Македонија
СПМ ги повика другите полициски синдикати да се спротивстават на незаконските прераспоредувања во МВР
Синдикатот на полицијата во Македонија ги повикува вработените во Министерството за внатрешни работи, членовите на двата синдиката – Македонскиот полициски синдикат и на Независниот синдикат на полицијата, да се приклучат во борбата за заштита на работните права на вработените во МВР.
Сидикатот преку проглас укажува на алармантна состојба од зголемено кршење и повредување на работните права, вознемирувањето на дел од вработените и нарушувањето на човечките односи во речиси секоја организација. Од Синдикатот наведуваат дека ова особено се однесува на незаконски прераспоредувања во полицијата, кои се спроведуваат преку злоупотреби на службени положби од страна на правната служба и претседателите на комисиите во МВР.
Таквите прераспоредувања, потенцираат од Синдикатот, имаат нанесено огромни штети на вработените спротивно на нивната волја, што е докажано по извршениот вонреден инспекциски надзор од страна на Државниот инспекторат за труд.
„Наша законска обврска е да ги штитиме Уставот и законските прописи да не дозволиме нанесување штета и на буџетот на РМ од предизвикување тужби и продолжување на натамошни злоупотреби. Оттука ги повикуваме останатите два синдиката, МПС и НСП, да излезат со своја реакција и да ни се приклучат во натамошната битка за заштита на загарантирани права на вработените во МВР. Особено го повикуваме МПС, односно претседателот на репрезентативен синдикат да упати остра рекација до министерот поради грубото кршење на правата на работниците, особено поради заобикуловање на нивните два члена кои се дел како претставници од комисиите за распоредување во МВР и воедно јавно да го праша министерот Спасовски кој одлучувал во нивно име?, се вели во прогласот на Синдикатот.
Тие велат дека е потребно заедно да се спротистават на, како што посочуваат, игнорантскиот однос на министерот Оливер Спасовски. МВР е единствено што не добило никакво покачување или награда во оваа состојба со пандемијата, се додава во прогласот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Николоски до директорот на ТЕЦ Неготино: Од каде ти се парите за хациендата во која живееш, дали од крими тендерите на сопругата во РЕК Битола или од твојот криминал со мазут во ТЕЦ Неготино?
-За Неготино предвидуваме убави работи во оваа програма, предвидуваме изградба на експресниот пат Кавадарци до Неготино, планираме изградба на обиколница околу Неготино, планираме завршување на гасификацијата и гасификација на ТЕЦ Неготино. Планираме можеби за мене најзначајно најдостоинствени цени за лозарите, за откуп на грозјето кои што ќе значат достоинствено и зголемено производство и она што е многу значајно рестартирање на Повардарие доколку не може на друг начин државата да го рестартира, за да се стави крај во откупот на монополот во откупот на грозје и производството на вино, за да ставиме крај на олигархијата која што ве понижува со понижувачките цени кои што ги даваат за откуп на грозје, истакна Александар Николоски, потпретседател на ВМРО-ДПМНЕ и носител на ИЕ 3 на денешниот митинг во Неготино во рамки на претседателската и парламентарната кампања.
Николоски пред неготинчани рече дека во секоја општина има по неколку криминалци од СДСМ, но неготинчани за жал имаат двајца од најголемите кои се токму во Неготино, посочувајќи дека едниот е актуелниот директор на Електрани на Македонија, другиот актуелниот директор на ТЕЦ Неготино.
-Постојат многу причини зошто СДСМ и ДУИ ќе се борат до последен ден, пред се заштита на криминалот и корупцијата. Криминалци има од секоја општина од секое место во Македонија, но вие ја имате несреќата двајца од најголемите да се токму од Неготино. Едниот актуелниот директор на Електрани на Македонија, другиот актуелниот директор на ТЕЦ Неготино. И кога се прашувате зошто им го дозволуваат ова што им го дозволуваат на ДУИ, единствениот одговор е за да можат да крадат заедно и едните и другите, нема друг одговор освен ова, истакна тој.
Николоски упати прашање до актуелниот директор на ТЕЦ Неготино со која директорска плата се гради хациенда како неговата, посочувајќи дали истата е платена од тендерите кои неговата сопруга ги има добиено од крими тендерите во РЕК Битола или пак од неговиот криминал со мазут во ТЕЦ Неготино?
-Би сакал одовде да го прашам директорот на ТЕЦ Неготино со која директорска плата се гради хациенди како да е на Холивуд, со која директорска плата директоре си градат хациенди кои што не се видени на ниедно друго место во Македонија, обичен свет не може да ги замисли, а верувајте и подобри бизнисмени не можат да ги замислат. Дали тоа е со платата или можеби од тендерите која што твојта сопруга ги добива преку нејзината фирма во Електрани во Македонија, но сега малку подолу во РЕК Битола, праша Николоски.
