Македонија
Средношколците присуствуваа на состанокот на Комисијата за заразни болести

Утрово, на состанокот на Комисијата за заразни болести присуствуваа и претставници од Сојузот на средношколците. На редовната координација од страна на претставниците на Комисијата им беа презентирани извештаите со детаљната состојба од Ковид-19 во земјата.
На состанокот претставниците на Сојузот на средношколците ги претставија барањата на учениците, од повеќето се веќе во планот на Комисијата за заразни болести за почеток на учебната година. Она што беше, пред сѐ, предмет на дискусија е периодот на имплементација на одредени протоколи за кои Комисијата инсистира да бидат имплементирани етапно во согласност со епдидемиолошката состојба во земјата.
Министерот за здравство, Венко Филипче, пред средношколците го објасни процесот на воведување и попуштање на рестриктивните мерки во согласност со епидемиолошката состојба. Тој информира дека сите мерки за превенција донесени врз основа на стручните анализи и препораки на Комисијата во интерес на заштитата на здравјето на децата и родителите.
На состанокот двете страни се заложија да продолжат со интензивна комуникација, со цел добра организација и имплементација на мерките за спроведувањето на наставата во претстојната учебна година. Министерството за здравство и Комисијата за заразни болести се заинтересирани за соработка со сите фактори, заедничката комуникација продолжува и понатаму.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Сопственици на апартмани во Солун и Неа Каликратија во Грција им понудија бесплатно сместување на родителите на повредните пренесени на лекување во Солун

Сопственици на апартмани во Грција им понудија бесплатно сместување на родителите чии деца се пренесени на лекување во Солун. На социјалните мрежи тие споделуваат телефонски броеви на кои може да се јават родителите и роднините на повредените деца за да побараат сместување. Понуденено е сместување во Неа Каликратија, оддалечена триесеттина километри од Солун и во Солун.
Попладнево министерот за здравство Арбен Таравари извести дека на лекување во Солун се испратени тројца повредени во пожарот во дискотеката во Кочани.
На лекување во странство се испратени вкупно 47 пациенти. Покрај тројцата во Солун, 14 повредени се испратени во Бугарија, од кои во Софија се осуммина, во Пловдив се тројца и во Варна се упте тројца. Во Белград е испратен еден пациент, во Ниш еден, во Истанбул тројца пациенти, а со авион најави дека вечерва ќе одат уште шестмина. Договорено беше вечерва четворица пациенти да бидат пренесени во Хрватска и уште 15 во Белград.
Македонија
Медицински експерти од Израел на пат за Македонија за да помогнат по трагедијата во Кочани

Министерот за надворешни работи на Израел, Гидеон Саар го информирал шефот на македонската дипломатија Тимчо Муцунски дека израелски медицински експерти патуваат во земјава за да помогнат.
Во објава на Икс, Саар исто така изразува сочувство за страшната трагедија во која загинаа повеќе од 50 лица, а десетици беа повредени во пожарот.
„Израел стои зад Северна Македонија во овие тешки моменти“, се наведува во неговата објава на платформата Икс, каде што беа објавени и знамињата на Израел и Северна Македонија.
Муцунски му се заблагодари на Саар преку објава на X, истакнувајќи: „Во овие тешки моменти, солидарноста на нашите партнери и пријатели е навистина непроценлива за нас“.
Македонија
Вечерва зборуваме на различни јазици, но исто тагуваме и жалиме за нашите млади момчиња и девојки што неправедно ги изгубивме, вели Меџити

Вечерва, на плоштадот „Скендербег“, положивме цвеќе во чест на изгубените животи во трагедијата во Кочани, напиша на социјалните мрежи Изет Меџити првиот вицепремиер и министер за животна средина по трагедијата во Кочани.
„Заедно ја споделуваме болката и се солидаризираме едни со други. Вечерва зборуваме на различни јазици, но исто тагуваме и жалиме за нашите млади момчиња и девојки што неправедно ги изгубивме. Нашите молитви и мисли се со семејствата на жртвите и повредените. Тие не се сами во оваа болка! Ние сме заедно“ објави на фејсбук Меџити.