Македонија
Станковиќ: Не поддржуваме нови вработувања во „Водовод“ зашто Арсовска избрка луѓе бидејќи имало превработеност

Малиша Станковиќ, советник во Советот на Град Скопје од коалицијата на ВМРО-ДПМНЕ-СПМ, на денешната седница, говорејќи за годишниот план за вработување 120 лица во ЈП „Водовод и канализација“ за 2023 година, истакна дека нема да поддржи вработување на овие лица бидејќи новоименуваниот директор на претпријатието веќе им ги прекинал договорите на 100 лица со објаснување дека претпријатието е превработено.
Се работи за една точка, а тоа е утврдување на годишниот план за вработување лица во повеќе јавни претпријатија. Во случај ова е точка на вработувања на лица во ЈП „Водовод и канализација“, каде што е предвидено дека во наредната година, односно во 2023 треба да се вработат 120 лица. Не значи дека сите 120 лица ќе се вработат, меѓутоа со самото постоење ваква одлука постои можност за вработување лица во јавното претпријатие. Земјаќи предвид дека директорот на јавното претпријатие „Водовод и канализација“ веднаш непосредно по своето стапување на функција отпушти од работа, односно им ги раскина договорите на над 100 вработени во јавното претпријатие, сметам дека ваквата одлука како советници не треба да ја поддржиме за да не го ставаме во дополнителен товар да се става во искушение некого да вработи во јавното претпријатие во 2023 година бидејќи со самото тоа покажува тенденција дека има превработени луѓе за очекување дека во 2023 година овој директор, како и воопшто директорите на јавните претпријатија, ќе продолжат со онаа стратегија на опуштање луѓе, а не со примање луѓе во работен однос. Па, затоа ваквиот тип на одлуки нема да им бидат поддржани и нема да ги гласаме одлуките што се однесуваат за годишни вработување на директорите на јавните претпријатија, вели Становиќ.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Сончево време со температура до 25 степени

Времето денеска ќе биде поведро и посвежо, преку денот сончево со мала до умерена локална облачност. Ќе дува слаб до умерен ветер од североисточен правец, информира УХРМ.
Минималната температура ќе биде во интервал од 0 до 8, а максималната ќе достигне од 18 до 25 степени.
Во Скопје, сончево со слаб до умерен ветер од североисточен правец. Минималната температура ќе се спушти до 6, а максималната ќе достигне до 25 степени.
Следува период на сончево и потопло време со мала до умерена облачност и со умерен северен ветер. Денеска и во среда утринските температури ќе бидат пониски, а дневните ќе бидат во постепен пораст.
Македонија
Чучер Сандево денеска без струја

Од ЕВН Македонија АД известуваат дека денеска без електрична енергија ќе останат:
– во периодот од 09.00 до 16.00 часот, корисниците од селата Побожје, Бродец, Малино, Танушевци, Брест во општина Чучер Сандево.
Македонија
Филипче: Македонија годинава ќе биде со најнизок економски раст во регионот

Претседателот на СДСМ, Венко Филипче, денеска беше во посета на Радовиш, каде што се сретна со граѓаните и разговараше за предизвиците со кои се соочуваат во секојдневниот живот.
„По десет месеци од новата власт, разочарувањето е големо. Цените продолжуваат да растат, платите стагнираат, а граѓаните сè потешко врзуваат крај со крај“, истакна претседателот на СДСМ, Венко Филипче.
Филипче нагласи дека СДСМ со месеци дава конкретни предлози и закони за раздвижување на економијата и зголемување на платите, но дека власта останува глува.
„СДСМ со месеци дава конкретни предлози и закони со кои ќе се раздвижи економијата и ќе се зголемат платите, но власта е глува. Со месеци предупредувавме дека економијата тоне, а денес таа потврда стигна и од проекциите на Светската банка. Македонија, за жал, оваа година ќе биде со најмал економски раст во регионот. Владата ветуваше дека ќе бидеме лидери во регионот, но очигледно ќе бидеме последни. Ова е резултат на погрешни економски политики, но и целосна негрижа за граѓаните“, изјави Филипче.
Во своето обраќање, тој подвлече дека СДСМ останува на страната на граѓаните и ќе продолжи да работи за подобар живот за сите
„СДСМ ќе продолжи да работи и нуди решенија, силно верувам дека граѓаните ќе ја препознаат искрената намера и чесните политики кои се наменети за подобар живот“, додаде претседателот на СДСМ.