Николоски нагласи дека деновиве има сознанија за влијание на граѓаните и притисоци, уцени и закани како и нудење за поткуп, укажувајќи дека ќе има одговорност и за ова, но и за тендерите на мазут.
– И слушам деновиве во нелегални активности на обид за влијание врз гласачи на притисоци, на уцени, на закани на нудење на поткуп на гласачи, за тоа се одговора како што ќе се одговара за криминалот и корупцијата во ТЕЦ Неготино, ние баснословната набавка на мазут нема да ти ја заборавиме, ни првата, ни втората. Ние нема да заборавиме како беа штелувани условите за да не може да се пријави никој друг освен оној кој што го доби тендерот, рече Николоски.
Македонија
Мицкоски: ВМРО-ДПМНЕ ќе го истреби криминалот и за истиот ќе има одговорност, затоа ни треба поддршката од граѓаните на 8 мај за број 2
Многу е важно да се земе активно учество во овие избори. Резултатот во првиот круг беше би рекол историски. Владата е делегитимирана и треба да оди во опозиција и СДСМ и ДУИ, рече лидерот на ВМРО-ДПМНЕ, Христијан Мицкоски на денешниот митинг во Неготино.
Мицкоски посочи дека СДСМ денес се претвори во обичен измеќар на ДУИ, затоа ова што им се случува не е случајност.
„ДУИ и СДСМ мора да одат во опозиција. Мора да престане праксата ДУИ ќе биде малку со ВМРО-ДПМНЕ, па со СДСМ. ДУИ сака да го понижи македонскиот народ и да ја клекне на колена Македонија. Ми пречи криминалот на ДУИ. Тие повеќе од 20 години крадат од сите вас. Тие повеќе од 20 години ја урнисуваат Македонија. СДСМ мислеа дека противник им е ВМРО-ДПМНЕ, а не гледаа што прават од ДУИ“, кажа Мицкоски.
Затоа, додаде Мицкоски, сакам да предупредам за нешто за што имам информации дека се случува.
„Банди од ДУИ обиколуваат граѓани. Ќе се обидат да го купат гласот, ќе се обидат ДУИ да има пратеник во изборните единици 3 и 4. Секој бандит кој ќе нуди пари, практично ви нуди ваши пари, украдени од вас. Предупредувам да не биде дека не сум кажал. Мои браќа и сестри се сите граѓани, но нема простор за криминалците. Тие знаат што ги чека. Јас нема да правам пакт со криминалот, туку ќе го истребам. Мора да има одговорност за криминалот“, вели Мицкоски.
Мицкоски посочи дека ќе тропне на секоја порта.
„Македонија е држава на лојални граѓани без разлика на етничка припадност. Ќе побараме поддршка, ќе замолиме, ќе предупредиме дека ова се клучни избори. Секој човек ќе го убедам дека секој мора да излезе да ставиме крај на ова уништување на државата“, кажа Мицкоски.
Мицкоски укажа дека ова е момент да се обединиме.
„Ги повикувам сите, поддржувачи на СДСМ, оние кои останаа дома, сите да излеземе против оваа власт. Вашата доверба нема да ја изневериме потребна е поддршка за Македонија“, рече Мицкоски.
Македонија
Мицкоски сфати каде е тежината на албанскиот глас, вели Таравари
Ккандидатот за претседател од коалицијата „Вреди“, Арбен Таравари, вели дека е добро што ВМРО-ДПМНЕ ја сфатила, како што посочува, тежината на гласот и на пратениците Албанци.
Во напишаното на социјалните мрежи Таравари истакнува дека сега ќе се фокусираат на изборите, а после 8 мај при формирање на новата влада ќе се водат од националниот интерес на Албанците, од итната потреба да се исчисти власта од корупција и од нивната непреговарачка прозападна ориентација.
„Предлогот на Мицкоски покажува дека и ВМРО сфати каде е тежината на гласот и на пратениците Албанци.
Но, нашиот фокус како коалиција и како партија е работата за изборите на 8 мај, за најголем број мандати.
По изборите ќе се водиме од националниот интерес на Албанците, од итната потреба да се исчисти власта од корупција и од нашата непреговарачка прозападна ориентација“, порачува Таравари.
Ние како „ВЛЕН“, додава тој, сме пообединети од кога било. „Нашиот глас е мнозинство од гласовите на Албанците. Нашите мандати одат кај пратениците Албанци. Бидејќи ние го штитиме напредокот на Албанците, не ги продаваме и не ги купуваме“’, дециден е Таравари.