Македонија
Спасовски и Грковска на средба со ЕВР Гази Баба: Голема ефикасност во откривањето на сторителите на кривични дела
![](https://makfax.com.mk/wp-content/uploads/2023/12/27122023_SPASOVSKI_GRKOVSKA_POSETA-EVR-GAZI-BABA-6.jpg)
Министерот за внатрешни работи Оливер Спасовски и заменичката на претседателот на Владата задолжена за политики за добро владеење Славица Грковска, остварија работна средба со раководството на СВР Скопје – Единица за внатрешни работи Гази Баба, со цел да извршат увид на реализираните активности, да се видат и резултатите од инвестициите во подобрување на стандардите на работењето на полициските служби, што беа започнати во 2017 година, во насока на поголема безбедност на граѓаните овде.
Од страна на вицепремиерката Грковска беше истакнато дека подобрувањето на условите за работа на институциите директно влијаат во борбата со корупцијата и организираниот криминал.
Заменичката на претседателот на Владата, Славица Грковска, упати честитки за зајакнатата доверба на граѓаните во полицијата, благодарение на покажаните резултати, што според неа е голем успех, имајќи го предвид незадоволството од другите институции во ланецот надлежни за борба со криминалот и корупцијата.
Грковска го поздрави и трендот на зголемување на бројот на жени меѓу полициските службеници, кој во ЕВР Гази Баба изнесува 20% и претставува голем исчекор споредено со состојбата во минатото. Поздравувајќи ги континуираните напори на министерството за модернизација на единиците на МВР низ земјава, таа подвлече дека со оглед на фактот што полициските службеници се на првата линија во борбата со криминалот, навистина е неопходно да имаат достоинствени просторни и технички услови за работа.
„Сакам да го поздравам тоа што МВР започна со обуките и тестовите за интегритет, што значи исполнување на уште една препорака на ГРЕКО, а којашто оди во насока на зајакнување на човечките капацитети и зголемување на свесноста колку е интегритетот важен, особено за вакви професии“, изјави Грковска по средбата.
Министерот за внатрешни работи Спасовски информираше дека при посетата на ЕВР Гази Баба, беше брифиран од раководството за постигнатите резултати во текот на 2023 и за приоритетите кои следат во 2024.
„Сакам да истакнам дека сите резултати кои се постигнати на територија на ЕВР Гази Баба, која опфаќа 200.000 жители, се вклопуваат во генералниот амбиент на безбедносната состојба – мирна, стабилна и без индиции на нарушување. Второ, имаме намалување на криминалитетот и зголемување на ефикасноста. Овде имаме малку поголема ефикасност од просекот во другите СВР-а. За одбележување е дека имаме намалување на нарушувањата на јавниот ред и мир, меѓутоа и огромната откривачка активност во делот на нарушителите на јавен ред и мир“, рече Спасовски, додавајќи дека над 90% од нарушителите на јавниот ред и мир се откриени.
Тој ја потенцираше и големата ефикасност во откривањето на сторителите на кривичните дела на ова подрачје.
„Трета работа, што е исклучително важна за сите нас – немаме нарушување на јавен ред и мир, насилства или друг вид на конфликти кои што доаѓале помеѓу ученици поради меѓунационалните односи. Оваа година практично немаме ниту еден ваков настан, што е исто така за одбележување, и тоа треба да ни биде пример и за понатаму. Секако дека ЕВР Гази Баба од пред една година го има објектот, еден – би рекол – од најубавите објекти, го реконструиравме и тоа е еден од 80-те објекти коишто по сите стандарди за енергетска ефикасност, заштита на животна средина, е реконструиран и на тој начин обезбедивме добри услови за работа на полициските службеници, меѓутоа и добри услови за остварување на правата на граѓаните, за сите коишто гравитираат кон ЕВР Гази Баба“, изјави Спасовски, упатувајќи им порака ова да биде мотив на сите, а посебно за полициските службеници да продолжат со реализацијата на стратешките приоритети на МВР и идната 2024 година да работат повторно во намалување на криминалитетот и зголемување на ефикасноста, како единствени релевантни мерливи статистички податоци коишто ја покажуваат активноста на МВР.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
![](https://makfax.com.mk/wp-content/uploads/2022/08/makfax_logo_350px.jpg)
Македонија
Почина поранешниот пратеник на СДСМ, Миле Андонов
![](https://makfax.com.mk/wp-content/uploads/2024/06/pratenik.jpg)
На 62-годишна возраст, денес во Кочани, почина поранешниот пратеник од редовите на СДСМ, Миле Андонов.
