Македонија
Таравари постхумно ќе го одликува починатиот возач на Итната помош: Не знам колку часови работел, но направил огромна работа

Возачот Иле Гоцевски, кој почина откога единаесет пати го мина патот од Кочани до Скопје со пациенти, ќе биде постхумно одликуван. Министерот за здравство Арбен Таравари најави дека следната недела ќе го повика неговото семејство и ќе го одликува.
„Јас немам информација колку часови работел, меѓутоа дека направил огромна работа за превоз на пациентите – тоа е неоспорно. Планирам, како Министерство за здравство, да го викнам неговото семејство и постхумно да го одликуваме. Да помине оваа недела, идната планирам како министер да го одликувам постхумно“, рече министерот Таравари.
На новинарско прашање дали навистина возачот работел 30 часа и дали тоа е недостиг во службата, министерот кусо одговори: „Во вонредни состојби сите работиме, беа да гледаме во часовникот и на работното време“.
Возачот Иле Гоцевски, откога ги превезол сите повредени во пожарот во Кочани во неделата утрото, а кои можел да ги превезе, се вратил дома да се одмори и не се разбудил. Неговата смрт ја потврди министерот Таравари пред три дена со објаснување дека срцето не му издржало.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Променливо облачно време, попладне дожд

Времето денес ќе биде променливо облачно со сончеви периоди. Попладне ќе има повремени врнежи од дожд, наместа пообилни (10 до 15 l/m²). Локално ќе има услови за појава на нестабилност со пороен дожд и грмежи. Ќе дува слаб до умерен, а долж Повардарието повремено засилен ветер од северозападен правец.
Во Скопје, променливо облачно со сончеви периоди. Попладне ќе има повремени врнежи од дожд и ќе дува умерен, во делови од котлината повремено засилен ветер од северен правец.
Македонија
Прекинато водоснабдување во дел од Општина Карпош

Од ЈП Водовод и Канализација известуваат дека денеска поради дефект на шибер од ф – 80 мм на ул. Руѓер Бошковиќ бр. 15, во периодот од 09.00 часот па се до отстранување на дефектот без вода ќе останат корисниците лоцирани на потегот од бул. Осми Септември до раскрсница со ул. Никола Тесла. (општина Карпош).
Македонија
Мицкоски ќе се сретне со Орбан во Будимпешта

Премиерот Христијан Мицкоски в петок ќе присуствува на CPAC конференција во Будимпешта, Република Унгарија, соопшти владината прес-служба.
Мицкоски во рамки на посетата ќе се сретне со унгарскиот премиер, Виктор Орбан.