Македонија
Судот бара доказ од вештакот дали Бојан Јовановски ѝ должи на „Систина”

Бојан Јовановски не присуствуваше на второто рочиште во Граѓанскиот суд каде е тужен од страна на болницата „Систина” за долг од 10 илјади и 300 евра. Тој за време на судењето беше во Обвинителството за организиран криминал каде даваше исказ за случајот поврзан со работењето на Меѓународниот сојуз. Рочиштето беше одложено по барање на судот, откако судијката Лилјана Зафировска-Петреска побара вештакот да го дополни наодот.
Вештакот Елизабета Дамеска-Јовановска, кој го најми болницата „Систина”, кажа дека се анализирале документи со кои „Систина” барала да 1 се платат парите кои Бојан Јовановски ги должи.
„Тужениот ја примил спорната фактура од 11.04.2019 година во износ од 634.251 денар. Како потврда дали здравствените услуги се извршени, направив увид во медицинското досие на тужениот. По анализа на документацијата констстирав дека од страна на тужениот е побарана здравствената услуга од тужителот и таa е извршена. Согласно ова, тужителот побарува од тужениот 634.251 денар, кои до денот на изготвувањето на вештачењето, не беа платени”, рече вештакот Дамеска-Јовановска.
Вештото лице на прашање од судот рече дека не била во просториите на „Систина”, а медицинската документација и фактуритеѝ биле доставени по електронска пошта. Судот побара од вештото лице да го дополни наодот, бидејќи е нецелосен и да изврши увид во сметководствено-финансиската документација на „Систина” за да одговори на прашањето дали во сметководството е евидентиран неплатен долг од страна на тужениот, дали можеби е платен делумно или воопшто не е платен.
Судот му даде рок од 30-дена на вештакот да направи увид во „Систина”, по што, следното рочиште го закажа за февруари идната година.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
32-годишен скопјанец осомничен за разбојништво во Бучимци: маскиран и со ловечки нож ограбил соселанец

Јавен обвинител од Основното јавно обвинителство Скопје поведе постапка против едно лице осомничено за кривично дело – Разбојништво од член 237 став 4 во врска со став 1 од Кривичниот законик.
Осомничениот 32-годишен скопјанец, на 18 август, маскиран со маица со која си го покрил лицето и капа, преку незаклучена влезна врата влегол во домот на негов соселанец во селото Бучимци. Во рацете држел ловечки нож и кога во една од собите го затекнал сопственикот, му се заканил дека ќе го убие ако не му даде пари.
Оштетениот, исплашен за својот живот, извадил 4.000 денари од комодата, но го замолил разбојникот да му дозволи да задржи барем 1.000 денари, бидејќи му се неопходни.
Осомничениот се согласил и го напуштил местото со 3.000 денари кои противправно ги одзел од сопственикот.
Јавниот обвинител до судијата на претходна постапка достави предлог за определување мерка притвор за осомничениот, бидејќи постојат околности кои укажуваат на опасност од бегство, можност за влијание врз сведокот/оштетен со заплашување и уценување, како и можност да го повтори делото.
Македонија
Зголемена фреквенција на возила на граничните премини Табановце и Богородица

Поради пожар во националниот Парк Јасен, регионалниот пат Р1106 Македонски Брод – Скопје затворен е за секаков вид на возила, извести АМСМ.
Сообраќајот на државните патишта се одвива непречено, по суви коловози.
Интензитетот на сообраќајот на патиштата надвор од градските средини е зголемен. Поради летните одмори, се бележи зголемена фреквенција на возила, на ГП „Табановце“ времето на чекање за влез е околу 20 минути, за излез е околу 40 минути.
На ГП „Богородица“ времето на чекање за излез знесува околу 20 минути, додека на останатите гранични премини од македонска страна нема подолги задржувања при влез или излез од државата.
Македонија
Вицепремиерот Николоски во Будимпешта на прослава на Националниот ден на Унгарија

Вицепремиерот Александар Николоски на покана на премиерот на Унгарија, Виктор Орбан, присуствува на Националниот ден кој се слави во чест на Свети Стефан основачот на унгарската држава и христијанството во Унгарија.
Покрај учеството на прославата на националниот ден, предвидени се повеќе средби со високи претставници на владата на Унгарија, неколку министри и потенцијални инвестиции. На средбите е предвидено да се разговара за динамиката на проектите во Македонија како и за идната засилена економска соработка помеѓу двете држави.
Посетата на вицепремиерот е уште една потврда за одличното пријателство и соработката помеѓу Македонија и Унгарија, се додава во соопштението на Министерството за транспорт.