Неговите сопартијци се збогуваа со него на социјалните мрежи.
„Сочувство до семејството, роднините и пријателите на трагично починатиот Миле Андонов, наш почитуван другар и сопартиец. Андонов даде значен придонес во развојот на Кочани, но и во политичко-економскиот живот во земјата, како пратеник во Собранието од редовите на СДСМ, но и како силен поддржувач на реформските процеси, на прогресивните, социјалдемократски политики. Нека почива во мир“, се наведува на страницата на СДСМ на „Фејсбук“.
Тој беше дипломиран економист, а во три мандати, во периодот од 2008 до 2016 година беше дел од пратеничката група на СДСМ.
Македонија
Парада на гордоста во Скопје под мотото „спектакуларно непослушни“
![](https://makfax.com.mk/wp-content/uploads/2024/06/parada-na-gordosta-skopje.jpg)
Под мотото „Спектакуларно непослушни!“ вечерва во Скопје се одржува петтата Парада на гордоста.
Учесниците се собраа во паркот „Жена-борец“, по што го почнаа протестниот марш низ градските улици кој завршувa на стадионот на АРМ во Градскиот парк со богата музичка програма.
Организаторите велат ова е еден ден кога ЛГБТИ луѓето можат да бидат видливи, свои и автентични.
Македонија
(Видео) Ковачевски: Владината Програма во делот на економијата е општа, без бројки за просечната и минималната плата
![](https://makfax.com.mk/wp-content/uploads/2024/06/thumbnail_Димитар-Ковачевски.jpg)
Во владината програма има неконзистентни делови и ставови. Што се однесува до економијата која е најзначајна за едно општество, најавите се општи, без конкретни бројки за зголемување на просечната и минималната плата, рече претседателот на СДСМ и пратеник во македонското Собрание, Димитар Ковачевски во денешното обраќање.
-Добро е што има продолжување на досегашните владини политики за поддршка на инвестициите и за македонските компании. За разлика од периодот до 2016 година кога од страна на ВМОР-ДПМНЕ беа поддржувани само странски компании. Но има неконзистентност во ставовите на ВМРО-ДПМНЕ да не се зголемува задолжувањето на државата. Сега кога заврши кризата несоодветно и неконзистентно е да се најавува зголемување за 8% на националниот долг на Македонија. Со каматите некаде на крајот на тој период ќе дојде до 10% зголемување на јавниот долг. Неконзистентност од јавно декларирање за не зголемување на долгот кон зголемување на долгот од 10% веднаш при доаѓањето на новата Влада, рече Ковачевски.
Во делот на инфраструктурата сите предложени елементи во делот на програмата се продолжување на сите стратешки проекти на досегашната Влада предводена од СДСМ, додаде Ковачевски.
-Тука пред се мислам на Коридорот 8 и Коридорот 10Д коишто исто така од ВМРО-ДПМНЕ беа квалификувани како криминални проекти, изведувачите беа квалификувани како криминални организации. Дури како што ја читам програмата провејува дека ќе им бидат доверени и други проекти, додаде Ковачевски.
Во однос на персоналниот состав на Владата, Ковачевски посочи дека од сегашното владино мнозинство беа искажувани негативни лични квалификации за луѓе кои сега се предложени за министри, како што е примерот со Таравари.
-Укажав на тројца пратеници дека давање лични квалификации не е добро. Со оглед на тоа дека господинот Таравари беше најнапаѓан за политичка корупција. Им укажав дека неговата политичка траекторија имплицира дека еден ден ќе треба да гласаат за него. Сега доаѓа тој ден кога ВМРО-ДПМНЕ ќе треба да гласа за Таравари за министер за здравство, рече Ковачевски.