Македонија
Спасовски и Агелер: Борбата против корупцијата останува наш заеднички приоритет
Министерот за внатрешни работи, Оливер Спасовски, заедно со амбасадорката на Соединетите Американски Држави, Анџела Агелер, оствари работна посета на граничниот премин Богородица, при што се сретнаа со раководството на Регионалниот центар за гранични работи „Југ“ и беа брифирани за постигнатите резултати на овој граничен премин. Спасовски и Агелер во оваа пригода ги посетија и вработените полициски службеници на овој премин донирајќи вредна поддршка од Амбасадата на САД, т.н. боди-камери за потребите на гранична полиција.
„Со донацијата на нови т.н. боди-камери за полициските службеници, наменети за документирање на полициското постапување во остварувањето на работните задачи и обврски, како и на двете специјализирани возила за откривање радиоактивен материјал или радиолошка заштита, едното за Регионалниот центар ‘Југ“, а другото за ‘Север’, дополнително ќе се зголемат квалитетот и ефикасноста на работењето во сите сегменти од полициското дејствување. Морам да кажам дека во досегашното работење употребата на боди-камерите се покажа како исклучителна алатка во борбата против корупцијата.
Само во рамките на оваа област во првите шест месеци годинава откриени се 49 кривични дела и овие кривични дела бележат намалување од 22 % во споредба со истиот период лани“, рече министерот Спасовски. Притоа тој сподели статистички податоци за резултатите на работата на РЦ „Југ“: „Имаме драстично намалување на илегалната миграција во рамките на овие осум месеци годинава во споредба истиот период лани за речиси 80 проценти, евидентирано е зголемување на откривачката функција во делот на шверцување стоки и недозволена трговија приближно 50 проценти, компаративно со истиот период лани, а истовремено граничната полиција продолжува успешно да ја извршува својата контролна улога независно што годинава се бележи рапиден пораст на протокот на патници во споредба со ланската година или со 2021“, информира министерот Спасовски.
Амбасадорката на САД, Агелер, ги изрази гордоста и задоволството од исклучителната соработка меѓу САД и Република Северна Македонија за позитивните и видливи резултати од таа соработка за што упати благодарност до министерот Спасовски. Таа потенцира дека изминативе неколку години, од 2016 година наваму, вложени се речиси 4 милиони долари како поддршка на граничната безбедност, а меѓу нив е и опремата од т.н. боди-камери, кои се алатка во борбата против корупцијата. Притоа амбасадорката Агелер, честитајќи му на министерот Спасовски за одличната работа на македонската полиција, потенцира дека Амбасадата на САД е силен партнер на МВР, а соработката ќе продолжи и во иднина бидејќи таа е критична за просперитетот на земјата.
Денешната работна посета министерот Спасовски и амбасадорката на САД, Агелер, ја искористија и да направат увид во поставено возило со термални камери на Вршник Баре, како и обиколка и презентација на Транзитниот центар „Винојуг“.
Во изјава за медиумите министерот Спасовски потенцира дека со заедничката посета имаат цел да се увиди на терен како дејствува македонската полиција, со поддршката од Амбасадата на САД преку вредна донација во техничка опрема за потребите на граничната полиција, а во насока на зајакнување на заедничката борба против корупцијата.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
„Имало директива од грчкото МНР“, пишува грчкиот весник „Катимерини“ за протестот на амбасадорката по заклетвата на Силјановска
Амбасадорката на Грција во Северна Македонија, Софија Филипиду, која беше поканета на седницата на Собранието за положување заклетва на Гордана Силијановска, си замина во знак на протест . Забележано е дека имало релевантна директива од грчкото Министерство за надворешни работи, пишува грчкиот весник „Катимерини“.
Весникот натаму додава: „Петседателката на Северна Македонија, Гордана Силијановска напладне положи заклетва на посебна седница на Собранието. Силијановска, за време на заклетвата, државата ја нарече „Македонија“, и покрај тоа што во текстот на заклетвата, кој го кажа претседателот на Собранието во заминување, Јован Митрески, а Силјановска требаше да повтори, земјата беше наречена ‘Северна Македонија’“.
„Катимерини“ потсетува и на вчерашната изјава на грчкиот премиер, Кирјакос Мицотакис за Преспанскиот договор.
„Со загриженост гледам дел од изјавите на функционерите на ВМРО и ќе го чекам официјалниот за името на државата. Јас лично не се согласував со Договорот од Преспа. Но, го прифатив во контекст на континуитетот на државата и сфатив дека, и покрај моето несогласување, морам да го почитувам. Сакам да се надевам дека она што се слушаше пред изборите нема да се слушне по изборите. Ако тоа се случи, ќе имаме проблеми “, рече Мицотакис.
Весникот пишува и дека на денешната церемонија не присуствувале лидерите на соседните земји, Бугарија, Србија и Албанија , за разлика од последната церемонија каде присутен бил и бугарскиот претседател Румен Радев, а земјите наводно тврдат дека не ги добиле поканите навремено.
И грчката „Прототема“ пишува за инаугурацијата и протестот на грчката амбасадорка, со коментар дека е прекршен договорот од Преспа.
„Амбасадорката на Грција во Северна Македонија, Софија Филипиду ,која беше поканета на седницата на Собранието за положување заклетва на Гордана Силијановска, си замина во знак на протест поради тоа што таа за време на нејзиното полагање заклетва го прекрши Договорот од Преспа“.
Македонија
Грчката амбасадорка ја напушти собраниската сала во знак на протест на инаугурацијата на Силјановска-Давкова
Грчката амбасадорка во земјава – Софија Филипиду, ја напушти собраниската сала за време на инаугурација на Гордана Силјановска-Давкова за претседателка на државата.
