Македонија
Спасовски од Љубљана: Да имаше малку повеќе храброст, одамна ќе бевме и дел од НАТО, а можеби и дел од Европската Унија
Како да го направиме Западен Балкан подобар и попросперитетен од сигурносен аспект“, беше темата на меѓународната тркалезна маса во организација на меѓународниот институт за блискоисточни и балкански студии ИФИМЕС во Љубљана, Словенија, на која министерот за внатрешни работи, Оливер Спасовски, наречен човек на новото време во однос на спроведените политики и остварените резултати, покрај своето излагање, одговараше и на прашања од присутниот аудиториум.
Модераторот на дискусијата, проф. д-р Зијад Беќировиќ, по повод денешното одбележување на 74-годишнината од создавањето на НАТО, потсети дека Република Северна Македонија стана 30-тата земја членка на НАТО токму во време кога премиер беше актуелниот министер за внатрешни работи, Оливер Спасовски. Запрашан за искуствата за овој голем чекор на државата и за ефектите од членството во алијансата, министерот Спасовски рече:
„Мислам дека е ова важно прашање за сите земји од регионот. Сите знаеме дека НАТО е најголемиот воено-политички сојуз. Ако сите велиме дека сакаме мир, тогаш мора првенствено нашиот регион да биде стабилен. Зошто е НАТО важно? Обезбедивме мир, стабилност и територијален интегритет на земјата. Морам да ги споменам визионерството и храброста на тогашниот премиер Зоран Заев, кој го отвори и водеше целиот тој процес. Тоа воопшто не беше лесно во 2017 година кога земјата излезе од едно режимско владеење, без почитување на човековите права, дека ние би можеле за кратко време да ги решиме отворените прашања, да се помириме со соседите и да покажеме дека имаме капацитет да станеме дел од алијансата. Тоа стана наша цел, на тоа работевме и во 2020 станавме членка на НАТО и мислам дека од сегашна перспектива се зајакна јавната свест и, за жал, на сето тоа што се случува во Европа, се дојде до сознание колку е важно да сте дел од тој воено-политички сојуз. Сите граѓани сфатија колку е важно да сме дел од НАТО. Ако нашата заедничка цел е да станеме регион што ќе извезува мир и стабилност, тогаш мора да се обединиме, да имаме заеднички политики и да креираме политика, која можеме заеднички да ја спроведуваме. Ако сакаме напредок, економски развој и подобар стандард за нашите граѓани, во тоа нема да успееме без безбедноста. Од моментот кога Република Северна Македонија е дел од НАТО, се зголемија и странските инвестиции, интересирањето за земјата од бизнис-аспект, соработката не само со земјите од регионот туку и земји членки на НАТО и ЕУ“.
Говорејќи дека регионот нема друга алтернатива, освен европската, министерот Спасовски истакна дека земјите од регионот мора заеднички да работат за да стигнат до целта на заедничкиот пат. Според него, политиките што се спроведуваат неопходно е да ги донесат европските вредности како дел од општеството, а за тоа се потребни реформи, но не во смисла само на промена на законодавството, туку првенствено како реформа на размислувањето, реформа на умот.
„Сè зависи од нас самите. Потребна е посветеност и потребна е волја!“, порача Спасовски, кој се наврати на 90-тите години и можностите што тогаш ги имаше Македонија.
„Да имаше малку повеќе храброст – бидејќи мудрост имаше – имајќи предвид колку бевме напред во тој период, одамна ќе бевме и дел од НАТО, а можеби и дел од Европската Унија“, посочи Спасовски. Одговарајќи на прашањето за ‘Отворен Балкан’ како инцијатива во која Република Северна Македонија е посочена како пример што поврзува до вчера спротивставени земји, тој посочи дека целта на оваа регионална иницијатива е подобар однос меѓу земјите од регионот поради што е поддржана еднакво и од ЕУ и од САД.
„Но, ‘Отворен Балкан’ во никој случај не е алтернатива за ЕУ, која претставува наш национален интерес. Нема отстапувања од патот кон европското семејство, но додека чекаме, мораме да си помогнеме регионално. Да овозможиме нашите луѓе, производите, услугите да се движат слободно. Да ја користиме работната сила без пречки, признавање на дипломите… Деновиве, на еден од најголемите саеми во Италија имавме заеднички настап како ‘Отворен Балкан’. И тоа е целта – да си помогнеме самите на себе на патот кон ЕУ, да создадеме подобар живот за нашите граѓани“, потенцира министерот Спасовски.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Во тек е исплатата на правата од социјална и детска заштита
Министерството за социјална политика, демографија и млади информира дека денеска започна исплатата на правата од социјална, детска и цивилна заштита за месец Март 2025 година.
Корисниците на парични права коишто поседуваат дебитна картичка ќе можат да подигнат готовина на банкоматите на банките, да ги користат средствата за безготовински плаќања во продажната мрежа или преку електронско и мобилно банкарство од денеска, 04 Април 2025 година.
