Македонија
Средба на Пратеничките групи за соработка Полска – Македонија

Прашањата за продлабочување на билатералната и економска соработка, полноправно членство во НАТО алијансата, пристапување на Северна Македонија кон ЕУ семејството, уставните измени, проширувањето на ЕУ, како и форматот „Трите мориња“, беа во фокус на денешната средба во Собранието на Пратеничките групи за соработка Полска-Северна Македонија.
Делегацијата од Полска беше предводена од Ришард Терлецски, заменик-претседателот на Сејмот и претседател на Полско-балканската парламентарна група и Анита Червињска, претседателка на Пратеничката група за соработка Полска-Северна Македонија, и членовите. Од наша страна покрај Фаница Николоска, претседателка на Групата, беа присутни и членовите: Марија Петрушевска, Јадранка Поцкова, Емилија Рамбабова и Мирослав Јовановиќ.
Претседателката на Групата, Николоска, изрази задоволство од реализација на средбата, која е доказ дека двете држави долги години градат пријателски однос. Исто така, таа посочи дека особено ја цени поддршката што Полска ѝ ја дава на земјава на евроинтегративниот пат, како и унапредување на соработката во оние области во кои имаме најголем интерес.
Терлецски, заменик-претседателот на Сејмот од своја страна уште еднаш ја реафирмираше полската посветеност за што поскорешно пристапување на Северна Македонија во ЕУ, и покрај тоа што тој пат не тече толку лесно треба да се забрза, битно е да се биде внатре во Унијата и да се исполнуваат критериумите, а не од надвор.
Полска за евроинтегративните процеси на Западен Балкан особено Северна Македонија е едногласна и таа треба да стане земја-членка на ЕУ, тие процеси треба да бидат забрзани, истакна Червињска, претседателка на Групата.
Средата финишираше со покана за возвратна посета на полскиот Сејм од страна на Терлецски, а со цел продлаб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
СДСМ: Јавното обвинителство се обиде да ја релативизира одговорноста на актуелните функционери

Според СДСМ, со денешната прес-конференција, Јавното обвинителство уште еднаш потврдило дека постои сериозен обид да се минимизира и релативизира одговорноста на носителите на актуелни функции и институции поврзани со трагедијата во Кочани.
Од опозициската партија велат дека наместо да се лоцира институционалната одговорност и да се повикаат на одговорност директорите на Државниот пазарен инспекторат, УЈП и други релевантни органи кои имаа обврска да постапуваат, фокусот се префрла на индивидуални случаи и на маргинални групи, избегнувајќи ја суштината – зошто и како фирма увезувала и со месеци продавала опасна пиротехника без дозвола, и кој тоа го дозволил.
Дополнително, како што се додава, наместо да се отворат посебни истраги за секој аспект од случајот – за незаконскиот увоз, за институционалниот надзор, за реакцијата на полицијата и за конкретните пропусти на диското, Обвинителството сѐ спакува во еден предмет, со што ризикува да се развлекува постапката со години, па дури и децении. Со ваков пристап, правдата станува недостижна – а тоа е неприфатливо.
„Сериозно прашање е и одлуката приведените полицајци и полициски функционери, кои биле одговорни кобната вечер, да се пуштат на слобода со мерки за претпазливост. Особено загрижува фактот дека двајца од нив биле пресретнати на пат кон граница со Бугарија, што отвора сомнеж за можно бегство и криење на вината.
СДСМ уште еднаш потенцира – без целосна и непристрасна истрага, без одговорност за институциите и носителите на функции кои затаиле, нема да има вистинска правда за жртвите и нивните семејства.
Граѓаните гледаат. И со право очекуваат правда“, се додава во партиското соопштение.
Македонија
(Видео) Во Гази Баба се гради огромна дива депонија без никакви дозволи, објави Арсовска

Во општина Гази Баба, фирма затекната од инспекторат на град Скопје при вршење нелегални активности, правење огромна дива депонија со градежен и опасен отпад и бесправна експлоатација на земјиште, без лиценци, елаборати, дозволи и одобренија, што претставува сериозна опасност по здравјето на граѓаните и животната средина, објави градоначалничката на Град Скопје, Данела Арсовска.
„Апелираме до Министерството за внатрешни работи да постапи, бидејќи неказнивоста и непостапувањето предизвикува сторителите на вакви дела да мислат дека се недопирливи пред законот. Фирмата која прави дива депонија и каде се експлоатира, го има поткопано 110kV кабловски и воздушен далновод кој го напојува со електрична енергија градот Скопје. На ова земјиште сопственост на Република Македонија се прави сериозна штета на главниот далновод, известени се сите надлежни институции за кои очекуваме да не се кријат и да постапуваат“, вели Арсовска.
Македонија
Кривични пријави против двајца угостители од Берово и од Пехчево за бесправно градење

Полицијата поднесе кривични пријави против правно лице – угостителски објект од Пехчево и против С. П. (43) од Пехчево и против правно лице – угостителски објект од Берово и В. К. (32) од Берово поради постоење основи на сомнение за сторени кривични дела бесправно градење.
Пријавениот С.П., сопственик и управител на правното лице од Пехчево, на катастарска парцела во Пехчево во државна соспственост, без одобрение за градење издадено од надлежен орган, изградил тврд објект во кој што е сместен угостителскиот објект и вршел угостителска дејност.
Пријавениот В.К., сопственик и управител на правното лице од Берово, на катастарска парцела, сопственост на Т.К. и М.К., на земјоделско земјиште, надвор од урбанистички план за град Берово, бесправно изградил тврд објект во кој што е сместен угостителскиот објект во кој вршел угостителска дејност.