Информацијата што подоцна беше потврдена, прв ја сподели пратеникот од ВМРО-ДПМНЕ, Антонијо Милошоски на социјалните мрежи.
„Грчката амбасадорка Филипиду, демонстративно ја напушти собраниската ложа, заради употребата на терминот Македонија при положувањето на заклетвата од новата Претседателката Силјаноска Давкова“, напиша Милошоски.
Силјановска Давкова претпаднево во Собранието даде свечена заклетва дека дека функцијата ќе ја извршува совесно и одговорно, дека ќе ги почитува Уставот и законите и дека ќе ги штити независноста, суверенитетот и територијалниот интегритет на земјата, без притоа, да употреби „Северна“ во името на државата.
Повторувајќи по претседателот на Собранието, Јован Митрески кој го користеше уставното име на земјата Република Северна Македонија, Силјановска-Давкова употребуваше само Македонија.
Давкова по заклетвата се обрати пред пратениците, а говорот во најголем дел им го посвети на жените.
Македонија
Силјановска-Давкова пред пратениците: Време е за единство, ќе бидам претседателка и на левите и на десните
Силјановска Давкова претпаднево во Собранието даде свечена заклетва дека дека функцијата ќе ја извршува совесно и одговорно, дека ќе ги почитува Уставот и законите и дека ќе ги штити независноста, суверенитетот и територијалниот интегритет на земјата, без притоа, да употреби Северна во името на државата.
При давањето на заклетвата повторувајќи по претседателот на Собранието, Јован Митрески кој го користеше уставното име на земјата Република Северна Македонија, Силјановска-Давкова употребуваше само Македонија.
Давкова по заклетвата се обрати пред пратениците, а говорот во најголем дел им го посвети на жените.
Новата претседателка на почетокот кажа дека нејзините зборови се во битка со емоциите, и не можела да замисли дека ќе ја добие довербата на повеќе од 500.000 гласачи, а единствениот кој тврдел дека ќе дојде до таков резултат бил првиот човек на ВМРО-ДПМНЕ, Христијан Мицкоски, кому му се заблагодари што верувал во неа.
Сепак, како што истакна Силјановска, таа ќе ја оправда довербата, но не заради одговорност или долг кон партија или политика. Вети дека ќе биде претседателка и на левата и на десната страна во парламентот и на сите граѓани и нема да прави разлика помеѓу нив по било која основа.
„Време е за единство. Единствното може да значи и женска филозофија, женска автентичност. Како жени, умееме да се грижиме не само за себе, туку пред се’ за сите останати. Првите честитки стигнаа од жени. Имавм прекрасен женски разговор со претседателката на Словенија. Роденденот го поминав со амбасадорката на САД, исто во еден женски разговор. Тоа се нешта кои ќе ги носам со себе“, рече Силјановска-Давкова.
Најави дека во нејзиниот мандат, кога ќе предлага членови на судски совет и уставен суд, ќе трга од стручноста и компетентноста.
Рече и дека жените се на функции каде се ценат стручноста и компетентноста, но за жал ги нема во политиката, каде досега сме немале жена премиерка, жена претседателка, или претседателка на законодавниот дом.
„На Западен Балкан се’ уште е жив патријархатот. Силните жени на поинаков начин можат да ги решаваат проблемите. Цврсто верувам во тоа. Оваа држава, не ја бранеле или не ја имаме само благодарение на комитите, туку и комитките, не само партизаните, туку и партизанските. Многу храбри и умни жени сме виделе во овој парламент,но се чудев зошто немаме жена на оваа функција. Ќе го пробивам патот. Насекаде гледам многу умни, посветени жени, кои ќе ги носам во срцето“, рече Давкова.
Таа во обраќањето рече и дека зад сите успешни жени стојат прекрасни мажи како нејзиниот сопруг, а ги спомена и волонтерките и волонтерите кои работеле со неа во кампањата.
„Моето мото е не опкружувајте се со обожавателки, туку со критичарки“, рече таа.
Наглси дека во нејзиниот тим, како и програмата отпечатена на сите јазици имало Албанци, Турци, Роми, Срби, Власи, а таков ќе биде и нејзиниот кабинет. Сепак, како што рече Давкова, првиот и основен критерум за неа се стручноста и комптентноста, а потоа припадноста.
„Ние мораме не само да ја феминизираме политиката, туку и да им помогнеме на мажите да сфатат дека не смееме да се откажуваме. Треба да го следиме ритамот на природата, таа е совршен креатор. Не го знам точно соодносот на мажите и жените во слендиот парламентарен состав, но сакам да направиме чекор напред од оние 42 проценти. Иамло тука прекрасни моменти, имало и судири. Но, ние жените тука и во клубот на пратеничките и кога одевме надвор умеевме да ја претставиме Македонија како умна, стамена, достоинствена жена. Не служајно држава, политика, демократија и Македонија се во женски род. Помогнете им пратеници – витези на жените да го изразат тоа што го имаат, а не можеле досега. Сите вие ќе бидете горди на Македонија, како што јас сум на мојот народ“, рече Давкова.
Давкова го спомена и експремиерот од редовите на СДСМ, Димитар Ковачевски, дека се одважил да и’ се јави, наместо само да и упати честитка преку „Фејсбук“ и дека разговарале, а потоа додаде дека со жените ќе се менуваат и мажите политичари.
Од пратениците побара да имаат разбирање за нејзината меритократија во надворешната политика, разбирање за потребата од владеењето на правото, или, пак, нејзините евентуални вета.
По нејзиното обраќање, седницата беше завршена.