Со цел да се избегне метеж пред и во банките при исплата на правата, за корисниците кои не користат картички, исплатата ќе се спроведе во 2 групи во сите отворени филијали и експозитури на банките, согласно со утврдениот распоред по азбучен ред, според првата буква од презимето и тоа:
04.04.2025 – А, Б, В, Г, Д, Ѓ, Е, Ж, З, Ѕ, И, Ј, К, Л, Љ
07.04.2025 – М, Н, Њ, О, П, Р С, Т, Ќ, У, Ф, Х, Ц, Ч, Џ, Ш.
Македонија
„Ниту 50% намалени цени за патарините, ниту патни трошоци за работниците“, власта не ги изгласа предлозите на партијата Левица
„Македонија ќе продолжи да ги има најскапите патарини во Европа за едни од најлошите и не безбедните патишта бидејќи пратениците од власта на ВМРО-ДПМНЕ, ЗНАМ и ВРЕДИ одбија да гласаат по предлогот на Левица за намалување на истите за 50%“, велат од партијата Левица.
Предлогот го образложи пратеникот од Левица, Реџеп Исмаил, којшто посочи дека е „некоректно пратениците на коишто им се исплаќаат патни трошоци (каде се вклучени и патарините), да немаат разбирање особено за работниците коишто патуваат секој ден до работното место трошејќи две до три плати просечно за патарини“.
Пратениците коишто земаат патни трошоци не се согласија и на работниците да им следува таков надоместок.
Предлогот на Левица го образложи координаторот на пратеничката група, Борислав Крмов, којшто објасни дека надоместок за патни трошоци им следувало на работниците во Македонија, но истиот бил укинат во 2008 година:
„Забелешките кои ги даде поранешниот министер за финансии, Трајко Славевски, којшто тврди дека сѐ уште постојат патни трошоци за работниците, но тие сега се наоѓаат во бруто платата – не се соодветни бидејќи тоа не се однесува на приватниот сектор и ваквото право вообичаено се поништува со колективните договори, договорите за вработување. Така што, патни трошоци во бруто плата нема“ – објасни пратеникот Крмов.
„Не можеме овој трошок на работниците да го третираме како наивен. Позитивен пример во регионот е Србија – таму газдите се должни да им исплатат надоместоци или да им организираат превоз на работниците. И затоа, таму целосно го остваруваат ова право, без манипулации“ – посочи тој.
Пратениците од Левица ја предложија истата формулација за пресметка на патни трошоци за работниците која што ја предложија и при обидот за да се вразумат патните трошоци на пратениците, но која беше одбиена.
„Како најодговорна ќе ја посочам пратеничката група на ВМРО-ДПМНЕ затоа што влада на ВМРО-ДПМНЕ го има укинато ова право на работникот и бидејќи зависи од ВМРО-ДПМНЕ дали ова решение сега ќе се донесе. Дополнително, од 2010 до 2024 пратениците од ВМРО-ДПМНЕ ја чинат државата рекордни 3.705.914 евра за патни трошоци. Затоа ве повикувам да покажете сенс и доблест и да не се однесувате како некоја привилегирана каста која нема допир со реалноста и реалноста која ја живее обичниот работник. Работниците се процентуално најголем дел од населението и од вашите гласачи, и за нив треба да работиме, а не за газдите“ – потенцираше пратеникот од Левица, но и овој предлог парламентарното мнозинство не го изгласа.
Македонија
ВМРО-ДПМНЕ: Почна исплатата на зголемените плати во здравството
„Со априлската плата за месец март, здравствените работници го добија ветеното зголемување на платите од 2500 денари!“, велат од ВМРО-ДПМНЕ.
„Со многу труд, работа и посветеност, платите во јавното здравство заедно со зголемувањето во ноември минатата година, достигнавме зголемување од 4815 денари, додека пак за медицинските сестри, платите се зголемија за 6200 денари!
Моментално, просечната плата во јавното здравство изнесува над 50 илјади денари. Ова се должи на октомвриското зголемување од 10,49%, а додека пак кумулативно ќе достигне дури 17,18%!
За разлика од периодот од 2021-2023 кога реалниот раст изнесуваше само 3,8%, сега здравствените работници, добиваат реален раст на нивните плати од 9,4%.
Владата предводена од ВМРО-ДПМНЕ ги реализира своите ветувања и работи за зголемување на платите во сите сектори!“, соопшти ВМРО-ДПМНЕ.
Уште една жртва од пожарот во Кочани, почина управителот на дискотеката „Пулс“
По неколкунеделно лекување почина Александар Карадакоски, управител на ММММ Кафе дооел, која што управувала и со дискотеката „Пулс“ во која животот...
ДУИ: Дали новиот општествен договор е антипод на Охридскиот договор и почеток на реформатирање на уставниот модел на државата?
