Асоцијациите, професионалците да одлучуваат за кој пациент кога е потребно да се лекува. Да се дава на оние пациенти кои се во позагрижувачка состојба, а за другите да одлучат тие дали е потребно, дали треба од нула до шест, еве имаме препораки дека до шест години не треба да се користи ‘трикафта’ оти за тоа можеме и некоја модуларна терапија да дадеме. Треба да направиме една програма како ретките болести да ја третираме и цистичната фиброза“, вели министерот Меџити.
На вчерашниот протест пред Министерството за финансии пациентите со цистична фиброза и нивните семејства бараа лекот да се обезбеди за сите пациенти и да можат да се лекуваат и деца од две години, како што е пракса во Америка. Од Асоцијацијата за цистична фиброза се пожалија дека нивен претставник не бил ниту поканет ниту известен дека некоја комисија прави регистар на болни со цистична фиброза која утврдила дека сега 18 пациенти треба да го добијат лекот и затоа ќе се прави толкава набавка
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Гази Баба обезбедува бесплатни униформи за сите ученици
![](https://makfax.com.mk/wp-content/uploads/2024/07/uniformi-22.jpg)
Општина Гази Баба и оваа година обезбедува бесплатна униформа за сите ученици од општинските основни училишта.
Проектот за бесплатни униформи на учениците се воведе од минатата учебна година и истото беше ветување во изборната програма на градоначалникот Бобан Стефковски.
Во објава на својата официјална страна на фејсбук, градоначалникот Стефковски ги информираше граѓаните и напиша:
„Со почеток на учебната 2024 / 2025 година, сите ученици од општинските основни училишта на територија на општина Гази Баба ќе добијат бесплатна униформа.
Овој проект започна да се реализира во општина Гази Баба со моето доаѓање за градоначалник со што го исполнив ветувањето кое го дадов за време на изборите, дека сите ученици ќе добиваат бесплатни униформи.
Со реализацијата на овој проект се намалуваат социјалните разлики што ги има во секое општество и се постигнува чувство на еднаквост меѓу децата, без поделби и разлики меѓу нив во начинот на облекување, а притоа се намалуваат и трошоците на родителите на учениците“, напиша Стефковски.
Македонија
Акција на ЈП Водовод – Скопје за отплата на долгови без пресметка на камата до 31 јули 2024
![](https://makfax.com.mk/wp-content/uploads/2020/04/vodovod-skopje.jpg)
ЈП Водовод и канализација – Скопје ја известува јавноста и граѓаните на град Скопје, дека акцијата за отплата на долговите без пресметка на камата за задоцнето плаќање е во тек.
Акцијата за отплата на долговите на рати без камата за физички и правни лица е со определен временски рок, почнувајќи од 20.06.2024 заклучно до 31.07.2024.
„Ги повикуваме сите корисници кои имаат заостанат долг во овој период да аплицираат за склучување на договори за отплата на долговите на најмногу 48 рати за физички лица и 24 рати за правни лица, во зависност од висината на долгот, без пресметка на камата за задоцнето плаќање“, велат од ЈП Водовод и канализација – Скопје.
Одлуката за спроведување на акцијата за отплата на заостанатите долгови без пресметка на камата не важи за органите на државната и локалната власт и другите државни органи основани согласно Уставот и со закон и институциите кои вршат дејности од јавен интерес.
По истекот на овој период одлуката престанува да важи.
За секоја дополнителна информација за услугите на ЈП Водовод и канализација – Скопје контактирајте на:
02 3073 010, Дежурно Информативен Центар; 02 3240 300, Дирекција; [email protected]; www.vodovod-skopje.com.mk; www.facebook.com/jpvodovod.skopje
Македонија
Приведени 19 лица на фестивал во Дојран
![](https://makfax.com.mk/wp-content/uploads/2023/07/dojran-festival.jpg)
Полицијата приведе 19 лица за време на фестивалот што викендов се одржуваше во Дојран.
Според информацијата од МВР, кај нив била најдена дрога.
„На 29.06., 30.06. и 01.07.2024, за време на одржување на фестивал во Стар Дојран, полициски службеници ги лишиле од слобода А.С.(29) од Струмица, Д.Ш.(24) од Гевгелија, Ј.Р.(23) од Скопје, К.В.(24) од Куманово, А.А.(32) од Струмица, Д.А.(34) од Скопје, Г.И.(46) од Скопје, Ј.Б.(32) од Гостивар, В.Г.(18) од село Црничани, гевгелиско, Т.П.(18) и К.Ц.(18), и двајцата од село Миравци, гевгелиско, Г.М.(47) од Скопје, Ф.И.(19) од село Удово, валандовско, Б.С.(23) од село Батинци, скопско, Д.З.(23) од Скопје, А.А.(30) од Валандово, Н.А.(18) од Скопје, С.П.(20) од Башино Село, велешко, и еден 17-годишен турски државјанин. При преглед кај нив, како и при контрола во возила во кои се превезувале биле пронајдени марихуана, прашкаста материја и таблети“, велат од МВР.
За настаните бил запознаен јавен обвинител, а по нивно документирање против лицата ќе бидат поднесени соодветни поднесоци.