Македонија
Пренџов: ДУИ 20 години гласа „За“ буџетите, а единствено мисли за себе и за своите функционери
Пратеникот Љупчо Пренџов обраќајќи се на денешната седница истакна дека во Собранието е најголемиот буџет во Македонија од речиси 5,5 милјарди евра а ДУИ 20 години гласа „За“ буџетите а мисли само на сопствените функционери и бизниси а за граѓаните пари нема.
„Денес во ова Собрание е најголемиот буџет во Република Македонија од речиси 5,5 милијарди евра. Во овие 5,5 милијарди евра власта на ДУИ и СДСМ предвидува од вас да извлече 5 милијарди и 43 милиони евра како никогаш досега и како што личи за СДСМ и ДУИ тоа е малку и згора на тоа ќе треба уште 400 милиони евра да земеме нови кредити. Во последните 20 години единствената политичка партија која што гласала за сите буџети во собранието е ДУИ. 20 години ДУИ ги поддржува сите буџети на државата, од оние за Скопје 2014 кои што сега ги критикуваат, преку оние буџети на Заев каде што јасно се гледаше корупција на целни групи пред короната, па се до овие буџети на Ковачевски и на Артан Груби каде што имаме манипулација и пермутација на бројки, каде што едно зборуваат премиерот и министрите а друго гласат пратениците“, нагласи Пренџов.
Посочи дека ДУИ 20 години гласа „За“ буџетите, а единствено мисли за себе и своите функционери.
„ДУИ во оваа држава ниту мисли на Македонија, ниту мисли на Македонците, ниту мисли на Албанците, ниту мисли на било кој што живее во Македонија. Едноставно ДУИ мисли само на ДУИ. Пред 20 години ДУИ наликуваше на друштво со ограничена одговорност основано од едно лице за по 20 години и десетици милијарди изгласани буџети да наликува на акционерско друштво Дуинг бизнис- холдинг“, истакна Пренџов.
Според него за ќелниците на ДУИ и нивните бизниси има пари во буџетот а за граѓаните нема.
„20 години гласаат „За“ буџетите на државата и овие 20 години ветуваа нов автопат Тетово-Гостивар, автопат нема, за тоа немало пари, ама има пари за на Артан лотаријата. За автопатот Гостивар-Кичево велат дека нема пари ама за тендерите на „Еуровија“ има пари. За реконструкција на мостот помеѓу Челопек и Брвеница немало 3 милиони денари во буџетот ама за „Арберија дизајн“ веднаш има 3 милиони евра. Бизнис инвестиција за електрични автомобили во Тетово нема, ама бизниси за челниците на ДУИ има и тоа во изобилие“, нагласи Пренџов.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Основното училиште „Александар Македонски“ во Реонски центар доби нова сензорна соба и кабинет за информатика
Инвестициите во образованието се еден од најважните столбови во градењето на иднината на заедницата. Градоначалникот на Општина Аеродром, Тимчо Муцунски заедно со претседателот на Советот на Општина Аеродром, Дејан Митески, денеска официјално ги пуштија во употреба новата сензорна соба и кабинетот за информатика наменет за учениците од основното училиште „Александар Македонски“.
Градоначалникот Муцунски на својата Фејсбук страна потенцираше дека станува збор за инвестиција која е донација од општествено-одговорни компании, со чија поддршка образовниот процес станува достапен за дечињата со попреченост, а компјутерската технологија поблиска до учениците.
Тој упати благодарност до приватните компании, просветните работници и сите оние кои даваат свој придонес за инклузивно, модерно и квалитетно образование во Аеродром.
Скопје
Модернизација на водоводната мрежа во општина Илинден
Локалната самоуправа и ЈКП „Водовод“ – Илинден континуирано работи на одржување, подобрување и обнова на водоводната и канализациската мрежа на територијата на општина Илинден со цел задоволување на потребите на корисниците.
Со цел поквалитетни услуги, побезбедна и поздрава вода за пиење на граѓаните, како и здолемување на капацитетот на водоснабдувањето, деновиве се работи на обнова и модернизација на главната водоводна мрежа на улицата 9 во населбата Илинден и на улицата 532 во Марино, односно на потегот од Халк банка до „Црна Река петрол“, во должина од 600 метри, извести Општина Илинден.
Увид во градежните работи направија градоначалникот на општина Илинден, Александар Георгиевски, и директорот на ЈКП ,,Водовод“ – Илинден, Ивица Трипуновски. Градоначалникот Георгиевски истакна дека модернизацијата опфаќа замена на старите ПВЦ-цевки со нови полиетиленски поради честите дефекти и загуби на вода на овој дел од водоводната мрежа.
Обезбедувањето квалитетна вода за пиење е еден од приоритетите во работењето на локалната самоуправа, така што Општина Илинден во соработка со ЈКП „Водовод“ и во наредниот период ќе продолжи со модернизација и подобрување на водоводниот систем, се додава во соопштението на Општина Илинден.
Македонија
Милошоски: Новата влада се очекува до 20 јуни, веројатно ВМРО-ДПМНЕ, „Вреди“ и Знам
„Новата влада се очекува до 20 јуни, најверојатно, ВМРО-ДПМНЕ, ‘Вреди’ и Знам“, напиша Антонио Милошоски, актуелен пратеник од редовите на ВМРО-ДПМНЕ, на социјалната мрежа „Икс“.
#Macedonia 120-seat Parliament election 🇲🇰 :
VMRO DPMNE+-EPP: 58
DUI~S&D|EPP|NI: 18
SDSM+-S&D|RE|G/ECR: 18
VREDI~NI: 14
Levica~LEFT: 6
ZNAM-*: 6 MPs
…
The new government is expected until 20.June, most probably VMRO +VLEN +ZNAMhttps://t.co/Wz7ygeAWwG #Избори2024 #IzboriMK pic.twitter.com/QKxvor6FrI— Antonio Macedonian (@AMiloshoski) May 22, 2024
По вчерашното прегласување, Милошоски го објави официјалниот распоред во македонското Собрание.