„Како е можно лидерска средба за таканаречен „нов општествен договор“ да се одржи меѓу првопласираната и третопласираната партија на изборите?...
„Во Буџетот обезбедивме 17 милијарди денари за зголемување на пензиите и здравствено осигурување на пензионерите“, велат од Владата
„Грижата за пензионерите е приоритет на Владата. Пензионерите конечно го добија заслуженото. Линеарното зголемување на пензиите за 5.000 денари на...
(Фото) Голем одрон на регионалниот пат Струмица – Костурино – Валандово
„Голем одрон на регионалниот пат Струмица-Костурино-Валандово“, извести градоначалникот на Струмица, Костадин Костадинов преку социјалните мрежи. Тој ги повика граѓаните да...
Венс за падот на берзата: Беше тоа само еден лош ден, ќе имаме бум
Американскиот потпретседател Џеј Ди Венс изјави за Newsmax дека вчерашниот пад на берзата, најголем од 2020 година, е само еден...
Данската премиерка за Америка: „Не можете да анектирате друга земја, дури и со аргументот за меѓународна безбедност“
Премиерката на Данска Мете Фредериксен вчера повторно ги отфрли повиците на американскиот претседател Доналд Трамп за анексија на Гренланд. Трамп...
Трамп: Случајот против Марин Ле Пен е лов на вештерки
Американскиот претседател Доналд Трамп денеска и понуди поддршка на лидерката на француската екстремна десница, Марин Ле Пен, откако судот во...
Историска одлука: Уставниот суд го смени претседателот на Јужна Кореја
Уставниот суд на Јужна Кореја одлучи да го смени претседателот Јун Сук Јеол, потврдувајќи го неговото отповикување во парламентот поради...
Трамп: Маск може да остане колку сака, но ќе се врати во своите компании
Американскиот претседател Доналд Трамп доцна синоќа повторно го поддржа својот советник, милијардерот Илон Маск, поради критиките за неговиот план за...
„Стабилна е здравствената состојба на осумтемина македонски пациенти“: Сиљановска-Давкова ги посети во Софија
Претседателката Гордана Сиљановска-Давкова објави дека ја посетила болницата „Пирогов“ во Софија каде што се згрижени повредените во трагичниот пожар во...
(Видео) Мицкоски и Филипче договориле формирање на работни групи
Премиерот Христијан Мицкоски и лидерот на СДСМ, Венко Филипче, на состанокот во Владата договориле формирање на работни групи за спроведување...
Најниската плата во здравството се искачи на 27.000 денари, толку ќе земаат чистачите
Со линеарното зголемување од 2.500 денари најниската плата во здравство изнесува нешто над 27.000 денари, соопшти денес директорот на Фондот...
(Видео) Токсично загадување на Крива Река, водата да не се употребува ни за наводнување, порача градоначалникот Митковски
Врз основа на анализата направена од Институтот за јавно здравје на барање на риболовното друштво „Мрена“, водата во Крива Река...
Семејствата на жртвите oд модуларната болница повикаа да се обнови истрагата, а германското вештачење да биде клучен доказ
Семејствата на жртвите од пожарот во модуларната болница во Тетово побараа Обвинителството да ја обнови истрагата. На прес-конференција пред Основниот...
Тошковски не кажа како службена тајна завршила кај обезбедувачот на премиерот за да не ја осуети истрагата
Министерот за внатрешни работи Панче Тошковски и утрово порача дека неселективно ќе се бори против криминалците и кога тие доаѓаат...
Се гони и таткото на возачот што ја усмрти Фросина: му го давал возилото, а знаел дека нема возачка дозвола
Обвинителството поднесе обвинение и за таткото на Васил Јованов, кој ја усмрти Фросина Кулакова прегазувајќи ја на 29 јануари на...
Активистите бараат итно да се спречи изградбата на хотел на „Горица 3“: „Се гради противзаконски“
Активистите на граѓанската иницијатива „Охрид СОС“ и еколошкото здружение на граѓаните „Фронт 21/42“ преку отворено писмо побараа од надлежните институци...
Трамп воведе царина од 33 отсто за Македонија, највисока во регионот за Србија
Помеѓу повеќето од 180-те земји и територии погодени од одлуката на американскиот претседател Доналд Трамп за реципрочна царина се и...
Бројот на загинати во Мјанмар се искачи на 3.003, несезонските дождови ги отежнуваат спасувачките напори
Бројот на жртвите од разорниот земјотрес во Мјанмар надмина 3.000, а стотици сè уште се водат за исчезнати бидејќи се...
(Видео) Трамп наметна царини од 20 отсто за ЕУ; Се обрати Фон дер Лајен: „Последиците ќе бидат страшни“
Претседателката на Европската комисија, Урсула фон дер Лајен, ги коментираше царините на Трамп во видео обраќање на неколку јазици: на...
